Mary's Rosaries Home Page Contact Us Make a Payment, Methods of Payment, Refund and Exchange Policies Rosaries subpages: Crucifixes & Beads Personalizing options Sterling Silver page How to Pray the Rosary subpages: Praying the Rosary Mysteries of the Rosary Pope John Paul II's Apostolic Letter on the Rosary English Prayers Afrikaans Prayers French Prayers German Prayers Italian Prayers Latin Prayers Polish Prayers Portuguese Prayers Slovak Prayers Spanish (American) Prayers Spanish (European) Prayers Tagalog Prayers More Languages... Pictures Main Page subpages: Religious Animals Rocks Transportation Public Domain Acknowledgments Curriculum subpages: Spelling Mathematics Religion Science Countries of the World Website Terms of Use License Agreement Sitemap The Work of God's Children  Ndebele Rosary Prayers Tabele, Tebele, Isinde'bele, Sindebele, and Northern Ndebele. It is very similar to Zulu. 1,550,000 in Matabeleland and around Bulawayo in Zimbabwe. It is also spoken in Botswana. See also The Work of God's Children page for the illustrated version of prayers in this language. Isibonakaliso sesiphambano / Sign of the Cross / Signum Crucis +Ngebizo likaYise, + leleNdodana, + lelikaMoya oNgcwele. Amen. UMvumukholo wabaphostoli / Apostles' Creed / Credo Ngiyakholwa kuNkulunkulu uYise uMninimandla wonke, uMdali wezulu lomhlaba, lakuJesu Kristu iNdodana yakhe eyodwa, iNkosi yethu; owemulwa ngamandla kaMoya oNgcwele, wazalwa liVirigo uMariya. Wahlutshwa ekubuseni kukaPhonsiyo Philathu, wabethelwa esiphambanweni, wafa, wangcwatshwa, wehla waya kwabafileyo. Ngelanga lesithathu wabuya wavuka ekufeni, wenyuka waya ezulwini. Uhlezi esandleni sokunene sikaYise lapho azavela khona, ezothetha amacala abaphilayo labafileyo. Ngiyakholwa kuMoya oNgcwele; iBandla eliNgcwele eliKhatholika; ukumanyana kwabangcwele, ukuthethelelwa kwezono, ukuvuka komzimba ekufeni, lokuphila okulaphakade. Amen Umkhuleko weNkosi / Baba wethu / Our Father / Pater Noster Baba wethu osezulwini, alidunyiswe ibizo lakho, awuze umbuso wakho, intando yakho ayenziwe emhlabeni njengasezulwini. Sipha lamhla ukudla kwethu okwansuku zonke, usixolele izono zethu njengalokhu lathi sibaxolela abasonayo thina. Ungasingenisi ekulingweni, kodwa usisindise ekubini. Amen. Ekuhle Mariya Ekuhle Mariya, ugcwele igrasiya, iNkosi ilawe, ubusisiwe wena esifazaneni, ibusisiwe lenzalo yesisu sakho uJesu. Mariya oNgcwele, Nina kaNkulunkulu, usikhulekele thina zoni, khathesi lasesikhathini sokufa kwethu. Amen. Udumo Udumo kalube kuYise, lakuNdodana, lakuMoya oNgcwele. Njengoba kwakunjalo ekuqaleni, kusenjalo lakhathesi, kuzakuba njalo kuze kube laphakade. Amen. “O! Jesu wami, akusixolele izono zethu, akusisindise emlilweni wesihogo, akuyise yonke imiphefumulo ezulwini ikakhulu leyo eswela isihawu sakho. Hail, Holy Queen Khumbula Mariya Khumbula, Mariya Virigo elilungileyo kakhulu, ukuthi kakuzange kuzwakale ukuba ukhona owake wadelwa nguwe, ebalekela kuwe, nqaba yethu, ekuncenga ukuba umlalele, ekunxusa ukuba umkhulekele. Ngakho-ke, ngethemba elinjalo, ngiyaphangisa, ukuza kuwe, Virigo lamavirigo, Mama. Sengimi phambi kwakho, ngikhala mina soni. O, Nina kaLizwi, ungawadeli amazwi ami, kodwa uwalalele ngomusa wakho. Amen. IROSALI ELINGCWELE Ingcazelo: Ukukhuleka iRosali yikuhamba ngendledlana yempilo kaJesu, kusukela ezindabeni ezithabisayo zokwemulwa kwakhe, sidabule phakathi kwenhlupheko zakhe lokufa kwakhe, senyukele enkazimulweni yokuvuka kwakhe ekufeni, lokwenyukela kwakhe ezulwini, lokwehla koMthokozisi, uMoya oNgcwele, lokukhazimuliswa kukaMariya, uNina woMsindisi wethu. Okuqakathekileyo ekukhulekeni iRosali yikunakana ngemfihlo loba impilo kaJesu, sizihlanganise layo. Indlela yokukhuleka iRosali 1. Yenza isibonakaliso sesiphambano, ukhuleke uNgiyakholwa kuNkulunkulu... 2. Khuleka uBaba wethu... Jesu, yandisa ukholo lwami. Ekuhle Mariya... Jesu, yandisa ithemba lwami. Ekuhle Mariya... Jesu, yandisa uthando lwami. Ekuhle Mariya... IMIKHULEKO 39 3. Khuleka uDumo..., ubusukhuleka “O! Jesu wami, akusixolele izono zethu, akusisindise emlilweni wesihogo, akuyise yonke imiphefumulo ezulwini ikakhulu leyo eswela isihawu sakho. 4. Tshono imfihlo yokuqala... Baba wethu... 5. Khuleka o-Ekuhle Mariya abalitshumi. 6. Khuleka uDumo... “O! Jesu wami...” 7. Tshono imfihlo yesibili... Baba wethu. 8. Khuleka o-Ekuhle Mariya abalitshumi. Imfihlo zeRosali elingcwele A. Indaba zentokozo: 1. Asikhumbuleni ukubika kwesithunywa kuMariya; (Luka 1,26-38). Baba wethu... Ekuhle Mariya abalitshumi, uDumo... O Jesu wami... 2. Asikhumbuleni ukwethekela kukaMariya kuElizabethi; (Luka 1,39-56). Baba wethu... Ekuhle Mariya abalitshumi, uDumo... O Jesu wami... 3. Asikhumbuleni ukuzalwa kukaJesu Kristu eBetlehema, esitebeleni; (Luka 2,1-20). 4. Asikhumbuleni ukwethulwa kukaJesu kuNkulunkulu ethempelini; (Luka 2,21-40). 5. Asikhumbuleni ukubonakala kukaJesu ethempelini; (Luka 2,41-52). IMIKHULEKO 40 B. Indaba zokukhanya 1 Asikhumbuleni ukubhabhathizwa kukaJesu emfuleni uJordani; (Mat 3,13-17; Marko 1,9-11; Luka 3,21-22). 2. Asikhumbuleni uJesu ephendula amanzi esiba liwayini emthimbeni waseKana; (Joha 2,1-11). 3. Asikhumbuleni ukutshumayela kukaJesu ngombuso kaNkulunkulu enxusa abantu ukuba baphenduke; (Mat 4,17; Marko 1,14-15; Luka 4,14- 15). 4. Asikhumbuleni ukukhazimuliswa kukaJesu entabeni ebonakalisa ubukhosi bakhe kubaPhostoli; (Mat 17,1-13; Marko 9,2-13; Luka 9,28-36). 5. Asikhumbuleni ukuMiswa kweSidlo esiNgcwele njengeSakramente elichaza iMfihlo yePhasika; (Mat 26,17-30; Marko 14,12-26; Luka 22,3-6). C. Indaba zenhlupheko kaJesu: 1. Asikhumbuleni ukukhuleka lokuhlupheka kukaJesu ensimini yaseGetsemani; (Mat 26,36-46). 2. Asikhumbuleni ukutshaywa kukaJesu endlini kaPhonsiyo Philathu; (Mat 27,26-31). 3. Asikhumbuleni ukufakwa kukaJesu umqhele wameva ekhanda; (Marko 15,16-20). 4. Asikhumbuleni ukuthwala kukaJesu isiphambano esiya entabeni yaseKhalivari; (Mat 27,27-32). 5. Asikhumbuleni ukubethelwa kukaJesu esiphambanweni lokufa kwakhe; (Mat 27,35-56). D. Indaba zobukhosi: 1. Asikhumbuleni ukuvuka kukaJesu Kristu ekufeni; (Joha 20,1-29). IMIKHULEKO 41 2. Asikhumbuleni ukwenyukela kukaJesu Kristu ezulwini; (Luka 24,50-53). 3. Asikhumbuleni ukwehlela kukaMoya oNgcwele kubaPhostoli; (Seb 2,1-4). 4. Asikhumbuleni ukwenyuselwa kukaMariya ongcwele ezulwini; (1 Kor 15,20-28). 5. Asikhumbuleni ukubekwa kukaMariya abe yinkosikazi yezithunywa labangcwele bonke; (Isam 12,1-6) IRosali lezinsizi eziyisikhombisa zikaMariya oNgcwele. / Rosary of the 7 Sorrows of Mary IRosali le iqaliswa ngendlela ejwayelekileyo. Ilezigaba eziyisikhombisa. Endaweni yokuthandaza oEkuhle Mariya abalitshumi, uzathandaza Ekuhle Mariya abayisikhombisa kuphela. 1. Usizi uMariya aba lalo ebikelwa nguSimiyoni ukuthi inhliziyo yakhe yayizagwazwa ngomhedla; (Luka 2,41-52). 2. Usizi uMariya aba lalo ebalekela eGibithe leNdodana yakhe, ekuzingelweni kwayo nguHerodi; (Mat 2,13-15). 3. Usizi uMariya aba lalo edinga iNdodana yakhe eyayilahlekile, wayifumana eJerusalema ngemva kwensuku ezintathu; (Luka 2,41-50). 4. Usizi uMariya aba lalo elandela iNdodana yakhe endleleni yokuya eKhalivari; (Luka 23,27). 5. Usizi UMariya aba lalo ebona indodana yakhe ilenga, ifela esiphambanweni; (Joha 19,25-27). 6. Usizi uMariya aba lalo esamukela isidumbu seNdodana yakhe. 7. Usizi uMariya aba lalo ebona ukungcwatshwa kweNdodana yakhe; (Luka 23,50-56). IMIKHULEKO 42 IRosali yesihawu sikaNkulunkulu. (Divine Mercy chaplet) Sikhuleka sisebenzisa iRosali 1. Baba wethu 2. Ekuhle Mariya 3. Ngiyakholwa 4. Dinga eBhayibhilini isifundo esimayelana lesihawu sikaNkulunkulu, unakane ngaso. 5. Letha izikhalazo zakho kuNkulunkulu. 6. Phambi kwaleso laleso sigaba seRosali, khuleka umkhuleko olandelayo: Baba olaphakade, nginikela kuwe uMzimba leGazi, uMoya lobuNkulunkulu, beNdodana yakho ethandekayo kuwe, iNkosi yethu uJesu Kristu. Nginikela kuwe konke lokhu ukuba kube yinhlawulo yezono zethu lezabantu bonke. 7. Tshono amazwi alandelayo kalitshumi Ngokusihluphekela kwakhe uJesu, woba lesihawu kithi lasebantwini bonke. (10x) 8. Amazwi wokuphetha liRosali uthi: Nkulunkulu oNgcwele, Nkulunkulu Somandla, Nkulunkulu oNgafiyo. Woba lesihawu kithi, lasebantwini bonke. (3x) Kyrie Nkosi, sihawukele - Nkosi, sihawukele. Kristu, sihawukele - Kristu, sihawukele. Nkosi, sihawukele - Nkosi, sihawukele. AMALITHANI ANGCWELE ILithani lezitemo zikaNkulunkulu Nkosi, sihawukele - Nkosi, sihawukele. Kristu, sihawukele - Kristu, sihawukele. Nkosi, sihawukele - Nkosi, sihawukele. Nkulunkulu Yise wasezulwini - sihawukele. Nkulunkulu Ndodana, Msindisi womhlaba - Nkulunkulu Moya oNgcwele - Buthathu obuNgcwele obunguNkulunkulu munye - Mdali owadala izinto zonke, ezibonakalayo lezingabonakaliyo - Menzi owenza konke ngamandla akho angelamkhawulo - Somandla ongehlulwa lutho, ngoba amandla wonke engawakho - Mvelingqangi ongadabukanga, owawuvele ukhona kusukela nini lanini - Mlimophezulu, Wena ophezu kwakho konke okusezulwini lasemhlabeni - Nkosi, Wena oyiNkosi yamakhosi onke - Baba, Wena onguYise weNkosi yethu uJesu Kristu, lowezidalwa zonke - Mbusi, Wena onguMbusi wababusi bonke - Simakade, Wena ongagugiyo, ongafiyo, ongapheliyo Mkhulumkhulu, Wena ongelinganiswe lasidalwa - Yahwe, Nkulunkulu kaAbrahama lolsaka loJakobe - Sebawothi, Nkulunkulu wamaxuku asezulwini lasemhlabeni - Nkazimulo elaphakade, Buhle obungelamkhawulo - Ngqongqotshe wabongqongqotshe, Wena ogugelwa yikho konke - Ngonyama yezizwe zonke - Dwala lemiphefumulo yethu - IMIKHULEKO 44 Guqabadele, Wena odelisa konke! - sihawukele. Ngobamakhosi yezingobamakhosi, Wena okhothanyelwa ngamakhosi onke - Buthathu obuNgcwele obunguNkulunkulu munye - Mninikulunga lomusa, Wena oyibuNgcwele bobuNgcwele bonke - Mdabuli owadabula imifula lezinlwandle lakho konke okumangalisayo - Mvelukhona, ongelasiqaliso lesicino! - Alfa lo Omega, kuQalisa lokuCina, kuPhakama lokuZika, kuQhela lokuNcipha - Thulasizwe wabothulasizwe, Wena olalelwa yizithunywa zonke zasezulwini - Nkulunkulu dondolo lwamazibuko - Wena ongumthombo wokuphila - Wena ongabonakaliyo - Wena osendaweni zonke - Wena okwazi konke - Wena ongaguqukiyo - Wena onguwe wedwa oNgcwele lolungileyo - Wena ongakhohlisiyo oliqiniso elimiyo - Wena Dwala elilaphakade, Nqamatha - Mvana kaNkulunkulu, wena osusa izono zabantu - Siphathe ngomusa Nkosi. Mvana kaNkulunkulu, wena osusa izono zabantu - Sizwe Nkosi. Mvana kaNkulunkulu, wena osusa izono zabantu - Sihawukele. Kristu sizwe - Kristu akusizwe. Kasikhulekeni: Nkulunkulu lanxa sonke singafanele ukuvula imilomo yethu ngenxa yokuthi siyizoni, kodwa sithembele esihawini sakho ngoba sabunjwa nguwe. Akuzwe ukucela kwethu, usihawukele, usigcwalise ngothando lwakho, wenze sikusebenzele ngeqiniso size sibonane lawe ubuso ngobuso emzini wakho ongcwele wasezulwini. Sicela lokhu ngoKristu iNkosi yethu. Amen. IMIKHULEKO 45 ILithani lebizo eliNgcwele likaJesu Nkosi, sihawukele - Nkosi, sihawukele. Kristu, sihawukele - Kristu, sihawukele. Nkosi, sihawukele - Nkosi, sihawukele. Nkulunkulu, Yise wasezulwini - sihawukele. Nkulunkulu Ndodana, Msindisi womhlaba - Nkulunkulu Moya oNgcwele - Buthathu obuNgcwele obunguNkulunkulu munye - Jesu, Ndodana kaNkulunkulu ophilayo - Jesu, Kukhanya kukaNkulunkulu uYihlo - Jesu, Nkazimulo lokuKhanya okulaphakade - Jesu, Nkosi yodumo - Jesu, Langa lokulunga - Jesu, Ndodana yeVirigo uMariya - Jesu, Wena obukekayo kakhulu - Jesu, Nkulunkulu wobuqhwaga - Jesu, Yise welizwe elizayo - Jesu, Sithunywa sesivumelwano esikhulu - Jesu, Wena onguMninimandla wonke - Jesu, Olokubekezela okungapheliyo - Jesu, Wena olalela ngokupheleleyo - Jesu, OleNhliziyo echumileyo lethobekileyo - Jesu, Mthandi wobumhlophe benhliziyo - Jesu, Mthandi wethu - Jesu, Nkulunkulu wokuthula - Jesu, Sisusa sokuphila - Jesu, Sibonelo sokulunga - Jesu, Mtshisekeli wemiphefumulo - Jesu, Nkulunkulu wethu - Jesu, Nqaba yethu - Jesu, Yise wabayanga - Jesu, Gugu lamakholwa - Jesu, Malusi olungileyo - IMIKHULEKO 46 Jesu, Kukhanya kweqiniso - sihawukele. Jesu, Kuhlakanipha okulaphakade - Jesu, Kulunga okungapheliyo - Jesu, Ndlela, leQiniso lokuPhila kwethu - Jesu, Kuthokoza kwezithunywa zasezulwini - Jesu, Nkosi yabaPhostoli - Jesu, Mfundisi wababhali beVangeli eliNgcwele - Jesu, Mandla leSibindi sabafelukholo - Jesu, Kukhanya kwabavum’ukholo - Jesu, Bumhlophe bamavirigo - Jesu, Mqhele wabangcwele bonke - Mvana kaNkulunkulu, wena osusa izono zabantu - Siphathe ngomusa Nkosi. Mvana kaNkulunkulu, wena osusa izono zabantu - Sizwe, Nkosi. Mvana kaNkulunkulu, wena osusa izono zabantu - Sihawukele. Jesu, sizwe - Jesu, akusizwe. Kasikhulekeni: Nkosi Jesu Kristu, wena owathi: Celani, lizakuphiwa, funani lizakufumana, qoqodani, lizakuvulelwa; siyakuncenga ukuba usiphe inhliziyo elothando njengeyakho, khona sizakuthanda ngenhliziyo zethu zonke, sikudumise ngemilomo yethu, sikusebenzele ngezenzo zethu, singadinwa yikukudumisa. Nkosi, yenza ukuba ibizo lakho eliNgcwele lesatshwe, lithandeke, lidunyiswe emazweni onke. Sicela kuwe, wena ophila ubusa loYihlo loMoya oNgcwele kuze kube nini lanini. Amen. IMIKHULEKO Ukukhuleka kuJesu Nkosi Jesu Kristu, Ndodana kaNkulunkulu, Msindisi wethu, akungihawukele mina soni. Amen. (Emabandleni asempumalanga usetshenziswa uphindwaphindwa njengeRosali). Ukukholwa Nkulunkulu wami, ngiyakholwa kuwe, ngiyakholwa konke okufundiswa liBandla lakho. Ngiyakholwa ngoba watsho wena; ilizwi lakho liliqiniso. Nkulunkulu wami, yandisa ukukholwa kwami! Amen. Ukuthemba Nkulunkulu wami; ngiyathemba kuwe, ngoba ulamandla wonke, ulomusa ongakhawukiyo. Nkulunkulu wami, yandisa ukuthemba kwami! Amen. Ukuthanda Nkulunkulu wami ngiyakuthanda. Yenza ukuba ngikuthande phezu kwezinto zonke, ngoba umuhle phezu kwakho konke okuhle; ngimthande lowakhelene lami njengoba ngizithanda mina. Nkulunkulu wami, yandisa ukukuthanda kwami! Amen. Ukuzisola ngezono Nkulunkulu wami, inhliziyo yami ibuhlungu kakhulu, ngoba ngikonile wena Baba olobuhle obungapheliyo. Sengizimisela ukukuthanda phezu kwakho konke okudaliweyo. Ngiyazizonda izono zami zonke; ungisize ngamandla akho, ngingaphindi ukwenza isono. Amen. Imikhuleko yokudla Sekuzadliwa: Nkulunkulu Baba, akubusise lokhu kudla esikuphiwe nguwe. NgoJesu Kristu iNkosi yethu. Amen. Sekudliwe: Siyabonga, Nkulunkulu Baba, ngakho konke okuhle osipha khona. NgoJesu Kristu iNkosi yethu. Amen. Umkhuleko wekuseni Ngiyakholwa kuwe, Nkulunkulu wami, yenza ngikuthande ngenhliziyo yami yonke. Ngiyakubonga ngoba ungilondolozile kulobubusuku. Konke engizakwenza lamhla ngizakwenzela ukudumisa lokuthanda wena. Konke ukuhlupheka okuzangivelela ngizabekezela kukho ngenxa yakho, ngihlawulele ngakho izono zami. Ngithanda ukuzuza zonke izibusiso ezizuzakala ngemikhuleko langemisebenzi yami. Baba, Nkosi, ngilondoloze futhi lamhla, ungisize ukuba ngixwaye konke ukona. Amen. (Baba wethu, Ekuhle Mariya, Udumo, Sithunywa esingcwele) Umkhuleko wakusihlwa Nkulunkulu Baba, ngiyakubonga ngosuku lwalamuhla onginike lona, langakho konke okomoya lokomzimba, ongenzele khona. Ngiyethula kuwe konke okuhle engikwenzileyo, ngikubonga ngokungisiza kwakho kukho konke, ngoba ngaphandle kwakho bengingasoze ngenze lutho oluhle. Zinengi iziphambeko engizenzileyo lamhla, lamaphutha engibe lawo ekukukhonzeni. (Hlolisisa inhliziyo yakho ngezono) Sengizisola Baba ngokudabuka, ngisithi: Nkulunkulu wami, inhliziyo yami ibuhlungu kakhulu ngoba ngikonile wena... IMIKHULEKO 8 Ake ungemukele njalo, ngithandeke kuwe, ngingabuyi ngehlukaniswe yilutho lawe. Ungilondoloze kulobubusuku, ungivikele ezingozini zonke, ezomphefumulo lezomzimba; ulondoloze labazali bami lezinini, labangane bami. (Baba wethu, Ekuhle Mariya, Udumo, Sithunywa esingcwele) Ngiyazi ukuthi ngizakufa, kodwa kangazi ukuthi nini, kumbe njani, loba ngaphi. Into engiyaziyo yinye: ukuthi ngingafa ngilesono esibulalayo ngizakuya emlilweni, ngingasindiswa lanini. Jesu, loMariya, loJosefa, ngibeka ezandleni zenu umphefumulo wami. Jesu, loMariya, loJosefa, lingisize lapho sengisifa. Jesu, loMariya, loJosefa, wobani lami lapho umoya wami usuphuma. Imilayo elitshumi kaNkulunkulu / The Ten Commandments Mina ngiyiNkosi uNkulunkulu wakho, ungabi labanye oNkulunkulu ngaphandle kwami. Ungaliphathi ngeze ibizo leNkosi uNkulunkulu wakho. Khumbula ukulondoloza usuku lweSonto ulwenze lube Ngcwele. Yazisa uyihlo lonyoko, khona uzakuhlala kuhle, uhlale isikhathi eside futhi emhlabeni. Ungabulali. Ungafebi. Ungebi. Ungaqambeli amanga owakhelene lawe. Ungakhanuki umfazi kamakhelwana wakho. Ungahawukeli impahla kamakhelwana wakho. Isithunywa seNkosi / The Angelus K. Isithunywa seNkosi sabika kuMariya; B. Wemula ngamandla kaMoya oNgcwele. K. Ekuhle Mariya... B. Mariya oNgcwele... K. UMariya wathi: Khangela ngiyincekukazi yeNkosi; B. Kakube kimi njengokutsho kwakho. K. Ekuhle Mariya... B. Mariya oNgcwele... K. ULizwi waba yiNyama; B.. Wahlala phakathi kwethu. K. Ekuhle Mariya... B. Mariya oNgcwele... K. Sikhulekele, Nina oNgcwele kaNkulunkulu; B. Ukuba senziwe sifanele asithembisa khona uKristu. Kasikhulekeni: Nkosi siyakucela ukuba uthele amandla akho enhliziyweni zethu, ukuze kuthi thina esaziswa yisithunywa ukuba ngumuntu kukaKristu iNdodana yakho, sifmyelele ebukhosini basezulwini, ngenxa yokuhlupheka lokufa, lovuka kwayo. Sicela ngaye uKristu iNkosi yethu. Amen. Nkosikazi yezulu / Regina Coeli (recited after Easter) K. Nkosikazi yezulu thokoza, Aleluya! B. Ngoba lowo owawufanele ukumbeletha, Aleluya! K. Uvukile njengokutsho kwakhe, Aleluya! B. Usikhulekele kuNkulunkulu, Aleluya! K. Thaba uthokoze, Virigo Mariya, Aleluya! B. Ngoba iNkosi, ivukile sibili, Aleluya! Kasikhulekeni: Nkulunkulu, wena owathanda ukuthokozisa umhlaba ngokuvuka kweNdodana yakho, iNkosi yethu uJesu Kristu, siyakuncenga, ukuba ngoNina weNkosi yethu uJesu Kristu, yenza ukuba sizuze intokozo zokuphila okulaphakade. Sicela ngaye uKristu iNkosi yethu. Amen. KuJosefa oNgcwele / Prayer to Saint Joseph Josefa oNgcwele, mlondolozi waba lobumhlophe benhliziyo, wena owathembeka kuNkulunkulu, waze wabeka ezandleni zakho uJesu Kristu, iNdodana yakhe, loMariya, iVirigo eliNgcwele, ukuba ubalondoloze. Ngiyakuncenga ngabo, ukuba ungicelele amandla okwehlula izilingo zomzimba ukuze ngikhonze uNkulunkulu ngengqondo ehlambulukileyo, langenhliziyo emhlophe, langomzimba omsulwa. Amen. Umkhuleko kaFransisi ongcwele waseAssisi / Prayer of Saint Francis Nkosi, ngenze ngibe linxusa lokuthula kwakho: Kwabazondanayo, ngilethe ukuthandana; Kwabathandabuzayo, ngilethe ukukholwa; Kwabaphelelwa lithemba, ngilethe ithemba; Kwabasebumnyameni, ngilethe ukukhanya; Kwabadanileyo labasosizini, ngilethe ukuthaba. Yenza ukuba ngingadingi ukududuzwa, ngidinge kuphela ukududuza abanye; Ngingadingi ukuzwisiswa ngabanye, kodwa ukuzwisisa abanye; Ngingadingi ukuthandwa ngabanye, kodwa ukuthanda abanye. Ngoba nxa sisipha ngomusa: siphiwa ngomusa; Nxa sithethelela siyathethelelwa; Nxa sifela eNkosini, siqalisa impilo entsha engapheliyo. Amen. ILithani leNhliziyo eNgcwele kaJesu Nkosi, sihawukele - Nkosi, sihawukele. Kristu, sihawukele - Kristu, sihawukele. Nkosi, sihawukele - Nkosi, sihawukele. Kristu, sizwe - Kristu, akusizwe. Nkulunkulu, Yise wasezulwini - sihawukele. Nkulunkulu, Ndodana, Msindisi womhlaba - Nkulunkulu, Moya oNgcwele - Buthathu obuNgcwele obunguNkulunkulu munye - Nhliziyo kaJesu, Ndodana kaYise olaphakade - sihawukele. Nhliziyo kaJesu, wena owabunjwa nguMoya oNgcwele esiswini sikaNyoko oliVirigo - Nhliziyo kaJesu, wena ohlangene ngobuqotho leLizwi likaNkulunkulu - Nhliziyo kaJesu, elobukhosi obungapheliyo - Nhliziyo kaJesu, wena olithempeli elingcwele, likaNkulunkulu - Nhliziyo kaJesu, wena oyiSithebe Sophezukonke - Nhliziyo kaJesu, wena oyindlu kaNkulunkulu lentuba yezulu - Nhliziyo kaJesu, wena oliziko elivutha uthando - Nhliziyo kaJesu, wena oyiSithebe sokulunga lothando - Nhliziyo kaJesu, wena ogcwele umusa lothando - Nhliziyo kaJesu, wena onguMhome wokulunga konke - Nhliziyo kaJesu, wena ofanele okudunyiswa kokuphela - Nhliziyo kaJesu, wena oyiNkosi lensika yezinhliziyo zonke - Nhliziyo kaJesu, wena okukhona kuwe wonke umthapho wokuhlakanipha lolwazi - Nhliziyo kaJesu, wena obuhlezi kuwe ubuNkulunkulu bonke - IMIKHULEKO 48 Nhliziyo kaJesu, wena othandeka kakhulu kuYihlo - sihawukele. Nhliziyo kaJesu, wena esabelweyo sonke inotho yakho engelamkhawulo - Nhliziyo kaJesu, wena okhwabithwa yintaba zaphakade - Nhliziyo kaJesu, wena obekezelayo, ogcwele isihawu - Nhliziyo kaJesu, wena obanothisayo labo abacela kuwe - Nhliziyo kaJesu, wena onguMthombo wokuphila lobungcwele - Nhliziyo kaJesu, wena ongumhlawuleli wezono zethu - Nhliziyo kaJesu, wena owasuthiswa ngenhlamba - Nhliziyo kaJesu, wena owalinyazelwa izono zethu - Nhliziyo kaJesu, wena owalalela kwaze kwaba sekufeni Nhliziyo kaJesu, wena owagwazwa ngomkhonto - Nhliziyo kaJesu, wena onguMthombo wenduduzo - Nhliziyo kaJesu, wena oyikuphila lokuvuka kwethu - Nhliziyo kaJesu, wena ongumlamuli wethu - Nhliziyo kaJesu, wena othethelela izono - Nhliziyo kaJesu, wena olusindiso lwabalethemba kuwe - Nhliziyo kaJesu, wena olithemba labafela kuwe - Nhliziyo kaJesu, wena oyintokozo yabangcwele bonke Mvana kaNkulunkulu wena osusa izono zabantu - Siphathe ngomusa, Nkosi. Mvana kaNkulunkulu wena osusa izono zabantu - Sizwe, Nkosi. Mvana kaNkulunkulu wena osusa izono zabantu - Sihawukele. Kristu, sizwe - Kristu akusizwe. K. Jesu olenhliziyo echumileyo ithobile; B. Akwenze ukuba inhliziyo zethu zifuze eyakho. IMIKHULEKO 49 Kasikhulekeni: Nkulunkulu Somandla Simakade, ake ukhangele iNhliziyo yeNdodana yakho ethandekayo kakhulu uJesu Kristu, ukhangele ukuzidela lokuzinikela kwakhe ehlawulela abalezono. Bathethelele izono zabo abakucelayo bethemba umusa wakho, ngenxa yebizo likaJesu Kristu iNdodana yakho, ehlezi ibusa kanye lawe, ndawonye loMoya oNgcwele kuze kube laphakade. Amen. ILithani lenhlupheko kaJesu Nkosi, sihawukele - Nkosi, sihawukele. Kristu, sihawukele - Kristu, sihawukele. Nkosi, sihawukele - Nkosi, sihawukele. Nkulunkulu, Yise wasezulwini - sihawukele. Nkulunkulu, Ndodana, Msindisi womhlaba - Nkulunkulu, Moya oNgcwele - Buthathu obuNgcwele obunguNkulunkulu munye - Jesu, wena owahlupheka ensimini yaseGetsemani - Jesu, wena owajuluka izithukuthuku zegazi ekuhluphekeni kwakho - Jesu, wena owazinikela ngokupheleleyo entandweni kaYihlo - Jesu, wena owathwala izono zomhlaba - Jesu, wena owanikelwa ungelacala - Jesu, wena owabalekelwa ngabafundi bakho - Jesu, wena owalandulwa nguSimoni Phetro - Jesu, wena owathathelwa inkululeko yakho - Jesu, wena omzimba wakho wadatshulwa imvimvinya ngemvubu - Jesu, wena owetheswa umqhele wameva ekhanda wahozwa - Jesu, wena owanikwa icala ngofakazi bamanga - Jesu, wena owagwetshelwa ukufa emthethwandaba ungelacala - IMIKHULEKO 50 Jesu, wena owathwala isiphambano esisindayo kakhulu - sihawukele. Jesu, wena owaqhutshwa uthule njengemvu elethwa ekuhlatshweni - Jesu, wena owahamba usiwa, ulimala, usindwa yisiphambano - Jesu, wena owahlutshulwa izigqoko zakho kabuhlungu - Jesu, wena owabethelwa esiphambanweni, wezwa ubuhlungu obukhulu - Jesu, wena owabalwa kanye lababi, wafela phakathi kwamasela - Jesu, wena owawungathi usudeliwe yibo bonke, wahlutshwa yisizungu - Jesu, wena owalalela kwaze kwaba sekufeni - Jesu, wena owafa kabuhlungu esiphambanweni - Jesu, wena owagwazwa ohlangothini ngomkhonto - Jesu, wena owehliswa esiphambanweni, wangcwatshwa elibeni - Jesu, wena owehla waya endaweni yabafileyo - Jesu, wena owavuka ngobukhosi ngosuku lwesithathu Bonke: Esiphambanweni, kulaph’okulosindiso - Esiphambanweni, kulaph’okulokuphila - Esiphambanweni, kulaph’okulethemba. Thina zoni - siyakuncenga, akusizwe. Ngenhlupheko zakho, siholele ekuzisoleni lasekuphendukeni - siyakuncenga, akusizwe. Sikhulule ezonweni zethu - Senze sithande ukwenza intando yakho - Sisize ukuba sithwale ngesibindi isiphambano sethu - Senze sibekezele ekuhluphekeni - Buyisela impilo enhle kwabagulayo - Yemukela abafileyo ekhaya lakho lasezulwini - IMIKHULEKO 51 Ake uvuselele umhlaba, uwenze ube ngopheleleyo - Bonke: Esiphambanweni, kulaph’okulosindiso - Esiphambanweni, kulaph’okulokuphila - Esiphambanweni, kulaph’okulethemba. Ukuze sibe lomoya wokuxolelana - sisize, siyakuncenga Nkosi. Ukuze sibe lomoya wokuthethelela, abasonayo - sisize, siyakuncenga Nkosi. Ukuze silungise ukuxabana lokungezwani ngothando langokuthula - sisize, siyakuncenga Nkosi. Ukuze sikubone ebantwini bonke - Ukuze sikhangele bonke abadelelwayo njengezinini zethu - Ukuze sibone ubuso bakho kibo bonke abahlutshwayo labasosizini - Ukuze siwazi amandla asindisayo owasilethela wona ngokusifela kwakho - Ukuze singalahli ithemba loba sekunjani - Bonke: Esiphambanweni, kulaph’okulosindiso - Esiphambanweni, kulaph’okulokuthula - Esiphambanweni, kulaph’okulethemba. Mvana kaNkulunkulu, wena osusa izono zabantu - Siphathe ngomusa, Nkosi. Mvana kaNkulunkulu, wena osusa izono zabantu - Sizwe, Nkosi. Mvana kaNkulunkulu, wena osusa izono zabantu - Sihawukele. Kasikhulekeni: Siyakubonga Nkosi Jesu Kristu, ngokuhlupheka langokusifela kwakho, ukuze sisindiswe. Akusiphe amandla ukuze lathi sithwale iziphambano zethu ngokubekezela. Wena ophila ubusa kuze kube laphakade. Amen. ILithani likaMariya oNgcwele Nkosi, sihawukele - Nkosi, sihawukele. Kristu, sihawukele - Kristu, sihawukele. Nkosi, sihawukele - Nkosi, sihawukele. Kristu, sizwe - Kristu, akusizwe. Nkulunkulu, Yise wasezulwini - sihawukele. Nkulunkulu, Ndodana, Msindisi womhlaba - Nkulunkulu, Moya oNgcwele - Buthathu obuNgcwele obunguNkulunkulu munye - Mariya oNgcwele - sikhulekele. Mzali oNgcwele kaNkulunkulu - Virigo eliNgcwele emaVirigweni - Nina kaKristu; Nina weBandla - Nina womusa kaNkulunkulu - Nina omsulwa ngokupheleleyo - Nina olenhliziyo emhlophenke - Nina ongangcoliswanga yibubi - Nina onganindwanga ngesono - Nina othandekayo kakhulu - Nina obukekayo kakhulu - Nina wezeluleko ezinhle - Nina woMdali wethu - Nina woMsindisi wethu - Virigo elihlakaniphileyo kakhulu - Virigo elihloniphekayo kakhulu - Virigo elilodumo olukhulu - Virigo elilamandla kakhulu - Virigo elilomusa omkhulu - Virigo elithembekileyo kakhulu - Sibonelo sokulunga - Sihlalo sokuhlakanipha - Wena mthabisi wethu - Mthombo wokomoya - IMIKHULEKO 58 Sitsha esazisekayo - sikhulekele. Sitsha esigcwele uthando lukaNkulunkulu - Luba elingumangaliso - Mvikeli wenzalo kaDavida - Ndlu eyakhiwe ngezibalazo eziligugu - Ndlu yegolide - Ndlwana yesivumelwano Ntuba yezulu - Khwezi lokusa - Kusila kwezigulane - Mvikeli wezoni - Mduduzi wabalusizi - Msizi wamakholwa - Msizi wabapristi lezidelamhlaba! - Nkosikazi yezithunywa zasezulwini - Nkosikazi yabaPhatriyaki bonke - Nkosikazi yabaProfethi bonke - Nkosikazi yabaPhostoli bonke - Nkosikazi yabafelukholo bonke - Nkosikazi yabavumukholo bonke - Nkosikazi yamaVirigo wonke - Nkosikazi yabangcwele bonke - Nkosikazi eyemulwa ingelasono semvelo - Nkosikazi eyenyuselwa ezulwini - Nkosikazi yeRosali elingcwele sibili - Nkosikazi yokuthula - Nkosikazi yezulu lomhlaba - Nkosikazi yezizwe zonke! - Mvana kaNkulunkulu, wena osusa izono zabantu - Siphathe ngomusa Nkosi. Mvana kaNkulunkulu, wena osusa izono zabantu - Sizwe, Nkosi. Mvana kaNkulunkulu, wena osusa izono zabantu - Sihawukele. Kristu, sizwe - Kristu, akusizwe. IMIKHULEKO 59 Kasikhulekeni: Nkosi, Nkulunkulu Baba, akuvume ukuba thina zikhonzi zakho, sibe lempilo yomoya leyomzimba; lokuba kuthi ngokusicelela okulamandla kukaMariya oNgcwele, oliVirigo kokuphela, siphephe ezinsizini zalokhu kuphila, sifinyelele entokozweni elaphakade. Sicela ngoKristu iNkosi yethu. Amen. ILithani likaJosefa oNgcwele Nkosi, sihawukele - Nkosi, sihawukele. Kristu, sihawukele - Kristu, sihawukele. Nkosi, sihawukele - Nkosi, sihawukele. Kristu, sizwe - Kristu, akusizwe. Nkulunkulu, Yise wasezulwini - sihawukele. Nkulunkulu, Ndodana, Msindisi womhlaba - Nkulunkulu, Moya oNgcwele - Buthathu obuNgcwele obunguNkulunkulu munye - Mariya ongcwele - sikhulekele. Josefa ongcwele - Wena oyinzalo edumileyo kaDavida - Josefa ongcwele, kukhanya kwabaPhatriyaki - Josefa ongcwele, myeni woMzali kaNkulunkulu - Josefa ongcwele, mlondolozi omsulwa weVirigo uMariya - Josefa ongcwele, mondli weNdodana kaNkulunkulu Josefa ongcwele, mvikeli olesinanzo kuKristu - Josefa ongcwele, nhloko yendlu eNgcwele yaseNazaretha - Josefa ongcwele, wena olunge kakhulu - Josefa ongcwele, wena olenhliziyo emhlophe kakhulu - Josefa ongcwele, wena ohlakaniphileyo kakhulu - Josefa ongcwele, qhawe elilesibindi - Josefa ongcwele, sibonelo sokulalela okukhulu - Josefa ongcwele, sibonelo sokuthembeka okukhulu - Josefa ongcwele, sibonelo sokubekezela - IMIKHULEKO 60 Josefa ongcwele, wena mthandi wobuyanga - sikhulekele. Josefa ongcwele, sibonelo sezisebenzi - Josefa ongcwele, sibonelo sobuhle bokuhlalisana kuhle endlini - Josefa ongcwele, mlondolozi wamavirigo - Josefa ongcwele, mqinisi wezimuli - Josefa ongcwele, mduduzi wabalusizi - Josefa ongcwele, themba labagulayo - Josefa ongcwele, mmeli wabaphansi kokufa - Josefa ongcwele, wena owethusela imimoya emibi - Josefa ongcwele, mlondolozi weBandla eliNgcwele - Mvana kaNkulunkulu, wena osusa izono zabantu - Siphathe ngomusa, Nkosi. Mvana kaNkulunkulu, wena osusa izono zabantu - Sizwe, Nkosi. Mvana kaNkulunkulu, wena osusa izono zabantu - Sihawukele. K. Nkulunkulu wamenza inkosi yendlu yakhe. B. Lomlondolozi wezinto zakhe zonke. Kasikhulekeni: Nkulunkulu, owathi ngokunanzelela kwakho okumangalisayo wakhetha uJosefa oNgcwele ukuba abe ngumyeni kaNina weNdodana yakho. Siyakubonga. Njengoba simdumisa lapha emhlabeni, siyakuncenga ukuba njengomlondozi wethu asikhulekele ezulwini. Sicela ngoKristu iNkosi yethu. Amen. The Stations of the Cross INDLELA YESIPHAMBANO Umkhuleko wokuvula O! Jesu wami sengizanakana ngokuhlupheka kwakho okukhulu owakuzwa ngenxa yami, ngikubonge, ngoba wazinikela ekufeni ngenxa yokungithanda; wahlawulela amacala ami, ebengifanele ukuhlawuliswa ngenxa yawo. O! Jesu wami, ngosizi lwakho olungaka owehlelwa yilo ngenxa yami, ngiyakuncengisisa ukuba ungiphe umusa wakho, ukuze ngiphenduke ngokupheleleyo, ngiyekele ukona, ngizisole ngezono zami, ngibuyele kokuphela kuwe Jesu Msindisi wami. Amen. Ingoma: Nangu Nina ebuhlungu, emi esiphambanweni, kuMntanakhe ebethelwe. 1. UJesu uyanikelwa ukuba abulawe K. Siyakhuleka kuwe Kristu, sikudumisa. B. Ngoba wasindisa umhlaba ngesiphambano sakho esingcwele. Isifundo: Marko 15,1-15. K. Abapristi abakhulu labadala lomphakathi wonke, benza icebo, bambopha uJesu, bamtshaya, bamqhuba, bamnikela kuPhilathu. UPhilathu wambuza wathi: “Wena uyinkosi yamaJuda na?” UJesu wathi kuye: “Kutsho wena.” UPhilathu wathanda ukumkhulula ngoba engelacala. Kodwa ngenxa yokwesaba ixuku wamnikela ukuba abethelwe. (Thula ucabange) Kasikhulekeni: O! Jesu wami, wena owathula ulahlwa ungelacala, wabekezela, kawaze waphendula lelilodwa ilizwi; akungiphe inhliziyo efana leyakho, ukuze lami ngithule, ngibekezele lapho abantu benginyeya, bengithuka, lalapho bekhuluma izinto ezimbi ngami. K. O! Jesu obethelweyo. B. Sihawukele. IMIKHULEKO 69 Ingoma: Esakhala, O! kwangathi, uhlatshiwe ngesihedla, yathi saka inhliziyo. 2. UJesu uthwaliswa isiphambano sakhe K. Siyakhuleka kuwe Kristu, sikudumisa. B. Ngoba wasindisa umhlaba ngesiphambano sakho esingcwele. K. “Bamthathake uJesu, waphuma ethwele isiphambano sakhe, waya endaweni ethiwa yiNdawo yokhakhayi, ngesiHeberu, iGolgotha; (Joha 19,17). (Thula ucabange) Kasikhulekeni: O! Jesu wami, wena owavuma intando kaYihlo wasezulwini, wathwala isiphambano esisindayo kakhulu, walalela kwaze kwaba sekufeni esiphambanweni. Akungiphe amandla okuba lami ngibekezelele ukuthwala isiphambano sokholo, ngigcine imilayo yakho, ngilalele imfundiso yeBandla, ngenze intando yakho kokuphela. K. O! Jesu obethelweyo. B. Sihawukele. Ingoma: O! ngosizi lobuhlungu, abuzwayo uMariya, esefelwa nguMntanakhe. 3 UJesu uyawa ngokokuqala esindwa yisiphambano K. Siyakhuleka kuwe Kristu, sikudumisa. B. Ngoba wasindisa umhlaba ngesiphambano sakho esingcwele. K. Wasesuka uJesu wahamba ethwele isiphambano eqonda eKhalivari. Umzimba wakhe wawusubuthakathaka kakhulu, ngoba wayewophe igazi elinengi. Ngenxa yalokhoke, waphelelwa ngamandla, wawa phansi, isiphambano sawela phezu kwakhe, sabuya sathunuka IMIKHULEKO 70 amanxeba akhe, aphuma igazi futhi ngamandla. (Thula, ucabange). Kasikhulekeni: O! Jesu wami, lanxa wawusizwa ubuhlungu obukhulu ngokuwa kwakho usindwa yisiphambano, wawuvuka, uqhubekele phambili, ngenxa yothando lwakho olukhulu kithi. Akungiphe lami uthando olukhulu, oluqotho, ukuba ngikuthande phezu kwezinto zonke, ngingavumi ukuba ngehlukaniswe yilutho lawe. K. O! Jesu obethelweyo. B. Sihawukele. Ingoma: Wema khona, elusizi, ekhalela iNdodana, ihlupheka, ibuhlungu. 4. UJesu uhlangana loNina endleleni K. Siyakhuleka kuwe Kristu, sikudumisa. B. Ngoba wasindisa umhlaba ngesiphambano sakho esingcwele. K. UJesu ethwele isiphambano sakhe wahlangana loNina endleleni. Inhliziyo kaNina yagwazwa ngumhedla wobuhlungu. Laye uJesu wadabuka kakhulu ebona uNina elusizi; (Luka 2,35). (Thula, ucabange). Kasikhulekeni: Nkosi Jesu Kristu, abafundi bakho bakubalekela, kodwa uNyoko wakulandela elusizi, engesabi. Lathi nxa sisebunzimeni, sekungathi sesideliwe yibo bonke, uNyoko uMariya, nguMama wethu sonke, uhlala lathi esiduduza, esisiza, nxa simcela. Sisize ukuba simlingise, singakutshiyi loba sekunjani, sibaduduze kokuphela abahluphekayo. K. O! Jesu obethelweyo. B. Sihawukele. Ingoma: Kambe kungabe ekhona, ongambon’uNina lowo, elusizi engakhali? IMIKHULEKO 71 5. USimoni waseKureni, uyamthwalela uJesu isiphambano. K. Siyakhuleka kuwe Kristu, sikudumisa. B. Ngoba wasindisa umhlaba ngesiphambano sakho esingcwele. K. Njengoba uJesu wayebuthakathaka, ehamba esiwa, kwaba sobala ukuthi umthwalo wawumsinda. Amabutho abamba ngamandla umuntu othiwa nguSimoni waseKureni, owayedlula evela egangeni, ukuba athwale isiphambano sakhe; (Marko 15,21). (Thula, ucabange). Kasikhulekeni: O! Jesu wami, inhliziyo yakho igcwele isihawu lothando, ngakhoke wemukela usizi lolo olwesabekayo, lokuhlutshwa ngesihluku esikhulu, ukuze usizuzele ukuthokoza okulaphakade. Siyakubonga ngokusithanda kwakho kangaka, Nkosi. Akuvume ukuba lathi sikuphumuze, njengoSimoni emthwalweni wakho onzima, ngokukusebenzela ngenhliziyo yonke, langokusiza omakhelwane. K. O! Jesu obethelweyo. B. Sihawukele. Ingoma: O! ngubani ongahawulwa, nguMariya elusizi, ekhalela uMntanakhe? 6. UVeronika uyesula ubuso bukaJesu. K. Siyakhuleka kuwe Kristu, sikudumisa. B. Ngoba wasindisa umhlaba ngesiphambano sakho esingcwele. K. Ubuso bukaJesu sebugcwele igazi, lezithukuthuku, lamathe amaJuda ayemkhafulela ngawo, owesifazana othiwa nguVeronika, wasondela kuJesu engesabi amabutho ayemqhuba, wesula ubuso ngeqhiye, kwasalela umfanekiso wobuso bukaJesu eqhiyeni. (Thula, ucabange) IMIKHULEKO 72 Kasikhulekeni: O! Jesu wami, sengibona ukuthi lami ngangcolisa ubuso bakho, lapho ngangithuka abanye, ngibanyeya, ngibulala amabizo abo ngokukhuluma kubi ngabo, ngoba lokho engangikwenza kibo, ngangikwenza kuwe. Akungisize ngamandla akho, ukuba ngibuyisele amabizo abo amahle engawabulalayo, ngilungise wonke, umonakalo engawenzayo ngokukhuluma. K. O! Jesu obethelweyo. B. Sihawukele. Ingoma: UMntanakhe amthandayo, owambona ebulawa, ngenxa yamacala ethu. 7. UJesu uyawa ngokwesibili esindwa yisiphambano K. Siyakhuleka kuwe Kristu, sikudumisa. B. Ngoba wasindisa umhlaba ngesiphambano sakho esingcwele. K. Umthwalo wezono zethu zonke ayewuthwele, lobuhlungu bokutshiywa ngabafundi bakhe, lokuhlekwa, lokuklolodelwa ngamaxuku, kanye lobuhlungu bomzimba, konke lokhu kwamenza waphelelwa ngamandla uJesu, wabuya wawa phansi ngokwesibili, walimala kakhulu; (Isaya 53,4-6). (Thula, ucabange). Kasikhulekeni: O! Jesu wami, yisono sami engisiphindaphinda kanengi, esabangela ukuba uwe futhi usindwa yisiphambano. Akunginike amandla okusehlula leso sono, ngixwaye izingozi zaso, ngingaphindi ngisenze futhi. K. O! Jesu obethelweyo. B. Sihawukele. Ingoma: Wayibona iNdodana, idanile, ilayela, isifela thina zoni. IMIKHULEKO 73 8. Abesifazana baseJerusalema bayamkhalela uJesu K. Siyakhuleka kuwe Kristu, sikudumisa. B. Ngoba wasindisa umhlaba ngesiphambano sakho esingcwele. K. Ethwele isiphambano sakhe uJesu, walandelwa lixuku elikhulu labantu; kwakukhona labesifazana ababemkhalela, bemlilela. Kodwa uJesu ephendukela kibo wathi: “Madodakazi aseJerusalema, lingangikhaleli mina, kodwa zikhaleleni lina labantwana benu” (Luka 23,27-28). (Thula, ucabange) Kasikhulekeni: O! Jesu wami, akwenze ukuba ngingakhali ngenxa yobuhlungu bomzimba lenhlupheko zalumhlaba, kodwa ngikhale ngenxa yezono zami, - ngazo, ngoba yizo eziyisisusa sokuhlupheka lokufa kwakho, yizo futhi ezingangitshonisa emlilweni ongapheliyo wasesihogweni. K. O! Jesu obethelweyo. B. Sihawukele. Ingoma: Nina mthombo wokuthanda, akungicelel’uthando, ngizwe lawe ubuhlungu. 9. UJesu uyawa ngokwesithathu esindwa yisiphambano. K. Siyakhuleka kuwe Kristu, sikudumisa. B. Ngoba wasindisa umhlaba ngesiphambano sakho esingcwele. K. Wathi esesondele endaweni yokubethelwa, uJesu wabuya wawa phansi ngokwesithathu, walimala okwesabekayo. Amabutho eza, amvusa ngolunya, emsunduzela phambili. (Thula, ucabange). IMIKHULEKO 74 Kasikhulekeni: O! Jesu wami, kwenziwa yini ukuba uphinde njalo ukuwa phansi kabuhlungu usindwa yisiphambano na? Kwenziwa yizingozi zokona engingazixwayiyo, engibuyela kuzo kanengi, zingiwisela ezonweni ngezikhathi zonke. Akungiphe lamhla inhliziyo ezimisele ukuthi: Kungcono ukukhupha ilihlo nxa lingonisa, loba ukuquma izandla lezinyawo nxa zingonisa, kulokuba ngikuwisele phansi ngezono zami, ngizingenise esihogweni. K. O! Jesu obethelweyo. B. Sihawukele. Ingoma: Bas’enhliziyweni yami, ilangabi lokuthanda, uMsindis’uJesu wami. 10. UJesu uhlutshulwa izigqoko zakhe K. Siyakhuleka kuwe Kristu, sikudumisa. B. Ngoba wasindisa umhlaba ngesiphambano sakho esingcwele. K. Wathi uJesu esezabethelwa amabutho amhlubula izigqoko. O! ngobuhlungu abuzwayo uMsindisi wethu bemhlubula izigqoko zakhe ezasezinamathele emanxebeni akhe. Kwasekungani yikuvuselela njalo amanxeba akhe ayebuhlungu kangaka. Wajuluka igazi ngenxa yezono zethu. (Thula, ucabange). Kasikhulekeni: O! Jesu wami, akungiphe inhliziyo ezonda ngenzondo enkulu zonke izono ezingangcolisa ubumhlophe benhliziyo, ngizixwaye sibili, ngixwaye lezingozi zazo. Ungavumi ukuba ngingcolise ngesono umzimba wami olithempeli likaMoya oNgcwele, ngiwungcolisa ngesono esingabhubhisa umzimba lomphefumulo wami, singitshonise osizini olungapheliyo. K. O! Jesu obethelweyo. B. Sihawukele. IMIKHULEKO 75 Ingoma: Mama unamathisele, amanxeba oMntanakho, ezinhliziyweni zethu. 11. UJesu uyabethelwa esiphambanweni K. Siyakhuleka kuwe Kristu, sikudumisa. B. Ngoba wasindisa umhlaba ngesiphambano sakho esingcwele. K. Sebefikile endaweni ethiwa uKhakhayi, bambethela khona kanye labaphangi, omunye ngakwesokunene, omunye ngakwesokhohlo. O! ngobuhlungu abuzwayo uMsindisi wethu, izipikili zibhoboza izandla lenyawo zakhe zizihlanganisa lesiphambano. Kodwa wabekezela ethule, ngoba kuyintando kaYise, langoba engithanda. UJesu wasesithi: “Baba, bathethelele, ngoba kabakwazi abakwenzayo; (Luka 23,34).” (Thula, ucabange). Kasikhulekeni: O! Jesu wami, yikungithanda kwakho okwenza ukuba uvume ukubethelwa ngesihluku esiphambanweni. Ngenxa yokungithanda kwakho kangaka, ngiyacela ukuba ubase enhliziyweni yami umlilo omkhulu wokukuthanda, ngikuthande kulakho konke langenhliziyo yami yonke, ngikuthande ekujabuleni lasekuhluphekeni, ngingavumi ukwahlukaniswa lawe lanini. Jesu, ngiyakuphilela; Jesu ngiyakufela; Jesu ngingowakho khathesi laphakade. Amen. K. O! Jesu obethelweyo. B. Sihawukele. Ingoma: Yenz’ukuba ngimkhumbule, owafela mina soni, ngingamkhohlwa ngize ngife. IMIKHULEKO 76 12. UJesu uyafa esiphambanweni. K. Siyakhuleka kuwe Kristu, sikudumisa. B. Ngoba wasindisa umhlaba ngesiphambano sakho esingcwele. K. Kwakusemini, kwabamnyama elizweni lonke, kwaze kwaba yiAwa yesithathu ntambama, kwafiphala ilanga, lelembu lethempeli ladabuka phakathi. UJesu wamemeza ngelizwi elikhulu esithi: “Baba, ezandleni zakho ngibeka umoya wami”. Esetshilo lokhu, wafa; (Luka 23,44-46). (Thula, ucabange). Kasikhulekeni: O! Jesu wami, owathi usesiphambanweni wakhulekela abakubulalayo, wabathethelela usithi: Baba, bathethelele, ngoba kabakwazi abakwenzayo, akungiphe inhliziyo echumileyo, ethethelela masinya abangonayo, lebuyisela ngokuhle okubi engikwenzelwa ngabanye. Ngisize, Nkosi, ukuba lami ngithande izitha zami njengawe. K. O! Jesu obethelweyo. B. Sihawukele. Ingoma: Akuvume ngime lami, esiphambanweni lawe, simkhalel’olenga kiso. 13. UJesu ubekwa ezingalweni zikaNina. K. Siyakhuleka kuwe Kristu, sikudumisa. B. Ngoba wasindisa umhlaba ngesiphambano sakho esingcwele. K. Kwathi esefile uJesu, wehliswa esiphambanweni, uNina wamphatha ngengalo zakhe engakafakwa elibeni. O! ngobuhlungu abuzwayo uMariya, esemphethe uMntanakhe oyedwa ayemthanda, esebona ukuthi usefile ngempela. (Thula, ucabange). IMIKHULEKO 77 Kasikhulekeni: O! Jesu wami, wena owavuma ukuba uMzali wakho oNgcwele uMariya, aluzwe usizi olukhulu kangaka ekuhluphekeni lasekufeni kwakho, kodwa emukele intando kaYihlo, akungisize ukuba lami ngemukele kokuphela intando kaNkulunkulu uBaba, ngisazi ukuthi uNkulunkulu umthumela izijeziso lenhlupheko emhlabeni lowo amthandayo, ukuze amuphe ukujabula okungapheliyo ezulwini. K. O! Jesu obethelweyo. B. Sihawukele. Ingoma: Ekuhluphekeni kwami, kangibekezele lami, njengoJesu, lanjengawe. 14. UJesu uyabekwa elibeni. K. Siyakhuleka kuwe Kristu, sikudumisa. B. Ngoba wasindisa umhlaba ngesiphambano sakho esingcwele. K. Kwakukhona umuntu othiwa nguJosefa, owayelilunga lomphakathi, eyindoda elungileyo. Wayengowomuzi wamaJuda othiwa yiArimathiya. Wasuka waya kuPhilathu, wacela isidumbu sikaJesu. Kweza loNikodima laye, owake wafika kuye kuqala ebusuku, basithatha isidumbu sikaJesu, basigoqela ngamalembu, basibeka elibeni elaligujiwe edwaleni, kungazange kubekwe muntu kulo; (Luka 23,50-54; Joha 19,39). (Thula, ucabange). Kasikhulekeni: O! Jesu wami, wena owathanda ukuzwa usizi lokufa, ukuze uhlawulele izono zethu, usiqinise ekuhluphekeni lasekufeni kwethu, akwenze ukuba ngihlale ngikhumbula ukufa kwakho okubuhlungu, ngikhumbule lokufa kwami, ngilungisele usuku lokucina, khona ngizavukela ukuphila okulaphakade. K. O! Jesu obethelweyo. B. Sihawukele. IMIKHULEKO 78 Ingoma: Yenz’ukuba ngisithande, isihlahla soMntanakho, alengayo kiso ngami. 15. Ukuvuka kukaJesu ekufeni. K. Siyakhuleka kuwe Kristu, sikudumisa. B. Ngoba wasindisa umhlaba ngesiphambano sakho esingcwele. K. Isithunywa sathi: “Lifunelani ophilayo kwabafileyo na? Akekho lapha, usevukile” (Luka 24,5-6). Okwenzakalayo mhlalokho, singeke sakuqedisisa. UMninimandla wonke, esimazi enguBaba wethu useyihlengile iNdodana yakhe emandleni okufa, wayiphakamisela esandleni sakhe sokunene. UJesu uyaphila! Ukuhlupheka kobuhlungu bakhe kwakungeke kwaba lize. Nguye owaqala ukuvuka ekufeni, ulizibulo lesizwe esitsha. Ngakhoke, ithemba lethu lonke likuKristu ovukileyo yena othi: “Mina ngiyikuvuka lokuphila; okholwa kimi, loba esefile, uzakuphila. Lalowo ophilayo, ekholwa kimi, kasayikufa lanininini” (Joha 11,25-26). Kasikhulekeni: O! Jesu wami ovukileyo, wasisindisa ngokufa langokuvuka kwakho, wasilethela impilo engapheliyo. Siyakubonga. Ngamandla okuvuka kwakho, siqinise okholweni, simelane lenhlupheko, sinqobe izilingo lesono, silandele wena kokuphela, size singene kanye lawe ebukhosini obungapheliyo. Sicela kuwe wena ophila ubusa kuze kube laphakade. Amen. K. O! Jesu obethelweyo. B. Sihawukele. Ingoma: Mhla kutshon umzimba wami, akuse umoya wami, kuMntanakho ezulwini. Good Friday Prayers - Isigaba seLizwi likaNkulunkulu. Kubalwa izifundo zenhlupheko kaJesu. - Izikhalazo. Kukhulekelwa iBandla labantu abatshiyeneyo. - Ukuhlonitshwa kwesiphambano. - Kukhulekwa uBaba wethu. - Ukwamukela iSidlo esiNgcwele. UMgqibelo oNgcwele NgoMgqibelo oNgcwele siba lomlindelo wokuvuka kukaKristu ntambama, sidumisa, sibabaza amandla kaNkulunkulu anqoba ngawo ukufa, wasizuzela impilo entsha. Kasikhulekeni: Bazalwane bami kuKristu, ngalobubusuku obungcwele kakhulu iNkosi yethu uJesu Kristu eyakhuphuka ngabo ekufeni yaya ekuphileni, iBandla linxusa abantwabakho emhlabeni wonke, ukuba beze ndawonye balindele bekhuleka. Khathesi sesigcina iPhasika leNkosi yethu. Nxa sikhumbula ukufa lokuvuka kwayo, ngokulalela ilizwi layo lokugcina imfihlakalo zayo, sizakuba lethemba lokuhlanganyela ekunqobeni kwayo ukufa lokuphila layo ezulwini kuze kube lanini. Amen. - Inkonzo yokukhanya. Kasikhulekeni: Nkulunkulu Baba, sihlanganyela ekukhanyeni kobukhosi bakho, ngeNdodana yakho eyikukhanya komhlaba. Ake ubusise + lumlilo omutsha, usigcwalise ngethemba elitsha. Hlambulula ingqondo zethu ngalinkonzo yePhasika, kuthi ngelinye ilanga usise ebukhosini bokukhanya okungapheliyo. Sicela ngoKristu iNkosi yethu. Amen. - Ingoma yePhasika. - Isigaba selizwi likaNkulunkulu. - Imikhuleko emva kwezifundo. - Ukubusiswa kwamanzi ombhabhathizo. - Ukuvuselela izithembiso zoMbhabhathizo. - Umbhabhathizo. - Ukuqhutshwa kweNkonzo yeSidlo esiNgcwele. ISIKHATHI SEPHASIKA Ingcazelo: ISonto yePhasika, lusuku esikhumbula ngalo ukuvuka kukaJesu Kristu kwabafileyo. Abesifazana bafika elibeni ekuseni. Isithunywa seNkosi sathi kubo: Kakho lapha uvukile njengokutsho kwakhe. “Ngalolusuku uJesu wanqoba ukufa watshengisa amandla akhe obuNkulunkulu. IBandla liyatho-koza ngoba lo, yiwo umkhosi omkhulu kulayo yonke eminye imikhosi yeBandla ngoba uPhawuli uthi: “Uba uKristu enga-vuswanga, ukukholwa kwenu kuyize, lisesezonweni zenu” (1 Kor 15,17). Kasikhulekeni: Nkulunkulu Mninimpilo, Yise weNkosi yethu uJesu Kristu, silaphanje sizobabaza izenzo zakho ezimangalisayo. INdodana yakho ngokuvuka kwayo ekufeni ngamandla akho, yanqoba ukufa lesono. Ukuvuka kwayo kuyisimangaliso sezimangaliso zonke. Siyacela, Baba, ukuba usiphe ukholo oluqinileyo lethemba elikhulu, singathandabuzi ukuthi sizavuka ekufeni ngosuku lokucina. Usiphe uthando lokutshiseka, ukuze silungisele ukuvuka ekufeni ngobukhosi, langenkazimulo kaKristu, sihlale laye ezulwini kuze kube nini lanini. Amen. Izifundo ezingabalwa: Seb 10,34a.37-43; Kol 3,1-4; Joha 20,1-9 Easter Prayers Ukuhalalisela uKristu ovukileyo K.Nkosi Jesu Kristu Qhawe lamaqhawe, Mehluli wokufa, usuvukile sibili. Aleluya! B. Ihubeleni iNkosi ingoma entsha ngoba ivukile sibili. Aleluya! K. Ekuvukeni kwakho umhlaba wazamazama, amabutho awa, abhazalala. Aleluya! - Ihubeleni... K. UMagadalena labafundi bathola ingcwaba lize, ngoba wawusuvukile sibili. Aleluya! - Ihubeleni... K. Wabonakala kuPhetro, waqinisa ukholo lwakhe. Aleluya! - Ihubeleni... K. Abafundi baseEmawusi bakwazi ekuhlephuneni isinkwa. Aleluya! - Ihubeleni... K. Kusihlwa wabonakala kubafundi, wakhuluma, wadla labo, bathokoza. Aleluya! - Ihubeleni... K. UThomasi othandabuzayo, usuqinisile ukholo lwakhe wathi: “Nkosi yami, Nkulunkulu wami!” Aleluya!- Ihubeleni... K. Siqinise lathi, singathandabuzi okholweni lwethu. Aleluya! - Ihubeleni... UMNYAKA WEBANDLA 93 Isilangazelo sabafundi base-Emawusi K. Nkosi, sikhaphe ohambeni lwethu lwalumhlaba, usivulele imibhalo, siqedisise ukuthi nguwe uMesiya. B. Hlala lathi, Nkosi! zitshiseke njalo inhliziyo zethu ngomlilo wothando. K. Nkosi, uvukile, hlala lathi, uhambe lathi, uvule amehlo ethu, sikwazisise. Sihlephunele isinkwa, ukhulume lathi, sikwazi, aleluya! - Hlala... K. Thela phakathi kwethu intokozo yase-Emawusi, sijabule okholweni lwethu, sisukumele phezulu ekukukhonzeni. - Hlala... K. Nkosi Jesu, wonke amandla asezulwini lasemhlabeni anikwe wena. Siqinise ngamandla akho, usithume emhlabeni, sikuzuzele abafundi. - Hlala... K. Lapho sihanqwe yizilingo, lalapho sikhangelene lobunzima, lalapho sesiphelelwe lithemba, lalapho sesisethunzini lokufa. - Hlala... K. Nxa ulathi, uvula ingqondo zethu, ubase umlilo enhliziyweni zethu, sizasukela phezulu, sifakaze singesabi, sitshumayele ukuvuka kwakho. - Hlala... K. Siphephise ezingozini zomoya lezomzimba, usifikise ezulwini, sithokoze kanye lawe labangcwele bonke kuze kube nini lanini. - Hlala... UMkhosi wokwenyukela kweNkosi ezulwini Ingcazelo: UJesu wavuka ekufeni wahlala lapha emhlabeni insuku ezingamatshumi amane. Wahamba labafundi bakhe wadla labo. Emva kwensuku ezingamatshumi amane wenyuka waya ezulwini lapho ahlezi khona kwesokunene sikaYise. IBandla lonke ngalolusuku likhumbula ukwenyukela kuka- Kristu ezulwini. IBandla liyakholwa ukuthi uKristu uzaphinda abuye njalo ekupheleni kwesikhathi esezothatha bonke abalungileyo ebasa kuNkulunkulu uBaba, ngoba wathi lapho akhona bazakuba khona labo. UMNYAKA WEBANDLA 94 Kasikhulekeni: Nkulunkulu Baba, gcwalisa inhliziyo zethu ngentokozo ngalolusuku lokwenyukela kweNdodana yakho ezulwini. Siyacela Baba olamandla wonke, ukuba usisize, simlandele uJesu Kristu ekhaya lakho lasezulwini mhla sifayo. Sicela ngoKristu iNkosi yethu. Amen. Izifundo ezingabalwa: Seb 1,1-11; Efe 1,17-23; Luka 24,46-53. Inkondlo yokwenyukela kukaJesu ezulwini K. Nkosi Jesu Kristu, unguSomandla, unguSimakade, unguMvelingqangi! B. Siyakubabaza, siyakwazisa, siyakuguqela. K. Mhla usenyukela ezulwini umkhathi lesikhathi kwaqhekezeka, izulu lomhlaba kwamanyana! - Siyakubabaza... K. IPhezulu lephansi kwagonana, ubuntu lobuNkulunkulu kwahlangana, akusoze kwehlukane futhi kuwe! - Siyakubabaza... K. Wenyuka ngeyezi, wasitheka, wayahlala kwesokunene sikaYihlo. - Siyakubabaza... K. Abafundi basala bejolozele phezulu, amehlo abo engafuni ukusuka, ngoba inhliziyo zabo zikuwe. - Siyakubabaza... K. Nxa sisithi wenyuselwa ezulwini, kasitsho ukukhwezwa komzimba nje, sitsho kakhulu ukuphakanyiselwa kwakho esikhundleni esiphezulu. - Siyakubabaza... K. Ngakwesokunene sikaYihlo udunyiswa yizithunywa zezulu labangcwele bonke, ngoba unguPhezukonke, wena Jesu Kristu. - Siyakubabaza... K. Ezulwini usilungisele indawo, ukuze kuthi lapho okhona wena, sibe khona lathi, ngoba uyasithanda. - Siyakubabaza... UMNYAKA WEBANDLA 95 K. Kawusitshiyanga sizintandane, wasithembisa uMoya oNgcwele, ukuba asithokozise, asifundise indlela eza kuwe. - Siyakubabaza... K. Ngosuku lokufa kwethu, sihlangabeze sihlale lawe kokuphela, kungabi lenye indawo esingaya kuyo ngaphandle kwalapho okhona. UNgcwele, uNgcwele, uNgcwele... Pentecost Prayers IPHENTEKOSTE Ingcazelo: EThestamenteni eliDala usuku lwePhentekoste lwalubizwa ngokuthi “Olwamaviki ayisikhombisa, “emva kwePhasika, ngesiGriki kuthiwa “Olwensuku ezingamatshumi amahlanu”; emva kwePhasika. Usuku lolu lwalugcinelwa ukunikela izithelo zesivuno sokuqala ethempelini, lokukhumbula ukunikwa kukaMose imithetho elitshumi entabeni yaseSinayi, okwenzakala emva kwensuku ezingamatshumi amahlanu abakolsrayeli besukile eGibithe. EThestamenteni eliTsha uMkhosi lo, siwugcinela ukukhumbula ukwehla kukaMoya oNgcwele kubaPhostoli ngalolusuku. Ngumkhosi omkhulu eBandleni, ngoba ngumkhosi wokuzalwa kwalo, lowokuqalisa kwalo ukutshumayela iVangeli ezizweni zonke. UMNYAKA WEBANDLA 96 Kasikhulekeni: Nkulunkulu Baba Somandla, Simakade, wathumela uMoya wakho oNgcwele kubaPhostoli ngeLanga lePhentekoste, ukuba abasize, batshumayele iVangeli emhlabeni wonke, bakhe umbuso wakho ezizweni zonke. Siyakuncenga ukuba umthumele eBandleni lakho, lakithi sonke, ukuze iVangeli lakho lifike emikhawulweni yomhlaba, abantu bonke bakwazi, bakuthande bakukhonze. Sicela ngoKristu iNkosi yethu. Amen. Izifundo ezingathathwa yilezi: Seb 2,1-11; Roma 8,8-17; Joha 14,15-16.23-26. Ukucela izipho zikaMoya oNgcwele K. Woza Moya wokuhlakanipha, usenze sihlakaniphele izinto zokomoya, sitshisekele okwasezulwini. B. Nkosi ekuthumeni kwakho uMoya wakho konke kuyadalwa, wenza umhlaba ube mutsha. K. Woza Moya wokuqedisisa, uvule ingqondo zethu ukuze sizwisise imfundiso engcwele lamaqiniso okholo. - Nkosi ekuthumeni kwakho... K. Woza Moya wokweluleka, uqondise inhliziyo zethu, ukuze sithande okuhle, sizonde okubi, sihambe ngokulunga, sixwaye ububi. - Nkosi... K. Woza Moya wesibindi, udinise inhliziyo zethu ukuze singalahli ithemba ekulingweni lasebunzimeni. - Nkosi... K. Woza Moya wolwazi, usenze sibone intando kaNkulunkulu kukho konke okusehlelayo kulumhlaba. - Nkosi... K. Woza Moya wokulunga, usenze sitshisekele ukulunga lobungcwele, lokuthanda uNkulunkulu phezu kwezinto zonke, sithande omakhelwane njengoba sizithanda thina. - Nkosi... UMNYAKA WEBANDLA 97 K. Woza Moya wokwesaba iNkosi, ugcwalise inhliziyo zethu ngokwesaba uNkulunkulu, lokwesaba ukwephula imilayo yakhe. - Nkosi... Ukucela izithelo zikaMoya oNgcwele K. Moya oNgcwele, akuthele enhliziyweni zethu isipho sothando, khona sizathanda uNkulunkulu phezu kwezinto zonke, labantu bonke njengoba sizithanda thina. B. Woza Moya oNgcwele, ugcwalise inhliziyo zamakholwa akho. K. Moya oNgcwele, faka enhliziyweni zethu isipho sokuthokoza, ukuze sihlale sithabile, sithokozise uNkulunkulu labantu bonke. Woza... K. Moya oNgcwele, siphe ukuthula, ukuze sanelise ukuhlalisana kuhle njengabantwana bakaNkulunkulu. - Woza... K. Moya oNgcwele, siphe ukubekezela, ukuze sithwale ijogwe lethu lobuKristu ngokwenama langesibindi. - Woza... K. Moya oNgcwele senze sibe mnene, sikhaliphe njengezikhwehle, kodwa sibe msulwa njengezinkwilimba. - Woza... K. Moya oNgcwele gcwalisa inhliziyo zethu ngokulunga, sitshisekele ukuba ngabapheleleyo njengoBaba osezulwini. - Woza... K. Moya oNgcwele, siphe inhliziyo ende, ikakhulu ebunzimeni lasekuhluphekeni, ukuze sifane loJesu uMsindisi wethu. - Woza... K. Moya oNgcwele senze sibe ngabachumileyo, sinqande ulimi lwethu sizikhuze, sizithinte kokuphela. - Woza... K. Moya oNgcwele siphe ukukholwa okuqotho, okubonakala ngezithelo langemisebenzi emihle. - Woza... UMNYAKA WEBANDLA K. Moya oNgcwele, akusenze siziphathe ngokufaneleyo, sibe lempilo elembeko, sigqoke okulesithunzi. - Woza... K. Moya oNgcwele, akufake enhliziyweni zethu ukuzinqanda lokwehlula inkanuko ezimbi. - Woza... K. Moya oNgcwele, siphe ubumhlophe benhliziyo, sibe mhlophe emoyeni lasemzimbeni, ngoba singamathempeli akho. - Woza... K. Akuthume uMoya wakho khona kuzakuba lemvuselelo. B. Uvuselele butsha ubuso bomhlaba. UNgcwele, uNgcwele, uNgcwele Nkosi... K. Umusa kaNkulunkulu kawuthelwe enhliziyweni zethu. B. NgoMoya oNgcwele ohlala kizo. Umkhuleko welanga likaMoya oNgcwele Siyakuncenga Nkosi, akulumathise enhliziyweni zethu umlilo owazaphenjwa yiNkosi yethu uJesu Kristu lapha emhlabeni. Sicela uwukhwezele ngoMoya wakho oNgcwele uvuthe ubonakale ezizweni zonke. Sicela ngaye uKristu iNkosi yethu, ophila ebusa kanye lawe ndawonye loMoya oNgcwele kuze kube laphakade. Amen. K. Ake uthume uMoya wakho, khona kuzakuba lemvuselelo. B. Uvuselele butsha ubuso bomhlaba. Sacrament of Baptism ISAKRAMENTE LOMBHABHATHIZO Ingcazelo: Umbhabhathizo yikuzalwa kutsha ngokufa langokuvuka kanye loJesu; (Roma 6,3-11). Uligugu empilweni yethu ngoba usenza sibe ngabantwana bakaNkulunkulu; (Roma 8,15), wesula zonke izono esazenzayo; (Seb 2,38), usenza sibe yizindlalifa zasezulwini; (Roma 8,17). UMbhabhathizo wabantwana Ukubuza abazali. P. Amabizo abantwana benu ngobani? Mzali: Ngu... lo..., ngu..., lo..., ngu...lo..., P. Kuyini elibacelela khona eBandleni likaNkulunkulu na? Mzali: Sicela ukuba babhabhathizwe. P. Bazali, ngokucela ukuba abantwana benu babhabhathizwe, livuma umlandu wokubafundisa ukugcina imisebenzi yokholo. Sekungumsebenzi wenu ukubondla bakhule begcina imilayo kaKristu yokuthanda uNkulunkulu labomakhelwane babo. Liyawuzwisisa yini lumsebenzi elizethesa wona na? Mzali. Yebo, siyawuzwisisa. AMASAKRAMENTE 116 P. Linake bameli, lizimisele yini ukuncedisa abazali laba emsebenzini abafanele ukuwenza njengabazali abangamaKristu na? Mmeli. Yebo, sizimisele. - Umpristi abesesamukela abantwana eBandleni. - Umpristi, labazali labameli badweba uphawu lwesiphambano emabunzini abantwana. - Besekulandela izifundo zeBhayibhili. - Ingcazelo lezikhalazo. Umkhuleko wokuxotsha uSathane lemimoya emibi. - Ukugcotshwa kwabantwana phambi kombhabhathizo. - ILithani labaNgcwele bonke kukhasi 61. - Ukubusiswa kwamanzi ombhabhathizo. - Abazali labameli, endaweni yabantwana, benza izifungo zombhabhathizo kukhasi 121-122. Ukubhabhathiza P. Liyathanda yini ukuba u... abhabhathizelwe okholweni lweBandla esesiluvume kanye lani na? B. Yebo, siyathanda. P. ..., ngiyakubhabhathiza ngebizo likaYise, + leleNdodana lelikaMoya oNgcwele. - Ukugcotshwa kwabantwana ngamafutha eKrizima kukhasi 122. - Ukugqokiswa kwabantwana isembatho esimhlophe kukhasi 122. - Abazali labameli bayaphathiswa isibane esivuthayo kukhasi 122. - Umpristi uthinta indlebe lemilomo yabantwana. - Umkhuleko uBaba wethu lesibusiso. AMASAKRAMENTE 117 Umbhabhathizo wasebekhulile Umuntu osekwazi akwenzayo ufanele afundiswe iminyaka emibili anduba abhabhathizwe. Isikhathi sokufundela umbhabhathizo siyindlela yokuthwasiswa komuntu eBandleni, njalo siyigxenye yenkonzo yombhabhathizo. Zintathu izigaba: - umkhuba wokuthwasiswa esigabeni sabafundela ukubhabhathizwa (cathecumenate) - umkhuba wokukhethwa (election) lokubhaliswa kwamabizo (enrolment) - ukuthwasiswa ngokugcweleyo emBhabhathizweni. Isikhathi esivame ukubhabhathiza ngaso abadala ngesePhasika. Uhlelo lwalinkonzo lulandela umkhuba wokuthwasiswa kwabadala okholweni lwesikristu (Rite of Christian Initiation of Adults). Nanzelela: ISakramente lombhabhathizo lenza umtshado wabathetheneyo ngokwesintu wamukeleke eBandleni loba omunye wabo ebhabhathiziwe. A. Umkhuba wokuthwasiswa esigabeni sabafundela ukubhabhathizwa (Cathecumenate) Abafundelayo bema phandle kwecawe labammeli babo. Umpristi uyabahlangabeza ababingelele. P. Licelani eBandleni likaNkulunkulu na? K. Sicela ukholo. P. Ukholo luliphani na? K. Ukuphila okungapheliyo. AMASAKRAMENTE 118 P. Ukuphila okungapheliyo yilokhu, ukwazi uNkulunkulu weqiniso lalowo amthumayo uJesu Kristu. UNkulunkulu wamvusa ekufeni ukuba abeyi- Nkosi yokuphila leyezinto zonke ezibonakalayo lezingabonakaliyo. Ngokucela ukubhabhathizwa, licela yonale impilo kaNkulunkulu. Lokhu kutshengisa ukuthi selimazi uKristu njalo lifuna ukumlandela. Kuhle ukuthi selizahlala limazisisa uKristu liqedisisa iLizwi lakhe, ligcina lemilayo. P. Lizahlanganyela lathi empilweni yobuKristu lekukhulekeni na? K. Yebo, sizahlanganyela. P. Lina bameli balaba abafuna ukubhabhathizwa, libabona befanele ukungena eBandleni ngombhabhathizo na? K. Yebo, sibabona befanele. P. Lizaqhubeka libasiza ngamazwi langesibonelo ukukhonza uKristu na? K. Yebo, sizabasiza. P. Kasikhulekeni: Baba olothando lesihawu sibongela abazalwane bethu laba owababizela kuwe, wabambana labo empilweni yabo. Lamhlanje, bayavuma ukubabizela kwakho okholweni. Benze bafumane ukuthokoza empilweni yabo entsha. Sicela ngoKristu iNkosi yethu. K. Amen. - Abafundelayo bemukela uphawu lwesiphambano - Ukunikwa kwamabizo amatsha - Ukungeniswa amalunga amatsha ecaweni - Kulandela izifundo lentshumayelo - Ukunikezwa kwebhayibhili - Izikhalazo - Isibusiso AMASAKRAMENTE 119 B. Izinkonzo ezilandelayo ziqondane lokwamukela abafundelayo eBandleni Kulesisigaba sokuthwasiswa kwenziwa: - Imikhuleko yokuxotsha imimoya emibi - ukubusiswa kwabafundelayo - ukugcotshwa kwabafundelayo - ukwabelana empilweni yokholo Umkhuleko wokuxotsha uSathane Omunye wemikhuleko wokuxotsha uSathane. P. Nkulunkulu Somandla, wathuma iNdodana yakho eyodwa ukuba izesihlenga ebugqilini besono, lokusinika inkululeko yabantwana bakho. Sikhulekela abazalwane bethu laba abeza phambi kwakho bevuma izono zabo. Bakhangelane lokulingwa nguSathane. Ngokuhlupheka langokuvuka ekufeni kweNdodana yakho, bakhuphe emandleni obumnyama. Baqinise ngamandla kaKristu ubeluleke ekuphileni kwabo. Sicela lokhu ngoKristu iNkosi yethu. K. Amen. Ukugcoba ngamafutha labo abafundela umbhabhathizo esifubeni loba lamanye amalunga omzimba. P. Ngiyakugcoba ngamafutha osindiso ebizweni likaKristu uMsindisi wethu. Angathi angakuqinisa ngamandla akhe yena ophila ebusa kuze kube lanini. K. Amen. Umkhuba wokukhethwa (election) lokubhaliswa kwamabizo (enrolment) Lesi yisigaba sokucina phambi kombhabhathizo. Siqhutshwa ngesikhathi sokuzila phambi kombhabhathizo. Kulelisigaba kwenziwa lokhu okulandelayo: AMASAKRAMENTE 120 - Ukubhalisa amabizo alabo abazabhatbhathizwa; (ISonto lokuqala ngesikhathi sokuzila). - Ukuhlanjululwa lokukhanyiselwa; (AmaSonto 3; 4; 5 ngesikhathi sokuzila). - Ukunikezwa koMvumukholo (ISonto lesithathu) loMkhuleko weNkosi; (ISonto lesihlanu ngesikhathi sokuzila). - Umkhuba wokuvulwa komlomo lendlebe (Ephphetha); (Phambi kwenkonzo yombhabhathizo). - Ukukhuleka uMvumukholo; (Phambi kwenkonzo yombhabhathizo). - Eminye imikhuba yokuthwasiswa njengokunikezwa koMvumukholo loMkhuleko weNkosi, ukukhuleka uMvumukholo lokuvulwa komlomo lendlebe (Ephphetha) kungenziwa ngesikhathi abathwasiswayo befundiswa ngakho. C. Ukuthwasiswa ngokugcweleyo emBhabhathizweni (INkonzo yoMbhabhathizo) - ILithani labaNgcwele bonke, kukhasi 61. Umkhuleko wokubusisa amanzi P. Nkulunkulu Baba, usipha impilo entsha ngamaSakramente, asambulela izimangaliso zamandla akho angabonakaliyo. Embhabhathizweni sisebenzisa amanzi ayisibonakaliso sempilo entsha. Ekuqaliseni kwakho ukudala, uMoya wakho wawuphezu kwamanzi ukuze abe lamandla. Amanzi kazamcolo ngesikhathi sikaNowa ayefanekisa umbhabhathizo asusa izono alethe ukuqalisa kutsha kokulunga. Wakhokhela abakolsrayeli besuka ebugqilini badabula uLwandle oluBomvu, baba ngumfanekiso wabantu bakho abakhululwa esonweni ngombhabhathizo. Emanzini eJordani, iNdodana yakho yabhabhathizwa nguJohane, yagcotshwa nguMoya oNgcwele. AMASAKRAMENTE 121 Amanzi leGazi kwaphuma ohlangothini ilenga esiphambanweni. Emva kokuvuka kwayo yathuma abafundi isithi: “Hambani lifundise izizwe zonke, lizibhabhathize ebizweni likaYise, + leleNdodana, lelikaMoya oNgcwele.” Baba, khangela ngomusa iBandla lakho ulivulele umthombo wombhabhathizo. NgoMoya oNgcwele yenza amanzi la abe lamandla eNdodana yakho, umhlambulule esonweni umuntu owamdala ngomfanekiso wakho (thinta amanzi ngesandla). Nkulunkulu Baba, thumela uMoya oNgcwele ngeNdodana yakho ehlele emanzini la. Akuthi bonke abambelwa kanye loKristu ngokubhabhathizelwa ekufeni kwakhe, bavukele kanye laye empilweni entsha. Sicela ngoKristu iNkosi yethu. Amen. Ukulahla uSathane lokuvuma ukholo P. Liyasilahla isono yini ukuze lihlale enkululekweni yabantwana bakaNkulunkulu na? K. Yebo, siyasilahla. P. Liyakulahla ukukhohliswa yibubi lokubuswa yisono na? K. Yebo, siyakulahla. P. Liyamlahla uSathane, uyise wesono lenkosi yobumnyama na? K. Yebo, siyamlahla. P. Liyakholwa kuNkulunkulu uYise uMninimandla wonke, uMdali wezulu lomhlaba na? K. Yebo, siyakholwa. P. Liyakholwa kuJesu Kristu, iNdodana yakhe eyodwa iNkosi yethu, owazalwa liVirigo uMariya, wabethelwa esiphambanweni, wafa wangcwatshwa wavuka ekufeni, ohlezi esandleni sokunene sikaYise na? K. Yebo, siyakholwa. AMASAKRAMENTE 122 P. Liyakholwa kuMoya oNgcwele, iBandla eliNgcwele eliKhatholika, ukuvuka koMzimba ekufeni, lokuphila okungapheliyo na? K. Yebo, siyakholwa. UMbhabhathizo. Umuntu uyacwiliswa kathathu kumbe athelwe amanzi kathathu ebunzini. P. ...., ngiyakubhabhathiza ngebizo likaYise (thela), leleNdodana (thela), lelikaMoya oNgcwele (thela). Ukugcoba ngeKrizima P. UNkulunkulu uBaba usekukhulule esonweni wakupha ukuzalwa kutsha ngamanzi langoMoya oNgcwele. Khathesi usekugcoba ngamafutha eKrizima. UKristu wagcotshwa waba ngumPristi, loMprofethi, leNkosi. Laweke, ukhuleke, utshumayele, usebenzele umbuso kaKristu empilweni yakho njengelunga lomzimba wakhe. (Bagcotshwa ebunzini). Isembatho esimhlophe P. Mzalwane, wenziwe waba yisidalwa esitsha wambatha uKristu. Thatha lesisembatho esimhlophe uyefika laso simsulwa esihlalweni sokuthonisisa seNkosi yethu uJesu Kristu, ukuze ube lokuphila okulaphakade. K. Amen. Isibane esivuthayo Ummeli ulumathisa isibane asiphe obhabhathiziweyo. P. Usukhanyiselwe nguKristu. Phila njengomntwana wokukhanya ugcine ilangabi lokukholwa libhebha enhliziyweni yakho ukuze kuthi iNkosi isibuya uphume uyihlangabeze ndawonye labangcwele embusweni wasezulwini. Amen AMASAKRAMENTE 123 Ukubhabhathizwa komuntu ophansi kokufa Indlela le, ingasetshenziswa ngamakholwa onke nxa kungelampristi kodwa amele azise ngakho umpristi wakulesosigaba ngokuphangisa. Nxa kusenzakala, umuntu engakabhabhathizwa ufanele afundiswe ngamafitshane ukuqakatheka kombhabhathizo, azisole ngezono zakhe anduba abhabhathizwe. Ukuhlolwa kobhabhathizwayo P. Mzalwane othandekayo, ucela ukuba ubhabhathizwe ukuze kuthi usungumKristu ube lokuphila okungapheliyo. Ukuphila okungapheliyo yilokhu: Ukwazi uNkulunkulu oqotho loJesu Kristu amthumayo. Lolu yilo ukholo lobuKristu. Uyakwazi lokhu na? K. Yebo, ngiyakwazi. P. Phezu kokukholwa kuJesu Kristu, umele ugcine imilayo yakhe njengokufanele kwenziwe ngamaKristu. Uyakwazi lokhu na? K. Yebo, ngiyakwazi. P. Uyafisa ukuphila impilo yamaKristu na? K. Yebo, ngiyafisa. P. Umele uthembise ukuthi uma uzasila uzazama ukwazi uKristu ngcono, ulandele imfundiso yamaKristu. Uyathembisa ukwenza lokho na? K. Yebo, ngiyathembisa. P. Ungakabhabhathizwa ufanele ulahle izono zakho, uphenduke, uzisole ngezono zakho zonke. Uyazisola ngezono zakho zonke na? K. Yebo, ngiyazisola. Kummeli: P. Wena mmeli wakhe, usuzwile isithembiso somzalwane wethu u... Uyathembisa yini, njengommeli wakhe ukumkhumbuza isithembiso sakhe, AMASAKRAMENTE 124 lokumsiza ukuba afunde imfundiso kaKristu, amanyane lamanye amakholwa empilweni yakhe, abe ngumKristu olungileyo na? M.Yebo, ngiyathembisa. Kwabanye bonke: P. Lina lonke elilapha, angithi liyasizwa isithembiso somzalwane wethu lo ogulayo na? K. Yebo, siyasizwa. Kogulayo: P. Mzalwane othandekayo, uzabhabhathizwa ukuba uthole ukuphila okungapheliyo, njengokulaya kweNkosi yethu uJesu Kristu. Izifundo ezingabalwa: Joha 3,1-6; Joha 6,44-45; Marko 1,9-11. Intshumayelo. Ukulahla uSathane lokuvuma ukholo lombhabhathizo kukhasi 121-122. UBaba wethu, lomkhuleko wokuvala lesibusiso Ukwamukelwa eBandleni komuntu obhabhathizwe kwelinye ibandla Umuntu owabhabhathizwa kwelinye iBandla, (IAnglican, IDutch Reform, ILutheran, IMethodist, IUCCSA ama-Orthodox) engakemukelwa eBandleni eliKhatholika, uyafundiswa ukholo lwethu, enze imvumo anduba emukelwe eBandleni. Ukuvuma kwakhe ukholo lwethu kanye lathi, kuyamngenisa eBandleni. Ukuhlola kwabemukelwayo eBandleni P. Liyazinikela ngenhliziyo zenu zonke yini ukuba libe ngamalunga eBandla likaJesu Kristu eliKhatholika elabaPhostoli na? K. Yebo, siyazinikela. AMASAKRAMENTE 125 P. Lina lonke Bandla likaJesu Kristu elilapha, liyathanda yini ukuba abazalwane bethu laba bemukelwe eBandleni likaJesu Kristu eliKhatholika elabaPhostoli na? B. Yebo, siyathanda. Ukulahla uSathane lokuvuma ukholo kukhasi 121-122. P. INkosi yethu uJesu Kristu iyalamukela ngesihle eBandleni layo, yona eyalikhokhela ngomusa wayo ukuba lingene kilo, lizehlanganyela lathi kulolukholo esalutshiyelwa ngabaPhostoli bayo eliluvume phambi kweBandla layo. UBaba wethu, umkhuleko wokuvala lesibusiso . . ISAKRAMENTE LOMQINISO / Confirmation Ingcazelo: ESakramenteni loMqiniso samukela uMoya oNgcwele, ukuba asiqinise okholweni lwethu, asenze sibe ngofakazi bakaJesu Kristu, lamalunga akhutheleyo eBandla lakhe. Nxa sesiqinisiwe sesiphiwe umsebenzi omkhulu wokuba ngofakazi abangesabi lutho bakaKristu, abazimisele lokumfela. Ngakhoke, uMqiniso wemukeliswa asebekhulile, asebeqedisisa umsebenzi wobuKristu lezibopho zawo. Ababhishopi bakulelilizwe yibo abamisa ukuthi abantu bamele baqiniswe sebeleminyaka elitshumi lambili, kumbe ephezu kwaleyo. Umkhuleko owensuku ezificamunwemibili (inovena) wokulungisela ukwemukela iSakramente loMqiniso. Nkulunkulu Baba, wena owathanda ukuqinisa ukholo lwethu ngesipho sikaMoya oNgcwele, siyakuncenga ukuba usithumele lowo Moya oNgcwele, asiphe izipho zakhe eziyisikhombisa. Akukhanyisele ingqondo zethu usiphe ukuhlakanipha ukuze sazi intando yakho, siyilandele. Akusiphe ukuqedisisa, ukuze sikwazi wena, siqedisise lendlela zakho. AMASAKRAMENTE 126 Akusiphe isipho sokweluleka ukuze sibonisise okulungileyo, selulekane ezindleleni ezinhle. Akusiphe isibindi, ukuze sibe lamandla okugcwalisa intando yakho singelakwesaba inkulumo zabantu. Siphefumulele Nkosi ulwazi oluvela kuwe ukuze sazi ngokujulileyo amaqiniso angcwele owasazisa wona. Akwenze inhliziyo zethu zilunge, zibambelele okholweni, sithokozele ukusebenzela wena. Usiphe njalo ukwesaba wena Nkosi ukuze singakudanisi, njalo singaduhi ezindleleni zakho. Akusigcwalise ngezipho zakho ukuze sikudumise, sazise omakhelwane, siphumelele ukufika kuwe ezulwini. Woza Moya oNgcwele ugcwalise inhliziyo zethu. Baba wethu... Ekuhle Mariya... Udumo alube... Umkhuleko wabalungisela uMqiniso Moya oNgcwele, Mninimandla wonke, Wena Mzimeli wesithathu kaNkulunkulu, Mduduzi wabalusizi, woza uhlale enhliziyweni yami ebuthakathaka. Njengoba wehlela kubaPhostoli labafundi bakaKristu ngelanga lePhentekoste, wabagcwalisa ngezipho zakho, ngokunjalo akugcwalise inhliziyo yami ngomlilo wothando lwakho olungcwele, ungiphe inhliziyo etshisekela ukukhonza uNkulunkulu kokuphela okwempilo yami yonke. Ngiyakuncenga, Moya oNgcwele, ukuba wehlele kimi, Wena onguMduduzi wemiphefumulo ezinsizini, loMlondolozi ezingozini, loMsizi ekuhluphekeni, laMandla ebuthakathakeni, loMfundisi wabazithobayo, loYise wezintandane, leThemba labayanga, loMsizi wabafayo. Akungihawukele, Moya oNgcwele, uze kimi, uhlale kimi, wenze inhliziyo yami ibe lithempeli lakho elingcwele, ngenxa yomusa wakho omkhulu. Amen. AMASAKRAMENTE 127 Uhlelo lwenkonzo yoMqiniso - Ukulahla uSathane lokuvuma ukholo. Khangelani imibuzo lezimpendulo mayelana loMbhabhathizo, kukhasi 121-122. - Ukubekwa kwezandla emakhanda. UMbhishopi welula izandla zakhe phezu kwabaqiniswayo, anxuse uMoya oNgcwele ukuba ehlele kibo. Bp. Nkulunkulu Somandla, Yise weNkosi yethu uJesu Kristu, ngamanzi langoMoya oNgcwele, wasindisa abantwabakho laba esonweni, wabanika impilo entsha. Thumela uMoya wakho oNgcwele ehlele kibo abe nguMsizi loMkhokheli wabo. Banike uMoya wokuhlakanipha lokuqedisisa, uMoya wokweluleka lesibindi, uMoya wokwazi lokulunga; ubagcwalise ngoMoya wokwesaba wena Nkosi. Sicela ngoKristu iNkosi yethu. K. Amen. Ukugcotshwa ngeKrizima UMbhishopi ugcoba oqiniswayo ngamagcobo ekrizima esenza isibonakaliso sesiphambano ebunzini. Bp. ..., yamukela uphawu + lweSipho esingu- Moya oNgcwele. K. Amen. Bp. Ukuthula kakube lawe! K. Kakube lawe njalo. AMASAKRAMENTE 128 Umkhuleko walowo oseqinisiwe Moya oNgcwele, ngiyakubonga ngenhliziyo yami yonke, ngamandla ongiphe wona ngoMqiniso ongcwele. Ngiyakuncenga ukuba ungangitshiyi ngesikhathi esizayo, kodwa uhlale kimi kokuphela. Nguwe owaqinisa abafelukholo wabanika amandla okubekezela ebuhlungwini lasekufeni, bavuma uKristu bengesabi lutho. Akungikhanyisele, ungiqinise lami, ukuba ngingehlukaniswa yilutho loNkulunkulu lemithetho yakhe, ngingaxegiswa yilutho kuze kube sekufeni. Moya wokuvikela, akungivikele esonweni lasengozini zonke zomphefumulo ngamandla akho angehlulwa lutho, ukuze ngihlale ngilikholwa elilungileyo kokuphela ngize ngisuke kulumhlaba, khona ngizahlanganiswa lezithunywa labangcwele ezulwini, ngithokoze labo kuze kube nini lanini. Amen. Holy Eucharist ISAKRAMENTE LESIDLO ESINGCWELE Ingcazelo: ISakramente leAlithare lizinqobo ezinhlanu: 1. LinguMhlabiso waseKhalivari, ovuselelwa kokuphela ngeNkonzo yeMisa eNgcwele, ukugcwalisa okwatshiwo nguJesu kubafundi bakhe esithi: “Yenzani lokhu lingikhumbule ngakho”(1 Kor 11,24-26; Luka 22,19-20). 2. LiyiSidlo esiNgcwele, esinguMzimba leGazi likaJesu Kristu; (Joha 6,51-58). 3. LiliDili eliNgcwele, eliyisibonakaliso sothando lokumanyana eBandleni likaJesu Kristu. Kulelidili amalunga eBandla amanyana loKristu ngokupheleleyo ngokumamukela, njalo ayamanyana wona ngokwawo ngokuhlanganyela eDilini linye, langokwamukela uKristu munye, langokuba nguMzimba wakhe munye; (Seb 2,42-47; 4,32; Roma 12,4-5.) 4. Liyisikhumbuzo sokudla kokucina kukaJesu Kristu labafundi bakhe. Abavunyelwa ukwamukela iSidlo esiNgcwele yilaba: a) AmaKhatholika abhabhathiziweyo, abalemvumo yokwamukela. b) Abangelasono esikhulu. Olesono esikhulu umele azisole, enze imvumo kuqala, anduba amukele. Abalamaphutha amancinyane bamele bazisole ngawo, bawalahle bazimisele ukungaphindi ukuwenza, kube ng’khona bezakuya kwamukela. c) Abazilileyo ukudla, loba yikuphi, okuhlafunwayo lokumunyuzwayo, lokunathwayo, okweAwa elilodwa. Abanathe utshwala bamele bazile okwamahola amathathu. d) Ukuba lesifiso esiqotho sokwamukela. 5 Lingumphako wohambo lwethu lokuya edilini likaMesiya ekhaya lasezulwini. INKONZO YEMISA ENGCWELE ISIGABA SOKULUNGISELELA Ingoma yokungena Ukubingelela P. Ngebizo likaYise, + leleNdodana, lelikaMoya oNgcwele. B. Amen. P. Bazalwane bami, umusa weNkosi yethu uJesu Kristu, lothando lukaNkulunkulu uBaba, lokuhlanganyela kukaMoya oNgcwele, kakube lani lonke. B. Kakube lawe njalo. Ukuvuma izono P. Bazalwane, kasikhumbuleni izono zethu ukuze siqhube ngemfanelo imfihlakalo ezingcwele. B. Ngiyavuma kuNkulunkulu, uMninimandla wonke, lakini bazalwane, ukuthi ngonile kakhulu ngokucabanga langokukhuluma, langokwenza langephutha ngecala lami, ngecala lami, ngecala lami elinzima kakhulu sibili. Ngakhoke ngiyancenga uMariya obusisiweyo, oliVirigo kokuphela, lezithunywa zonke zasezulwini, labangcwele bonke, lani bazalwane, ukuba lingikhulekele eNkosini uNkulunkulu wethu. Amen. Intethelelo P. UNkulunkulu uMninimandla wonke, akasihawukele, asithethelele izono zethu, asiphe ukuphila okulaphakade. Amen. AMASAKRAMENTE 131 Ukucela umusa P. Nkosi, sihawukele; B. Nkosi, sihawukele. P. Kristu, sihawukele; B. Kristu, sihawukele. P. Nkosi, sihawukele; B. Nkosi, sihawukele. Ukudumisa uNkulunkulu Udumo kalube kuNkulunkulu kweliphezulu. Kube lokuthula emhlabeni ebantwini bakhe, Nkosi Nkulunkulu, Nkosi yasezulwini, Nkulunkulu Baba Somandla, siyakubabaza, siyakwazisa, siyakuguqela, siyakudumisa, siyakubonga ngenxa yobukhosi bakho obukhulu. Nkosi, Jesu Kristu, Ndodana ezelwe yodwa, Nkosi Nkulunkulu, Mvana kaNkulunkulu, Ndodana kaNkulunkulu uYise. Wena osusa izono zomhlaba, sihawukele. Wena ohlezi kwesokunene sikaYihlo, zwana ukukhala kwethu. Ngoba nguwe wedwa oNgcwele. Nguwe wedwa oyiNkosi. Nguwe wedwa onguPhezukonke, wena Jesu Kristu; undawonye loMoya oNgcwele, ebukhosini bukaNkulunkulu uBaba. Amen. Umkhuleko wokuvula P. Kasikhulekeni: Nkulunkulu wothando, ake uzwe imikhuleko yethu. Sisize sazi lokho othanda ukuba sikwenze, ukuze sikwenze ngesibindi lobuqotho. Sicela ngeNkosi yethu uJesu Kristu iNdodana yakho, enguNkulunkulu, ephila ibusa kanye lawe, ndawonye loMoya oNgcwele, kuze kube laphakade. B. Amen. AMASAKRAMENTE 132 ISIGABA SELIZWI LIKANKULUNKULU Ingoma Isifundo sokuqala F. Isifundo sokuqala sithethwe encwadini kalsaya (55,10-11.) Njengalokhu izulu longqoqwane kusehla kuvela phezulu, kungabuyeli khona kodwa kuthambisa umhlaba, kuwenze ukuba uthele okuhlumayo, unike umhlanyeli inhlanyelo, lodlayo ukudla, lizakuba njaloke lelizwi eliphuma emlonyeni wami, kaliyikubuya kimi lize, kodwa lizakwenza lokho engikufunayo, liphumelelise lokho engilithumele khona. F. Yiwola amazwi eNkosi. B. Kabongwe uNkulunkulu. Umkhuleko weHubo... Isifundo sesibili F. Isifundo sesibili sithethwe kwabaseKorinte (1 Kor 12,3-5.) Bazalwane, ngiyalazisa ukuthi kakho umuntu okhuluma ngoMoya kaNkulunkulu ongathi: Kathukwe uJesu. Futhi kakho umuntu ongathi uJesu uyiNkosi, kuphela ngaye uMoya oNgcwele. Kukhona iziphiwo ezehlukeneyo, kodwa uMoya munye. Kukhona izinkonzo ezehlukeneyo, kodwa iNkosi yinye. F. Yiwola amazwi eNkosi. B. Kabongwe uNkulunkulu. Ingoma yeAleluya IVangeli P. INkosi kayibe lani. B. Kayibe lawe njalo. P. Zwanini iVangeli elingcwele likaJesu Kristu njengoba libhalwe nguMarko (1,14-15) AMASAKRAMENTE 133 B. Udumo kalube kuwe Nkosi Jesu Kristu. Emva kokubotshwa kukaJohane, uJesu wafika eGalili etshumayela ivangeli likaNkulunkulu, wathi: Isikhathi sesiphelele, umbuso kaNkulunkulu ususondele, phendukani, likholwe ivangeli. P. Yiwola amazwi eVangeli elingcwele. B. Kadunyiswe uJesu Kristu. Intshumayelo UMvumukholo wabaphostoli Ngiyakholwa kuNkulunkulu, uYise uMninimandla wonke, uMdali wezulu lomhlaba, lakuJesu Kristu, iNdodana yakhe eyodwa, iNkosi yethu; owemulwa ngamandla kaMoya oNgcwele, wazalwa liVirigo uMariya; wahlutshwa ekubuseni kukaPhonsiyo Philathu; wabethelwa esiphambanweni, wafa, wangcwatshwa, wehla waya kwabafileyo. Ngelanga lesithathu wabuya wavuka ekufeni, wenyuka waya ezulwini. Uhlezi esandleni sokunene sikaYise, lapho azavela khona ezothetha amacala abaphilayo labafileyo. Ngiyakholwa kuMoya oNgcwele, iBandla elingcwele eliKhatholika, ukumanyana kwabangcwele, ukuthethelelwa kwezono, ukuvuka komzimba ekufeni, lokuphila okulaphakade. Amen. AMASAKRAMENTE 134 UMvumukholo woMhlangano waseNiseya (325A.D.) Ngiyakholwa kuNkulunkulu munye, uYise olamandla wonke, uMenzi wezulu lomhlaba, lakho konke okubonakalayo lokungabonakaliyo. Ngiyakholwa laseNkosini nye, uJesu Kristu, iNdodana eyodwa kaNkulunkulu; eyazalwa nguYise ngaphambi kwezikhathi zonke. EnguNkulunkulu uqobo ophuma kuNkulunkulu uqobo. Eyazalwa ingenziwanga; eluqobo lunye loYise; okwenziwa ngayo konke. Eyathi ngenxa yethu thina abantu, langenxa yokusisindisa, yehla ivela ezulwini. Ngamandla kaMoya oNgcwele, yaba ngumuntu, yazalwa liVirigo uMariya. (Khothamisa ikhanda) Yahlupheka ekubuseni kukaPhonsiyo Philathu, yabethelwa ngenxa yethu, yafa yangcwatshwa, Yavuka ngosuku lwesithathu njengokulotshiweyo emibhalweni. Yenyuka yaya ezulwini, lapho ehlezi khona kwesokunene sikaYise. Izabuya ibuye ngobukhosi, izothetha amacala abaphilayo labafileyo; umbuso wayo kawusoze waphela. Ngiyakholwa kuMoya oNgcwele, oyiNkosi, uMphilisi, ophuma kuYise beleNdodana, okhonzwa adunyiswe ndawonye loYise leNdodana, owakhuluma ngabaprofethi. Ngiyakholwa eBandleni linye elingcwele, eliKhatholika, elabaPhostoli. Ngiyavuma uMbhabhathizo munye wokuthethelela izono; ngilindele ukuvuka kwabafileyo, lokuphila kwaselizweni elizayo. Amen. AMASAKRAMENTE 135 Izikhalazo P. Asikhulekeni kuJesu Kristu owanikela impilo yakhe ukuze sisindiswe. K. Sikhulekela bonke abamemezela ilizwi lakhe - Nkosi, silalele. B. Nkosi, silalele ngomusa. K. Sikhulekela bonke abafa belethemba kuNkulunkulu uBaba - Nkosi, silalele. B. Nkosi, silalele ngomusa. K. Lethani izikhalazo zenu eNkosini. Nkosi Jesu Kristu wena ongumngane wethu sonke. Siyakudumisa ukanye loNkulunkulu uBaba ndawonye loMoya oNgcwele kuze kube laphakade. Amen. ISIGABA SOMHLABISO Ingoma yomnikelo Ukulungisela ukwethula izipho P. Siyakudumisa, Nkosi Nkulunkulu, Menzi wezinto zonke, ngoba ngomusa wakho sinikela lesisinkwa esavezwa ngumhlabathi, senziwa yizandla zabantu, sizakuba yisinkwa esisipha ukuphila. B. Kadunyiswe uNkulunkulu kuze kube lanini. P. Ngesibonakaliso sokuhlanganiswa kwamanzi lewayini, senze sibe lempilo kaKristu, owathi ngokuzithoba kwakhe waba ngumuntu njengathi. P. Siyakudumisa, Nkosi, Nkulunkulu, Menzi wezinto zonke, ngoba ngomusa wakho sinikela liwayini eyisithelo sevini lomsebenzi wezandla zabantu izaphenduka ibe yikudla kwemiphefumulo yethu. B. Kadunyiswe uNkulunkulu kuze kube lanini. AMASAKRAMENTE 136 P. Nkosi, Nkulunkulu, siyakuncenga ukuba wamukele umhlabiso wethu lo. Siyazinikela kuwe ngenhliziyo ezithobekileyo. Ungigezise, Nkosi ebubini bami, ungihlambulule ezonweni zami. P. Bazalwane, khulekani ukuba umhlabiso wethu wemukelwe nguNkulunkulu uBaba uMninimandla wonke. B. INkosi kayemukele umhlabiso lo ezandleni zakho, ukuze ibizo layo libongwe, lidunyiswe; lokuba sithole usizo, thina, lalo lonke iBandla layo elingcwele. Umkhuleko wokunikela izipho P. Nkosi Nkulunkulu Baba, yamukela umnikelo wethu lo, wandise ubungcwele bethu, usiphe konke esikucela ngethemba. Sicela ngoKristu iNkosi yethu. Amen. UMKHULEKO OMKHULU WOKUBONGA (II) P. INkosi kayibe lani. B. Kayibe lawe njalo. P. Phakamisani inhliziyo zenu. B. Siziphakamisele eNkosini. P. Kasibongeni iNkosi uNkulunkulu wethu. B. Kufanele, kulungile. P. Ngempela kufanele njalo kulungile, ukuba ngezikhathi zonke lasendaweni zonke, sikubonge Baba, ngeNdodana yakho uJesu Kristu iNkosi yethu. Nguye oyiLizwi owadala ngalo izinto zonke. Nguye onguMsindisi owamthuma ukuzasihlenga. Ngamandla kaMoya oNgcwele waba ngumuntu, wazalwa liVirigo uMariya. Ngenxa yethu welula ingalo zakhe, wabethelwa esiphambanweni, wanqoba ukufa, wabonakalisa amandla okuvuka ekufeni. AMASAKRAMENTE 137 Ngalesosenzo waphelelisa intando yakho, wakumisela isizwe esingcwele. Ngalokhoke sihlanganyela lezithunywa zasezulwini, ndawonye.labangcwele bonke, sihubela ubukhosi bakho sisithi: B. UNgcwele, uNgcwele, uNgcwele, Nkosi Nkulunkulu wamaxuku! Izulu lomhlaba kugcwele ubukhosi bakho. Hosana kweliphezulu! Ubusisiwe ozayo ebizweni leNkosi. Hosana kweliphezulu! P. Ngempela uNgcwele Nkosi, ungumthombo wobungcwele bonke. Ake uthumele uMoya wakho ungcwelise izipho lezi, usiphendulele zona, zibe nguMzimba + leGazi leNkosi yethu uJesu Kristu. Owathi ngaphambi kokuba anikelwe ekufeni, ukufa akuvuma ngentando yakhe, wathatha isinkwa wakubonga, wasihlephula, wasipha abafundi bakhe esithi: Thathani lonke lidle: lokhu kungumzimba wami ozanikelelwa lina. Sebedlile, wathatha inkezo, wakubonga njalo, waseyinika abafundi bakhe esithi: Thathani lonke linathe: le yinkezo yeGazi lami, iGazi lesivumelwano esitsha esingayikuphela, elizachithwa ngenxa yenu labantu bonke, ukuze izono zithethelelwe. Yenzani lokhu lingikhumbule ngakho. AMASAKRAMENTE 138 P. Bazalwane, kasivumeni imfihlakalo yokholo lwethu. B. UKristu wasifela, UKristu wavuka, UKristu uzabuya njalo. loba Ngokufa kwakho wabhubhisa ukufa kwethu, ngokuvuka kwakho wabuyisela impilo yethu; uzabuya ngobukhosi. loba Uba sisamukela uMzimba leGazi lakho Nkosi, sibabaza ukufa kwakho uze ubuye. loba Nkosi, ngokufa kwakho langokuvuka kwakho wasikhulula, wena onguMsindisi womhlaba. Baba, ngokukhumbula ukufa lokuvuka kukaKristu, siyethula kuwe lesiSinkwa esiphilisayo, lalinkezo esindisayo. Siyakubonga wena Nkosi osenze safanela ukuma phambi kwakho sikukhonza. Siyakuncenga, Baba, ukuba thina sonke esamukela uMzimba leGazi likaKristu, sihlanganiswe ndawonye nguMoya oNgcwele, sibe munye. Nkosi, khumbula iBandla lakho elisemhlabeni wonke, usiphe sonke uthando, ukuze sibe munye loPhapha wethu u..., loMbhishopi wethu u..., labo bonke abasesikhundleni sobupristi, lezidelamhlaba zonke labantu bakho bonke. EMiseni yabafileyo: (Khumbula u... osumthethe kulumhlaba wambizela kuwe. NgoMbhabhathizo wafa kanye loKristu, sengathi angavuka laye njalo.) Akukhumbule abazalwane bethu bonke abalele ekuphumuleni belethemba lokuvuka njalo. Bangenise enkazi- AMASAKRAMENTE 139 mulweni yakho kanye labo bonke abafa belobuzalwane lawe. Sihawukele lathi sonke esilapha, usenze sifanele ukuphila okulaphakade ndawonye loMariya iVirigo, uNina kaNkulunkulu, kanye labaPhostoli labangcwele bonke abenza intando yakho ngezikhathi zonke. Angathi singakubonga kanye labo, sikudumise ngeNdodana yakho uJesu Kristu. Ukudumisa uNkulunkulu uBaba Ngaye uKristu, ukanye laye, ukuye uKristu, uthola lonke udumo lobukhosi, Wena Nkulunkulu Baba Somandla, ndawonye loMoya oNgcwele, kuze kube lanini. Amen. loba: Siyakudumisa Baba, ngomlomo kaKristu, Siyakudumisa Baba, thina amalunga kaKristu. Siyakudumisa Baba, ngoMoya ohlala phakathi kwethu. Siyakudumisa Baba, kuze kube laphakade. Amen. UKULUNGISELELA ISIDLO ESINGCWELE P. Kasikhulekeni ngokuthemba kuBaba ngamazwi uMsindisi wethu asilaya wona sithi: Baba wethu osezulwini, alidunyiswe ibizo lakho, awuze umbuso wakho, intando yakho kayenziwe emhlabeni njengasezulwini. Sipha lamhla ukudla kwethu okwansuku zonke; usixolele izono zethu, njengalokhu lathi sibaxolela abasonayo thina. Ungasingenisi ekulingweni, kodwa usisindise ekubini. AMASAKRAMENTE 140 Ukucela ukuvikelwa ebubini Sisindise Nkosi ebubini bonke, usiphe ukuthula ngalezinsuku zethu. Sisize ngesihawu sakho, usikhulule emandleni esono, usivikele enkathazweni zonke lapho sisalindele ngethemba langenjabulo ukuza koMsindisi wethu uJesu Kristu. B. Ngoba umbuso ungowakho, lamandla, lobukhosi, kuze kube lanini. Ukucela ukuthula Nkosi Jesu Kristu wena owathi kubaPhostoli bakho: Ngilitshiyela ukuthula ngilipha ukuthula kwami. Ungakhangeli izono zethu, kodwa khangela ukukholwa kweBandla lakho, usiphe ukuthula lokumanyana kwasembusweni wakho, lapho ohlezi khona ubusa kuze kube laphakade. Amen. P. Ukuthula kweNkosi kakube lani kokuphela. B. Kakube lawe njalo. P. Bazalwane, kasitshengiseni ukuthandana lokuxolelana kwethu ngokuxhawulana. Oxhawulayo: Ukuthula kakube kuwe! Oxhawulwayo: Kakube lawe njalo. Ukwemukela iSidlo esiNgcwele Mvana kaNkulunkulu, wena osusa izono zomhlaba; Sihawukele. Mvana kaNkulunkulu, wena osusa izono zomhlaba; Sihawukele. Mvana kaNkulunkulu, wena osusa izono zomhlaba; Siphe ukuthula. P. Nkosi yethu Jesu Kristu, ngokuthemba uthando lesihawu sakho siyawemukela uMzimba leGazi lakho. Ungasilahli ngenxa yokungafaneli kwethu, kodwa usiphe impilo yomoya lomzimba. AMASAKRAMENTE 141 P. Khangelani, nansi iMvana kaNkulunkulu, yona esusa izono zomhlaba! Odla lesisinkwa uzakuphila kokuphela. B. Nkosi kangifanele ukuba ngikwamukele, khuluma ilizwi lodwa kusile umphefumulo wami. P. NguKristu. K. Amen. P. Kasikhulekeni. Nkosi Nkulunkulu Baba, usisuthisile ngesinkwa esivela ezulwini. Siyakubonga. Sigcwalise ngoMoya wakho oNgcwele, usenze sibe munye ngokuthula langokuthandana, usivikele ezingozini zonke. Sicela ngoKristu iNkosi yethu. Amen. Isiphetho senkonzo P. INkosi kayibe lani. B. Kayibe lawe njalo. P. Kalibusise uNkulunkulu uMninimandla wonke. UYise, + leNdodana, loMoya oNgcwele. B. Amen. P. Hambani ngokuthula kukaKristu. B. Kabongwe uNkulunkulu. Imikhuleko yokwamukela isiDlo esiNgcwele Phambi kokwamukela Sesifikile Nkosi Jesu, isikhathi sokwamukela iSakramente elinguMzimba wakho. Angifanele ukusondela lokusidla lesiSinkwa sezithunywa, esivela ezulwini. Kodwa ngiyakholwa ukuthi ukhona sibili kuleliSakramente: ngoMzimba leGazi, loMoya lobuNkulunkulu bakho. Ngiyafisa kakhulu ukuba ungene enhliziyweni yami, uyigcwalise ngezipho zakho zokomoya. Ithemba lami lonke likuwe: Wozake, Nkosi AMASAKRAMENTE 142 yami loMsindisi wami! Hlala kimi, lami ngihlale kuwe, ungavumi ukuba ngehlukane lawe ngokwenza isono. Amen. Emva kokwamukela Jesu wami, usuhlezi enhliziyweni yami! Ngiyakhuleka ngihlonipha kakhulu. Ngindawonye labangcwele lezithunywa zasezulwini ngiyakubonga, ngikudumisa, ngisithi: UNgcwele, uNgcwele, uNgcwele Nkosi! Ngiyakubonga kakhulu ngokungithanda kwakho okungaka. Wabusisa uMariya loJosefa, ngokuhlala labo. Lamhla ungibusisile ngokuzahlala lami. Ngiyabonga, Nkosi Msindisi olamandla wonke, ogcwele umusa lesihawu. Akungisize, ukuba ngigcine izithembiso zami, ngingephuli imilayo kaNkulunkulu. Nginqobe izilingo, ngibekezele ekuhluphekeni, ngimale uSathane lemisebenzi yakhe, kanye lobukhosi bakhe. Ngibe ngowakho wedwa wena Msindisi wami, owangifela esiphambanweni. Akungenze ngifinyelele ekhaya lakho lasezulwini; ngihlale lawe labangcwele bakho, kuze kube laphakade. Amen. Moya kaKristu Moya kaKristu, ungilungise. Mzimba kaKristu, ungisindise. Gazi likaKristu ungijabulise. Manzi aphuma ohlangothini lukaKristu, ungigezise. Nhlupheko kaKristu, ungiqinise. Jesu omnandi akungizwe. Ungibeke emanxebeni akho. Ungavumi ukuba ngehlukane lawe. Esitheni sami esibi ungivikele. Ngesikhathi sokufa kwami ungibize. Khuluma uthi ngize kuwe. Ukuba ngihlangane labangcwele bonke. Ngikudumise kuze kube laphakade. Amen. Sacrament of Holy Orders or Confession? ISAKRAMENTE LEMPENDUKO Ingcazelo: Into yokuqala eqakathekileyo ekwamukeleni iSakramente leMpenduko ngemfanelo, yikuphenduka ngenhliziyo yonke ezonweni, lokudabuka ngaphakathi ngazo; (Jow 2,12-13). Ozisola ngobuqotho uyazimisela ukuthi kasafuni ukuphinda ukona. Into yesibili eqakathekileyo, yikuvuma izono zakho ngokuzithoba langeqiniso, hatshi kuNkulunkulu kuphela, laseBandleni lakhe, loba kubantu abathile abaphiwa nguye amandla lomsebenzi wokuvumisa: UJohane uMbhabhathizi wayevumisa; (Mat 3,6). Abaphostoli baphiwa nguJesu amandla okuthethelela izono, okutsho ukuthi abantu babevuma kibo ukuze bathethelelwe; (Joha 20,22-23; Jak 5,16). Lamhlanje amakholwa avuma izono zawo kubapristi. Into yesithathu eqakathekileyo, yikwenza inhlawulo yezono ozivumileyo; (Nani 5,6.8). IBandla lokuqala, iBandla eliKhatholika, lalivele lihlawulisa abonileyo ngesijeziso esithile kusukela ekuqaleni kwalo; (Seb 5,1-11). Imvumo yabadala Umkhuleko wokuvula: Nkulunkulu wami, Baba olomusa wonke, wasinika iSakramente leMpenduko ukuba sithethelelwe ngalo izono zethu. Nkosi yami, sengifuna ukuphenduka, lokulahla zonke izono zami, ngibuyele kuwe. Ngisize ngamandla akho, ukuba ngikhumbule kuhle zonke izono zami, ngizikhalele ngenhliziyo, ngizivume kuhle kumpristi. Woza Moya oNgcwele; Khanyisela ingqondo yami, ukuba ngikhumbule kuhle zonke izono engilazo. Mama Mariya, Nina kaJesu, ngicela ungikhulekele ukuba ngivume kuhle izono zami. Sithunywa esingilondolozayo, lawe mngcwele wami, lingikhulekele. Baba wethu... Ekuhle Mariya... Examination of Conscience/ Confession​ Ukuhlolisisa inhliziyo: 1. Mina ngiyiNkosi, uNkulunkulu wakho, ungabi labanye oNkulunkulu ngaphandle kwami! Ngayekela ukukhuleka insuku zonke ngenxa yobuvila na? Angihloniphanga ngesikhathi sokukhuleka yini? Angizamanga ngendlela zonke ukuqinisa ukholo lwami lokulukhulisa, kumbe ngaluyekela luphunguka na? Ngasoma ngokholo loba ngakhuluma okuphambene lokholo na? Angikhuzanga abeyisa ukholo na? Ngakholwa ngavumelana lamadlozi, ngaya ezinyangeni ezitshaya amathambo, ngasebenza labathakathi loba ngabasiza na? Ngakholwa imihlolo lamaphupho na? Ngathethela amadlozi ngaphathisa emigidweni yamadlozi leyemimoya etshiyeneyo na? Ngaqhuba imikhuba yamaqaba na? Ngaphuma kuBandla eliKhatholika likaJesu ngaya kwamanye amabandla na? Ngafunda incwadi eziyingozi okholweni lwami na? Angithembanga kuNkulunkulu ngesikhathi sobunzima na? Angiziphanga ithuba elikhulu ukukhuleka ecaweni na? Ngaba lenhloni ngokholo lwami na? Ngemukela ngilesono esikhulu ngingakasivumi na? Ngasebenzisa imithi eyenziwa ngezitho zemizimba yabantu na? Ngasebenzisisa imithi yemilingo lamandla kaSathane na? 2. Ungaliphathi ngeze ibizo leNkosi uNkulunkulu wakho! Angiliphathanga ngemfanelo ibizo likaNkulunkulu lamanye amabizo angcwele na? Angihloniphanga uNkulunkulu labangcwele na? Ngafunga amanga ngebizo likaNkulunkulu na? Angisebenzisanga amathuba okufundisa abanye ngoNkulunkulu na? Angihloniphanga abantu abasebenzela uNkulunkulu lezindawo ezingcwele lempahla ezingcwele na? Angigcinanga izifungo zami ezombhabhathizo lomtshado na? Ngaletha ukungezwani eBandleni na? AMASAKRAMENTE 145 3. Londoloza usuku lweSonto ulugcine lube ngcwele! Ngaphutha eMiseni ngeSonto loba ngamanye amalanga amakhulu na? Ngaphuza enkonzweni ngafica iVangeli selibaliwe na? Ngakhuluma, ngahleka loba ngahlekisa abanye esontweni na? Ngaziqakisa ngezigqoko langokuhamba eSontweni na? Ngasebenza nzima ngelanga leSonto na? Ngasebenzisa ilanga elingcwele likaNkulunkulu ngokutshona nginatha okudakayo na? Angenzanga imisebenzi emihle ngeSonto njengokusontisa abanye lokuhambela abagulayo labalupheleyo labasentolongweni na? Angikhuthazanga izihlobo labomakhelwane lezinini lomkami ukuya eSontweni na? Angikhulekanga lemuli yami na? 4. Hlonipha uyihlo lonyoko khona uzakuhlala kuhle, uhlale isikhathi eside njalo emhlabeni! Ngazonda abazali labadala kimi na? Ngenyanya abazali ngabeyisa na? Anginanzanga abazali bami na? Angisizanga abazali bami labakwethuzala lezinini ezinsweleni zabo na? Ngahitshana labazali bami ngabafisela okubi loba ngafunga ijoyi na? Ngaxega ngabachothoza loba ngabanyeya abazali bami yini? Ngadlalisa imali nginganakekeli abazali yini? Ngazwisa abazali ubuhlungu na? Anginikelelanga abazali bami abafileyo iMisa eNgcwele na? Abazali bayazihlolisisa mayelana labantwana Angivikelanga abantwana engozini zomzimba lezomphefumulo na? Angifundisanga abantwana ukholo lokukhuleka na? Angisontisanga abantwabami na? Angithumelanga abantwabami ukufundela iKhathekisima mayelana loMbhabhathizo, lokwemukela iSakramente loMqiniso na? Angigcinelanga abantwabami imali yesikolo, lokudla lezembatho na? Ngakhuthaza abantwana ukona na? AMASAKRAMENTE 146 Angikhuthazanga abantwana ababhabhathiziweyo ukutshada na? Ngalela abantwana ukuba yizidelamhlaba (ubupristi, ububrada lobusista) na? Ngapha abantwabami isibonelo esibi na? 5. Ungabulali! Ngaba lolaka, ngalwa ngalimaza omunye na? Ngathuka loba ngasebenzisa inhlamba na? Ngafundisa abanye ukona na? Angikhuzanga abanye besona na? Ngafisela abanye okubi na? Ngakhupha isisu loba ngasiza omunye ukukhupha isisu na? Ngakhuthaza abanye ukukhupha isisu na? Nganatha amaphilisi ngasebenzisa ezinye indlela zokuvimbela inzalo na? Ngafuna ukuzibulala na? Ngabalolunya na? Ngathelela abanye imikhuhlane ngabomo na? Ngathelela abanye iAIDS ngisazi ukuthi ngilayo na? Ngalimaza kumbe ngabulala izifuyo zabanikazi na? Angizwelanga izigoga labahluphekayo isihawu na? Ngaphindisela na? Ngabandlulula abanye ngemihlobo yabo na? Ngahlanganyela labanye emithini yobuthakathi lekuyisebenziseni na? Ngakhuthaza ukubulawa komuntu na? Angiphathanga abantu ngokulinganayo kumbe ngabandlulula ngaphatha ngcono abanye kulabanye na? Nganatha okudakisayo ngadakwa na? Nganatha okulimaza impilo okunjengethothotho na? Ngabhema imbanje lokunye okudakayo na? 6. Ungafebi! 9. Ungahawukeli umfazi kamakhelwane wakho! Nganakana imicabango yobufebe yini? Ngavumela amehlo ami ukudinga lokubona izinto ezivusa imicabango engcolileyo na? Ngakhangela imifanekiso enqunu na? Ngafunda izincwadi ezivusa inkanuko ezimbi na? Ngakhuluma izinto ezikhuthaza ubufebe na? Ngachitha imali yemuli ezindleleni zobufebe na? Ngahlabela izingoma eziphikisana lobumhlophe benhliziyo na? AMASAKRAMENTE 147 Ngabamba kubi umzimba womunye ngingawuhloniphi na? Ngazibamba kubi mina ngokwami ngizithokozisa ngendlela eyisono na? Ngabhala izincwadi eziphikisana lobungcwele na? Ngagqoka ngendlela engakhubekisa abanye na? Ngenza amashabhini lamagigi kumbe ngiyangena kiwo na? Angithembekanga kumkami na? Ngathatha isithembo na? Ngangena umfelwakazi ngile yami inkosikazi kumbe ngavuma ukungenwa na? Ngendela esithenjini ngilikholwa na? Ngaya emigidweni yebusuku eyingozi emphefumulweni wami na? Ngakhuthaza abanye ukuthi benze isono na? Ngakhuthaza abantwana ukuzuza imali ngobufebe na? Ngemukela imali ezuzakale kubi ngayisebenzisa na? Ngahlala lomuntu engingatshadanga laye esontweni mina ngilikholwa na? 7. Ungebi! 10. Ungahawukeli impahla kamakhelwane wakho! Ngatshontsha na? Ngatshontsha ulutho olunjani na? Ngona impahla loba insimu loba isifuyo somunye ngingakhathali na? Ngaphatha butshapha impahla yami leyabanye uNkulunkulu angipha yona ukuba ngisize abanye ngayo na? Ngachitha impahla lemali butshapha na? Ngaphatha kubi impahla kaHulumende, engeyabantu bonke na? Angibuyiselanga izikwelede lengakutshontshayo na? Ngaba lomhawu ngempahla yomunye na? Angiphathanga kuhle izisebenzi na? Angenzanga umsebenzi wami ngokuthembeka na? Angiholisanga izisebenzi zami iholo elizifaneleyo, langesikhathi esifaneleyo na? Ngathokozela ukuhlupheka komunye na? Ngabaliqili ekuthengiseni lasekuthengeni na? Ngemukela impahla etshontshiweyo loba amatshe aligugu azuzakala ngobuqili na? Ngachitha imali emakhasini na? AMASAKRAMENTE 148 Ngabiza amalobolo aphezulu kakhulu awomntanami na? Ngenza iphutha, ngayekela abantu behlupheka kumbe besifa ngingabasizi lanxa ngangilamandla okubasiza na? 8. Ungaqambeli amanga umakhelwane wakho! Ngaqamba amanga yini? Ngafihlela umkami izinto eziqakathekileyo na? Ngabumbela omunye amanga na? Ngaxoxa ngeziphosiso zabanye na? Ngenza ukuthi abantu bazondane na? Ngabulalisa umuntu ngamanga ami na? Ngaxotshisa umuntu emsebenzini ngamanga na? Ngehlukanisa umuntu lomkakhe ngamanga ami na? Ngazuza umsebenzi ngobumenemene na? Ngaqamba amanga ecaleni na? Ngakholwa okukhulunywe zinyanga labaprofethi bamanga mayelana ngabanye abantu na? Ngona ibizo lomunye na? Ngapha umuntu isivalamlomo loba imali yesifumbathiso na? Ngakholwa abaprofithi bamanga loba izinkanyezi (Horoscopes) na? Ngahlanganyela kumacebo amabi labanye na? Ngasebenzelana lamatsotsi lezigebenga na? Ngilolimi na? Ngilomlomo na? Ngilonyawo na? Imithetho yeBandla eliKhatholika: Ngaqeda umnyaka wonke ngingenzanga imvumo na? Angemukelanga iSidlo seNkosi ngesikhathi sePhasika na? Angikhuliselanga abantwabami okholweni na? Nganikela ngomnikelo omncane ongasizi iBandla likaKristu na? Angikhuphanga iSondlo seBandla ngemfanelo na? Kangingenanga iMisa loba inkonzo ngelanga lesonto na? Angizilanga inyama ngolweSithathu loMlotha langolweSihlanu oluNgcwele na? Ukuvuma izono: Khuleka umkhuleko wokuzisola kukhasi 153. Vuma izono kumpristi, ulandela indlela ekhasini 153-155. AMASAKRAMENTE 149 Imvumo yamajaha lezintombi Umkhuleko wokuvula: Nkulunkulu Baba, khangela ngomusa mina mntanakho engiyisoni! Ngiyazithoba ngizilahlela phambi kwakho ngivuma izono zami. Akungithumele uMoya oNgcwele ukuthi angisize ukwenza imvumo yami ngemfanelo, ungiphe amandla ngingabuyeli odakeni lwesono. Mama Mariya, wena obonayo ubuhlungu beNdodana yakho ngenxa yezono zami, akungifundise ukuzonda isono, nginanzelele ukuthi ngesono esincinyane nginyathela uJesu enyaweni, njalo ngesono esikhulu ngigwaza inhliziyo yakho. Akungicelele kumntanakho uJesu angihawukele angithethelele. Amen. Ukuhlolisisa inhliziyo: Ukuzigqaja Ngazigqaja yini, ngazibona ngingcono kulabanye? Angilalelanga ngilaywa na? Ngakhuluma kubi ngoNkulunkulu ngamenza inhlekisa na? Ngasola abazali lababalisi na? Ngadinga imithi yenhlanhla na? Ngadinga imithi yokudlala ibhola lokuthandwa ngamankazana kumbe ngabafana na? Ngaba lolunya lokuncitshana na? Ngaveza imfihlo zabanye na? Ngeyisa abazali babanye ngemfundo langokugqoka na? Umhawu Ngaba lomhawu na? Ngalwela isikhundla na? Ngabangisana lomunye impahla yakhe na? Ngazondela abanye ngoba bengcono kulami ebusweni, esikolo, ekugqokeni, ebugabazini na? Ngona ulutho lomunye na? Ngafihla ulutho lomunye na? Ngatshontsha impahla yomunye na? Kangiyibuyiselanga na? AMASAKRAMENTE 150 Ubufebe Ngagqoka kubi ukuze ngithiye abanye ngibadonsela esonweni na? Ngabamba kubi umzimba wami olithempeli likaMoya oNgcwele na? Ngavuma ukubanjwa kubi ngomunye na? Ngafeba na? (Ngafeba ngemicabango, ngamacebo amabi, ngezenzo) Ngathelela abanye imikhuhlane evela ekufebeni na? Ngacecisa indlu ngemifanekiso enqunu na? Ngaya emidlalweni engcolileyo na? Ngafungela ukwenza isenzo esibi na? Ngathandana labangane ababi na? Ngayenga umfana loba inkazana ngiyikhuthaza ukungaziphathi na? Ngavala inzalo ngamaphilisi lokunye okunjalo na? Ngabala izincwadi ezingcolileyo ngabukela lamabhayisikopo loba imifanekiso engafanelanga na? Ulaka Ngaba lolaka lokukhahlameza abanye na? Ngaba lolunya na? Ngaphindisela okubi ngokubi na? Ngabulala kumbe ngabulalisa umuntu na? Ngalwa ngalimaza loba ngaphuthisela omunye na? Ngaba lomlomo ngaxega abantu na? Ngala ukusiza abazali na? Angizithintanga olakeni na? Ukhona umuntu engimzondayo engingakamthetheleli na? Ngakhupha isisu na? Ubuhwaba Ngaminza kumbe ngadakwa na? Ngancitsha abahluphekayo na? Ngadlalisa imali yesikolo na? Ngachitha imali ekunatheni loba egwayini loba emakhasini na? Ngabhema imbanje loba ngahotsha i-glue na? Nganatha ithothotho loba okunye okudakayo na? Ngasebenzisa abanye abantu ukuzuza ngabo imali na? Umona Ngaba lomhawu loba ubukhwele na? Ngacabangela abanye okubi na? Angibathembi abanye abantu na? AMASAKRAMENTE 151 Ngaqilibezela abanye na? Ngazuza imali ngobuqili na? Ngona impahla yomunye ngabomo na? Angijabulelanga okuhle okwabanye njengoba ngijabulela okuhle okwami na? Ngavimbela omunye ukuthi angaphumeleli ngenxa yomona na? Ubuvila Angikhulekanga ngokukhuthala na? Ngala ukukhuleka labanye ngekhaya na? Angingenanga iMisa ngamasonto na? Ngatshiya iBandla eliKhatholika elaqaliswa nguJesu ngalandela elinye na? Angiphanga abanawami isibonelo esihle sokukholwa na? Ngayekela abazali bami behlupheka ngingabasizi ukuthi bazuze okubaphilisayo na? Ngachitha isikhathi ezintweni eziyize na? Ngabaleka esikolo na? Ngayekela umsebenzi omuhle ngenxa yobuvila na? Ukuvuma izono: Khuleka umkhuleko wokuzisola kukhasi 153. Vuma izono kumpristi, ulandela indlela ekhasini 153-155. Imvumo yabantwana Umkhuleko wokuvula: Nkulunkulu Baba, ngiyazisola ngoba ngonile ngokungalaleli abazali bami labadala lababalisi bami, langokweqa imilayo yakho. Ngiyacela Baba, ukuba ungixolele izono zami zonke, ungiphe amandla okuba ngingaphindi ngikone futhi. Akukhanyisele inhliziyo yami, ukuze ngikhumbule kuhle ngizisole ngazo izono zami ngizivume kuhle kumpristi. Amen. Ukuhlolisisa inhliziyo: Sekulesikhathi esingakanani ngacina ukuvuma na? Ekuvumeni kwami kokucina ngavuma kuhle yini? Engakuthembisayo uNkulunkulu, ngakwenza yini? AMASAKRAMENTE 152 1. Ukuphilela uNkulunkulu; Ngaphutha ukuthandaza ekuseni lantambama lekudleni na? Ngakhuleka ngomlomo inhliziyo yami ingekho emthandazweni na? Ngakhuluma ngahleka ngadlala endlini kaNkulunkulu na? Ngaphuza eMiseni ngeSonto loba enkonzweni na? Ngaphutha eSontweni ngabomo na? Ngafunga amanga ngebizo likaNkulunkulu yini? Ngadlala ngezinto zikaNkulunkulu lezeBandla na? Ngafuna ukuphuma kuBandla eliKhatholika likaJesu na? 2. Ngekhaya; Angilalelanga abazali labantu abadala kimi na? Ngabazondisa ngabeyisa na? Ngabaqambela amanga na? Ngababiza ngamabizo amabi na? Ngadlalisa imali yabo na? Ngazondisa, ngatshaya abanawami na? Ngaqilibezela abanye na? Ngadlala ngezinto eziyingozi njengomlilo na? Ngaphatha ngesihluku izifuyo na? Ngakhuthaza omunye ukona na? Ngakhuluma inhlamba na? Ngeyisa abanye ngabahleka loba ngabachothoza na? Ngahleka izigoga, ngenza ubuphoxo ngazo na? 3. Esikolo; Ngahlupha ababalisi yini? Ngabaqambela amanga loba ngababiza ngamabizo amabi na? Angifundanga ngokukhuthala na? Angenzanga imisebenzi engangiyiphiwe esikolo na? Ngatshontsha ingwalo loba amapenseli abanye na? Ngadabulela abanye izembatho zabo na? Ngathathela abanye ukudla kwabo na? Ngachitha impahla yesikolo ngobutshapha na? Ngafundisana labanye izenzo ezingcolileyo na? 4. Ngesikhathi sekhefu; Ngaphuza ukubuyela ekhaya na? Ngabalekela ukuthunywa na? Ngalala lapho engingavunyelwanga khona na? AMASAKRAMENTE 153 Ngaba labangane abangalunganga na? Ngatshontsha yini? Kuyini engakutshontshayo na? Ngabalekela umsebenzi ngayazidlalela labangane na? 5. Ngingedwa; Ngacabangela abanye okubi na? Ngaba lomhawu na? Ngenyanya abanye na? Ngafisa ukuganga na? Ngadlala kubi ngomzimba wami na? Ngavumela abanye ukudlala kubi lami na? 6. Ukuphilela abanye; Ngazibona ngingcono kulabanye yini? Ngancitshana ngokudla na? Ngazwisa abanye ubuhlungu ngamazwi loba ngezenzo na? Nganyeya abanye na? Ngona ibizo lomunye ngokumqambela amanga na? Ukuvuma izono Ukuzimisela ukuthi ngingoni. Zimisele ukuthi uzakwenza konke okusemandleni akho ukuthokozisa uNkulunkulu, uxwaye ukumona ngenhliziyo yakho yonke. Ukuzisola ngezono: Nkulunkulu wami, inhliziyo yami ibuhlungu kakhulu, ngoba ngikonile wena Baba olobuhle obungapheliyo. Sengizimisele ukukuthanda phezu kwakho konke okudaliweyo. Ngiyazizonda izono zami zonke; ungisize ngamandla akho, ngingaphindi ukwenza isono. Loba: Uzisole usebenzisa iHubo 51, eBhayibhilini. Emva kokuzisola, uyahamba kumpristi uyekwenza imvumo ngale indlela. Uyaguqa kumbe uhlale phansi wenze isibonakaliso sesiphambano. K. Ngebizo likaYise, + leleNdodana, lelikaMoya oNgcwele. AMASAKRAMENTE 154 Umpristi: P. Angathi uNkulunkulu okhanyisela inhliziyo zethu angenza ubone izono zakho, uzwisise lesihawu sakhe. Amen. K. Mina ngingumuntu othetheyo/ongathathanga oleminyaka engu... loba: K. Mina ngingumuntu owendileyo/ongendanga oleminyaka engu.... K. Sekwedlule amalanga angu... /amaviki angu... / izinyanga ezingu... /iminyaka engu.... ngenzile imvumo yami yokucina. Izono engazenza ngemva kwemvumo yami yokucina yilezi: Nga... (vuma izono zakho ngokucacileyo, ungesabi ngoba uzathola ukuxolelwa nguNkulunkulu leBandla lakhe.) Nxa usuqedile ukuvuma uthi: Sengiqedile ngicela intethelelo. kumbe: Jesu, yiba lomusa kimi. Umpristi uyakunika izeluleko ezithile, lenhlawulo yezono ozayenza. Abesekutshela ukuba uzisole ngezono. UNkulunkulu uYise olomusa wonke, owabuyisana lomhlaba ngokufa langokuvuka kweNdodana yakhe, wathumela uMoya oNgcwele ukuze izono zithethelelwe, akuthethelele izono zakho, akuphe ukuthula ngamandla asetshenziswa liBandla lakhe engingummeli walo. Ngakho-ke ngiyakuthethelela izono zakho ngebizo likaYise, + leleNdodana lelikaMoya oNgcwele. K. Amen. P. INkosi isikuthethelele izono zakho. Hamba ngokuthula. K. Amen. Ukubonga emva kokuvuma: Nkulunkulu Baba, ngiyakubonga ngenhliziyo yami yonke ngokungixolela kwakho izono zami. Baba, mkhulu kangaka umusa wakho! Yeka ubukhulu bothando lwakho olumangalisayo. Inhliziyo yami isimhlophe, njalo isimsulwa, usuzisusile izono zami. Jesu wami ugezisile umoya wami ngegazi lakho elingcwele. Ngiyakubonga kakhulu. Ngiswela imilomo ezinkulungwane yokukubonga ngayo. Akungisize ngingaphindi ngone njalo, ungisize ngibalekele zonke izinto ezingangingenisa esonweni. Ngisize ngibe ngumntanakho othembekileyo. Mama Mariya, ungikhulekele ukuba ngilondoloze ubungcwele lobu engibuphiwe nguMoya oNgcwele eSakramenteni leMvumo, ngize ngibonane lawe kuNkulunkulu ezulwini. Amen. Sacrament of Extreme Unction / Last RitesUMGCOBO WABAGULAYO Ingcazelo: Ukugcoba abagulayo akuqaliswanga liBandla eliKhatholika, kwakusenziwa ngabaPhostoli uJesu esesekhona; (Marko 6,13). Kusobalake ukuthi uMgcobo wabagulayo wamiswa nguJesu ngokwakhe, njengamanye amaSakramente. Abagcotshwayo ngabagula kakhulu, kungaba ngumkhuhlane kumbe ingozi yokulimala. Abaluphele kakhulu labo bayemukeliswa umgcobo wabagulayo. Ofuna ukwamukela umgcobo wabagulayo kumele alungise umphefumulo wakhe, azisole ngezono zakhe, enze imvumo nxa kusenzeka, afise ukwamukela iSakramente leli, avume lentando kaNkulunkulu. Nxa umpristi engakafiki, kuhle ukuba amakholwa alungise itafula eduze lomuntu ogulayo, alembese ngelembu elimhlo-phe, abeke isiphambano lamakhandlela amabili, lamanzi abusisiweyo kilo, kodwa atshiye indawo eyaneleyo phakathi ezasetshenziswa ngumpristi. AMASAKRAMENTE 156 Ukugcotshwa kogulayo P. Ukuthula kakube kulindlu, lakibo bonke abahlala kuyo. B. Kakube lawe njalo. Umpristi upha isingeniso mayelana lomgcobo wabagulayo. Ukuzisola P/B. Ngiyavuma kuNkulunkulu... P. UNkulunkulu uMninimandla wonke, akasihawukele, asithethelele izono zethu, asiphe ukuphila okulaphakade. B. Amen. Izifundo: Mat 8,5-10.13; Jak 5,14-16. - Intshumayelo. - Izikhalazo. - Ukubekwa kwezandla ekhanda logulayo. P. Woza Moya oNgcwele, welaphe umzalwane wethu lo u... ogulayo. B. Amen. P. Woza Moya oNgcwele, umvikele kikho konke okubi lasemandleni kaSathane. B. Amen. P. Woza Moya oNgcwele, umnike isibindi lolwazi lokuthi bonke abalandela uKristu, bafanele ukuthwala isiphambano sabo, bamlandele. B. Amen. AMASAKRAMENTE 157 UMpristi uthatha amafutha abagulayo abusisiweyo agcobe ngawo ogulayo, ebunzini lasezandleni esithi: Ngalumgcobo ongcwele wabagulayo iNkosi uNkulunkulu kayikusize ngomusa langothando lwayo langamandla kaMoya oNgcwele. UNkulunkulu kakuthethelele izono zakho, akusindise, akubuyisele impilo. K. Amen. Kasikhulekeni: Nkosi Jesu Kristu, Msindisi wethu, ngamandla kaMoya oNgcwele pholisa ubuhlungu bomzalwane wethu lo u... Umbuyisele impilo enhle yomzimba leyomphefumulo. Ngenxa yothando lwakho lomusa wakho ake umthethelele izono zakhe, umbuyisele impilo epheleleyo, khona ezakuba lamandla okukhonza wena wedwa, ophila ubusa loNkulunkulu uBaba ndawonye loMoya oNgcwele, kuze kube laphakade. Amen. - UBaba wethu. - ISidlo esiNgcwele.. P. Khangelani, nansi iMvana kaNkulunkulu, yona esusa izono zomhlaba. Babusisiwe ababiziweyo eSidlweni seNkosi. B. Nkosi, angifanele ukuba ngikwamukele, khuluma ilizwi lodwa, kusile umphefumulo wami. P. NguKristu. B. Amen. Umkhuleko emva kokwamukela iSidlo esiNgcwele. P. Kasikhulekeni: Nkulunkulu Baba Somandla Simakade, siyabubula kuwe sithobekile, sicela ukuba uKristu owamukelwe ngumzalwane wethu lo u... ogulayo, abe yisisusa sokusiliswa kwakhe, athole ukuphila komzimba lokomphefumulo. Sicela ngoKristu iNkosi yethu. Amen. AMASAKRAMENTE 158 P. Isibusiso sikaNkulunkulu uMninimandla wonke; uYise, + leNdodana, loMoya oNgcwele, kasehlele phezu kwenu sihlale lani kokuphela. B. Amen. Inkonzo yokwamukelisa ogulayo Engozini yokufa umuntu ulelungelo lokwamukela amaSakramente. Ngakhoke, angabizelwa uMpristi. Nxa engabhabhathizwanga wonke umuntu owenelisa ukubhabhathiza angambhabhathiza. Khangela kukhasi 123. P. Ukuthula akube kulindlu lakibo bonke abahlala kiyo. B. Kakube lawe njalo. Umamukelisi abesechela ogulayo ngamanzi angcwele. P. Angathi amanzi la angcwele angaba yisikhumbuzo kuwe, sobudlelwano lokuhlanganyela olakho eNkosini yakho, yona eyakusindisa ngokufa langokuvuka kwayo. B. Amen. Nxa ogulayo efuna ukwenza imvumo angayenza nxa umpristi ekhona Ukuzisola. Ngiyavuma kuNkulunkulu... P. UNkulunkulu uMninimandla wonke, akasihawukele, asithethelele izono zethu, asiphe ukuphila okulaphakade. Amen. Izifundo: Joha 6,54-59; 14,6.23.27; 15,1-5; 1 Kor 11,23b-26) Intshumayelo, Izikhalazo. P. Kasikhulekeni kuBaba wethu uSomandla ngamazwi esawafundiswa nguJesu Kristu uMsindisi wethu sithi: B. Baba wethu... Amen. AMASAKRAMENTE 159 Ukwamukela iSidlo esiNgcwele. P. Khangelani, nansi iMvana kaNkulunkulu, yona esusa izono zomhlaba. Babusisiwe labo ababiziweyo eSidlweni seNkosi. B. Nkosi, angifanele... P. NguKristu. K. Amen. P. Kasikhulekeni: Nkulunkulu Baba, Somandla Simakade, siyakuncenga sithobekile ukuba uMzimba leGazi likaKristu kulethe ukuphila komzimba lokomphefumulo kumzalwane wethu lo osekwamukele. Sicela ngoKristu iNkosi yethu. B. Amen. Isibusiso. P. Isibusiso sikaNkulunkulu uMninimandla wonke uYise, + leNdodana, loMoya oNgcwele, kasehlele phezu kwenu, sihlale lani kokuphela. B. Amen. Ukusiza lokukhulekela ophansi kokufa Ingcazelo: Nxa umKhatholika egula kakhulu kumbe elimele kakhulu, ebonakala ukuthi usengozini yokufa, abakhonapho bangamsiza ngalezi indlela: 1. Ukumsiza ukuba azisole ngezono zakhe zonke ngenhliziyo yakhe yonke. 2. Ukumsiza ukuba avuselele ukukholwa, lokuthemba kwakhe lokuthanda uNkulunkulu, lokuzibeka ezandleni zakhe, lokwamukela intando yakhe engasoli. Ukumbizela umpristi nxa kusenzeka. Sacrament of Matrimony P. = Umpristi Y. = Umyeni L.= Umlobokazi B. = IBandla Ingcazelo: UNkulunkulu ngokwakhe nguye owadala umtshado ngokudala umuntu wesilisa lowesifazana; (Gen 1,27). Esebadalile wathi kibo: “Zalani lande, ligcwalise umhlaba” (Gen 1,28). Nguye owenza abatshadileyo babe nyamanye okwempilo yabo yonke; (Mat 19,3-5). Ifindo loMtshado elingathukulukiyo libotshwa nguye uqobo; (Mat 19,6). Ngakhoke abatshadileyo kabakwazi ukwehlukana omunye wabo esaphila. Inkonzo yomtshado iqalisa emva kwezifundo lentshumayelo. Ukuhlanganiswa kwabo P. Lina bazalwane elizahlanganiswa lamhla, khumbulani kokuphela ukuthi ekuqaleni uNkulunkulu wadala indoda inye lomfazi munye, wathi ababili labo sebenyamanye. Ngakhoke, libothembeka kokuphela omunye komunye, lingavumeli uSathane ukuba afake ukungathembeki komunye wenu. Njengoba isithembiso somtshado sisenziwa kuNkulunkulu phambi kweBandla lakhe, njalo kunguye uNkulunkulu uqobo obopha ifindo loMtshado, umtshado wenu kawusoze ukhululwe muntu, uze uchithwe yikufa komunye wenu. Angithi liyakuqedisisa lokhu na? Y./L. Yebo, siyakuqedisisa. AMASAKRAMENTE 161 P. Njengoba uNkulunkulu wadala indodanye lomfazi munye, wabenza baba nyamanye, ukuthatha umfazi wesibili loba ukwendela kwenye indoda umkakho esaphila kuphambene lomlayo kaNkulunkulu. Angithi liyakwazi lokho kuhle na? Y./L. Yebo, siyakwazi. P. Lizimisele ukugcina izibopho zoMtshado lokuhlala lithandana, lingumzimba munye lize lehlukaniswe yikufa na? Y./L. Yebo, sizimisele. P. Lina Bandla elilapha, lani zinini labangane babo, lizwile ukuthembisa kwabo na? B. Yebo, sizwile. P. (Kumyeni): Wena ..., uzikhethele ngentando yakho ukutshada lo... olapha, kumbe usiselelwe na? Y. Ngizikhethele. P. (Kumlobokazi): Wena ..., uzithandele yini ukutshada lo... olapha kumbe usiselelwe na? L. Ngizithandele. Izifungo zabatshadayo: P. Njengoba selivumile ukuhlanganiswa, tshengisani ukuzinikela kwenu ngokuhlanganisa izandla zenu zokunene, lenze izifungo zenu phambi kukaNkulunkulu leBandla lakhe. (Besebebambana izandla). Umyeni: Mina..... ngiyathathana lawe ..... ube ngumkami. Ngiyakuthembisa ukuthi ngizakuba qotho kuwe ekuthokozeni lasekuhluphekeni, ekunotheni lasebuyangeni, ekuguleni lasempilweni enhle. Ngizakuthanda ngikuhloniphe ekuphileni kwami konke. AMASAKRAMENTE 162 Umlobokazi: Mina ..... ngiyathathana lawe.... ube ngumkami. Ngiyakuthembisa ukuthi ngizakuba qotho kuwe ekuthokozeni lasekuhluphekeni, ekunotheni lasebuyangeni, ekuguleni lasempilweni enhle. Ngizakuthanda ngikuhloniphe ekuphileni kwami konke. P. Bazalwane abathandekayo, selisenzile isifungo senu esokuthathana phambi kukaNkulunkulu leBandla lakhe. Sengathi iNkosi ngokulunga kwayo ingaqinisa isifungo senu lothando lwenu, ilibusise ngezibusiso zayo ezinengi. Lokho uNkulunkulu akuhlanganisileyo kakungahlukaniswa muntu. Ngebizo likaYise, + leleNdodana, lelikaMoya oNgcwele. Y./L. Amen. Ukubusiswa kwendandatho: P. Sengathi iNkosi ingabusisa lezindandatho elizinikanayo njengesibonakaliso sokuthandana lokuthembana kwenu. Ngebizo likaYise, + leleNdodana, lelikaMoya oNgcwele. Y./L. Amen. Ukugqokisana indandatho: Y. Yamukela indandatho le eyisibonakaliso sothando lokuthembeka kwami. Ngebizo likaYise, + lele- Ndodana, lelikaMoya oNgcwele. (Umlobokazi angenise indandatho emunweni wesibili wenxele). L. Yamukela indandatho le eyisibonakaliso sothando lokuthembeka kwami. Ngebizo likaYise, + lele- Ndodana, lelikaMoya oNgcwele. (Umyeni angenise indandatho emunweni wakhe wesibili wenxele.) AMASAKRAMENTE 163 Umkhuleko emva kukaBaba wethu: P. Bazalwane abathandekayo, uNkulunkulu uBaba, uMdali wabantu, wenza ukuba indoda yokuqala lomfazi wokuqala babe nyamanye, bathandane, bakhe umuzi. Kusukela ngalesosikhathi kuze kube lamhla uyababusisa abatshadayo. Ukuthandana kwabo lokuba muntu munye kwabo kuyinto engcwele, esiyifanisa lokuthandana kuka- Kristu leBandla lakhe. Bazalwane abathandekayo, kasiceleni uNkulunkulu ukuba abusise abatshadileyo laba, bahlale bethandana empilweni yabo yonke (beqiniswa nguMzimba leGazi likaJesu Kristu asebezawamukela). Abesebusisa umyeni, esithi: P. Nkulunkulu Baba, mlondoloze kokuphela umntanakho lo u... umbusise athandane lomkakhe ngeqiniso, amthembe, akwazi ukuthi laye ungumntanakho njengaye, amphathe ngendlela elungileyo, amthande njengoKristu ethanda iBandla lakhe. Abesebusisa umlobokazi, esithi: P. Nkulunkulu Baba, mlondoloze kokuphela umntanakho lo u..., umbusise abe ngumama othandana lomkakhe, ahlalisane laye ngesihle. Msize ukuba abe ngumama oqotho, olungileyo njengoSara loRuthe loAnna, labanye omama abalapha, abenza imisebenzi ekuthokozisayo. Abesebabusisa bobabili, esithi: P. Basize, Baba, abantwabakho laba, ukuba bagcine imilayo yakho. Yenza ukuba babe ngamakholwa aqinileyo; babe ndodanye lomfazi munye. Baphe izifiso zokulazisisa ibizo lakho, lokudonsela abanye kuwe ngesibonelo sabo esihle. (Baphe inzalo, ubasize babe ngabazali abondla abantwababo ngendlela elungileyo) Yenza ukuba lapho isikhathi sabo sokusuka kulumhlaba sesifikile, bazethokoza lawe ezulwini, labangcwele bonke kuze kube lanini. Amen. Sacrament of Holy Orders UBUPRISTI Ingcazelo: EBandleni eliKhatholika ubupristi bulezigaba ezintathu: Ububhishopi yibupristi obugcweleyo. Ababhishopi balamandla avela kubaphostoli. Ababhishopi bangabaphathi beBandla eliKhatholika bekanye loPhapha umlandeli kaPhetro uPhapha wokuqala. Abapristi bangabancedisi bababhishopi, balamandla okwamukelisa wonke amaSakramente ngaphandle kwelobupristi. Abadikoni basesigabeni sesithathu sobupristi basiza ababhishopi labapristi. Balamandla okubhabhathiza lokutshumayela, lokubusisa, lokungcwaba abantu, lokwamukelisa iSidlo esiNgcwele lokutshadisa. Uhlelo lokumiswa kompristi. 1. Ogcotshwayo uyabizwa. 2. Uyethulwa ngomunye wabapristi kumbhishopi. 3. Uyemukelwa ngumbhishopi. 4. Umbhishopi umlaya ngemisebenzi yobupristi 5. Uyahlolwa ngokuzimisela kwakhe ukwenza imisebenzi yobupristi. 6. Uyathembisa ukulalela umbhishopi. 7. Uyacambalala akhulekelwe iLithani labangcwele. 8. Ubekwa izandla ekhanda ngumbhishopi labapristi bonke. 9. Uyamiswa ubupristi ngomkhuleko omkhulu wokumisa abapristi okhulekwa ngumbhishopi. 10. Ugqokiswa izembatho zobupristi. 11. Uyagcotshwa izandla ngamafutha eKrizima. 12. Uphathiswa isinkwa lewayini okutshengisa amandla okwenza iMisa. 13. Uyasingathwa yibo bonke abapristi besithi kuye: “Ukuthula kakube lawe.” AMASAKRAMENTE 165 IZINKONZO A. Uhlelo lwenkonzo yesigaba (Section; Outstation) 1. Ingoma yokuvula. 2. Ukubingelelwa komphakathi; lenjongo yomthandazo. 3. Ukuzisola ngezono. 4. Umkhuleko wokuvula. 5. Isifundo. 6. Ingcazelo, intshumayelo loba ukwabelana ilizwi likaNkulunkulu. 7. Ingoma. 8. Izikhalazo, Baba wethu; umkhuleko wokuvala. 9. Imibiko. 10. Ingoma yokuphuma. B. Amanyathelo ayisikhombisa okukhuleka sisebenzisa ibhayibhili (Lumko 7 steps Method) 1. Siyanxusa iNkosi ukuba ibe lathi kulumkhuleko Sicela omunye asinxusele uJesu ukuthi abe phakathi kwethu. 2. Siyabala isifundo ebhayibhilini EBhayibhilini; asivuleni ku... isahluko...Omunye kasibalele indima kusukela ku... kusiya ku... Omunye kasibalele njalo ngokwesibili (ngokwesithathu). 3. Siyaqamba amazwi asithintileyo, sicabange ngawo Siyaqamba amazwi kumbe imitsho emifitshane esithintileyo enhliziyweni zethu. Siyayibala kakhulu siyitsho, sikhuleka enhliziyweni zethu. Ibala linye siliphinde kathathu, kusiba lokuthula phakathi kokuphinda kwethu lelo lalelo bala. IZINKONZO 166 4. Siyapha uNkulunkulu ithuba lokuthi akhulume kithi, sithule Siyathula okwemizuzu emibili (emithathu, emine, emihlanu) siphe uNkulunkulu ithuba lokuthi akhulume kithi, simlalele. 5. Siyabelana esikuzwileyo enhliziyweni zethu Yiliphi ibala elikuhlabileyo loba elikuthintileyo? Asiphikisani, njalo asitshumayeli. Lowo lalowo ukhangela ukuthi yiliphi ibala elimhlabileyo, kumbe iLizwi leNkosi lithini kuye. (Asikhulumi ngokuthi iLizwi lithini kwabanye abantu ngoba uma sisenza lokho sesitshumayela). Singabelana ngezinye indlela ebesiphila ngazo ngokholo. (Ngingabelana labanye ngokunye engakwenzelwa nguNkulunkulu empilweni yami, loba into engayibonayo kwabanye mayelana lokuphila okuhambelana lalokho esikuzwe elizwini leNkosi). Asibambi ngamandla ukuba abantu bakhulume. 6. Siyaxoxisana ngezinto eziqondane lempilo yethu langemisebenzi engenziwa yithi sibambene Siyabelana ngesakwenza ngesikhathi esedlulayo. Yiwuphi umsebenzi omutsha esingawenza? Ngobani abazakwenza umsebenzi othile njalo bazawenza nini? 7. Siyakhuleka ndawonye Abantu abathile benza imithandazo yabo yekhanda kumbe izikhalazo. Ekucineni siyenza umthandazo ojwayelekileyo kumbe sihlabele ingoma. IZINKONZO 167 C. Ukukhuleka sisebenzisa imibhalo engcwele (Lectio Divina) Endulo, lindlela yokukhuleka sisebenzisa imibhalo engcwele yayisetshenziswa yizidelamhlaba ezazibizwa ngokuthi ngama-Monks. Lamhlanje iBandla likhuthaza amakholwa onke ukusebenzisa lindlela yokulalelisisa iLizwi likaNkulunkulu ngendlela ejulileyo. “Ngokunjalo, ilizwi liseduze lani, lasemilonyeni yenu lenhliziyweni zenu ukuba liligcine” (Dute 30,14). Indlela le yakhelwe phezu kwamanyathelo amahlanu: Isingeniso: Siqala ngengoma besekulandela umkhuleko wokuvula, sizibeka phambi kukaNkulunkulu sicele umoya wokulalela isifundo esithethwe eBhayibhilini. Inyathelo lokuqala. Siyabala (Read) Umkhokheli: Ngicela omunye wethu asibalele isifundo esisithatha ku... iSahluko... indima... (Obalayo kangasijahi lesisifundo. Imibuzo: UJesu uthini kimi ngalesisifundo na? Yiwuphi umbiko oqakathekileyo engiwufumanayo kulesisifundo na?) (Asithuleni okwesikhatshana) Ngicela njalo omunye asibalele lesisifundo. Inyathelo lesibili: Siyazindla (Meditation) Umkhokheli: Asicabangisiseni ngokujulileyo ngamazwi angcwele esisanda kuwabala. (Imibuzo: Ngiyawamukela yini wonke amazwi la empilweni yami na? Amazwi la alendawo yini empilweni yami na? Yiliphi icebo uNkulunkulu alalo kimi na?) (Asithuleni okwesikhatshana) Inyathelo lesithathu: Siyakhuleka (Pray) Umkhokheli: Njengoba sesilazi icebo likaNkulunkulu, siyakhuleka ngokuthula sisamukela amazwi kaNkulunkulu enhliziyweni zethu. (Lesi yisikhathi sokuba simdumise uNkulunkulu, loba simbonge, loba silethe izikhalazo zethu kuye kumbe sizisole ngezono zethu.) IZINKONZO 168 Inyathelo lesine: Ukunakana ngokuthula (Contemplation) Umkhokheli: Asinikeni uNkulunkulu ithuba lokukhuluma enhliziyweni zethu. Asithuleni okwemizuzu ethile. (Khathesi sesiqalisa ukubona ibizelo lethu ngendlela entsha kaNkulunkulu. Yisikhathi sokumvumela uNkulunkulu ukuguqula impilo yethu kube nguye osebenzayo phakathi kwayo). (Asithuleni okwesikhatshana) Inyathelo lesihlanu: Ukuthunywa (Missio) Umkhokheli: Emva kokuba sesilibalile iLizwi likaNkulunkulu, sazindla, sicabangisisa ngokujulileyo ngalo, sakhuleka ngalo, sanakanisisa ngalo ngokuthula, asimvumeleni uNkulunkulu ukuba asithume ukwenza lokho afuna ukuba sikwenze empilweni yethu. Mhlawumbe uyasithuma ukuba siye batshumayeza abanye ilizwi lakhe ukuze labo bamsebenzele. Umkhuleko wokuvala: Asivaleni umthandazo wethu walamhla ngokukhuleka sisithi: (Baba wethu.. Ekuhle Mariya.. Udumo... Ingoma.) The Holy Mass INKONZO YEBANDLA NXA UMPRISTI ENGEKHO ISIGABA SOKULUNGISELELA Ingoma yokungena Isibonakaliso sesiphambano K. Ngebizo likaYise, + leleNdodana, lelikaMoya oNgcwele. B. Amen. Ukubingelela K. Ukuthula kweNkosi yethu uJesu Kristu akube lani lonke. B. Kakube lawe njalo. Isingeniso K. Bazalwane, kulinkonzo injongo yethu yiku... Ukuvuma izono K. Ngakhoke asizisoleni ngezono zethu, sicele uNkulunkulu asithethelele. (Siyathula kancane sizihlolisise ngezono zethu) B. Ngiyavuma kuNkulunkulu, uMninimandla wonke, lakini bazalwane, ukuthi ngonile kakhulu ngokucabanga langokukhuluma, langokwenza langephutha ngecala lami, ngecala lami, ngecala lami elinzima kakhulu sibili. Ngakhoke ngiyancenga uMariya obusisiweyo, oliVirigo kokuphela, lezithunywa zonke zasezulwini, labangcwele bonke, lani bazalwane, ukuba lingikhulekele eNkosini uNkulunkulu wethu. Amen. IZINKONZO 170 Intethelelo K. UNkulunkulu uMninimandla wonke, akasihawukele, asithethelele izono zethu, asiphe ukuphila okulaphakade. Amen. Ukucela umusa K. Nkosi, sihawukele; B. Nkosi, sihawukele. K. Kristu, sihawukele; B. Kristu, sihawukele. K. Nkosi, sihawukele; B. Nkosi, sihawukele. Ukudumisa uNkulunkulu Udumo kalube kuNkulunkulu kweliphezulu. Kube lokuthula emhlabeni ebantwini bakhe, Nkosi Nkulunkulu, Nkosi yasezulwini, Nkulunkulu Baba Somandla, siyakubabaza, siyakwazisa, siyakuguqela, siyakudumisa, siyakubonga ngenxa yobukhosi bakho obukhulu. Nkosi, Jesu Kristu, Ndodana ezelwe yodwa, Nkosi Nkulunkulu, Mvana kaNkulunkulu, Ndodana kaNkulunkulu uYise. Wena osusa izono zomhlaba, sihawukele. Wena ohlezi kwesokunene sikaYihlo, zwana ukukhala kwethu. Ngoba nguwe wedwa oNgcwele. Nguwe wedwa oyiNkosi. Nguwe wedwa onguPhezukonke, wena Jesu Kristu; undawonye loMoya oNgcwele, ebukhosini bukaNkulunkulu uBaba. Amen. Umkhuleko wokuvula K. Kasikhulekeni: Nkulunkulu Baba Somandla, wena ungumkhokheli lomvikeli wabantu bakho, akusenze sihloniphe ibizo lakho ngokupheleleyo; usigcine sisothandweni lwakho kokuphela. Sicela ngoKristu iNkosi yethu. B. Amen. IZINKONZO 171 ISIGABA SELIZWI LIKANKULUNKULU Ingoma Isifundo sokuqala K. Zwanini ilizwi likaNkulunkulu encwadini ... K. Yiwola amazwi eNkosi. B. Kabongwe uNkulunkulu. IUmkhuleko weHubo... Isifundo sesibili K. Zwanini ilizwi likaNkulunkulu encwadini ... K. Yiwola amazwi eNkosi. B. Kabongwe uNkulunkulu. Ingoma yeAleluya IVangeli P. INkosi kayibe lani. B. Kayibe lawe njalo. P. Zwanini iVangeli elingcwele likaJesu Kristu njengoba libhalwe ngu... B. Udumo kalube kuwe Nkosi Jesu Kristu. P. Yiwola amazwi eVangeli elingcwele. B. Kadunyiswe uJesu Kristu. Intshumayelo IZINKONZO 172 UMvumukholo wabaphostoli K: Asivumeni ukholo lwethu: Ngiyakholwa kuNkulunkulu, uYise uMninimandla wonke, uMdali wezulu lomhlaba, lakuJesu Kristu, iNdodana yakhe eyodwa, iNkosi yethu; owemulwa ngamandla kaMoya oNgcwele, wazalwa liVirigo uMariya; wahlutshwa ekubuseni kukaPhonsiyo Philathu; wabethelwa esiphambanweni, wafa, wangcwatshwa, wehla waya kwabafileyo. Ngelanga lesithathu wabuya wavuka ekufeni, wenyuka waya ezulwini. Uhlezi esandleni sokunene sikaYise, lapho azavela khona ezothetha amacala abaphilayo labafileyo. Ngiyakholwa kuMoya oNgcwele, iBandla elingcwele eliKhatholika, ukumanyana kwabangcwele, ukuthethelelwa kwezono, ukuvuka komzimba ekufeni, lokuphila okulaphakade. Amen. Izikhalazo K. Nkosi Nkulunkulu Baba,... Nkosi silalele B. Nkosi, silalele ngomusa. K. Lethani izikhalazo zenu eNkosini. K. Nkosi Jesu Kristu, wena owathi konke elikucela kuBaba ngebizo lami, kholwani ukuthi uzalipha khona. Sicela usifikisele umkhuleko wethu lo kuNkulunkulu uBaba yena ohlala ebusa kanye lawe kuze kube laphakade. Amen. IZINKONZO 173 ISIGABA SOKULETHA IZIPHO Ingoma yomnikelo Umkhuleko wokwamukela umnikelo K. Nkulunkulu Baba, siyazinikela kuwe njengeNdodana yakho eyanikela impilo yayo kuwe esiphambanweni. Sinikela impilo yethu, ukuthaba lokuhlupheka kwethu, abantwabethu lamasimu ethu, imizi lezifuyo zethu, lakho konke esilakho. Kwamukele Baba, ubusise umnikelo wethu lo, usikhokhelele ekuphileni okungapheliyo. Sicela kuwe, wena ophila ubusa kuze kube laphakade. Amen. ISIGABA SOMKHULEKO OMKHULU WOKUBONGA (Singenza eyethu imikhukelo yokubonga kumbe sikhethe omunye walimikhuleko emine): A; ikhasi 177. B; ikhasi 178. C; ikhasi 179. D; ikhasi 180. UNgcwele B. UNgcwele, uNgcwele, uNgcwele, Nkosi Nkulunkulu wamaxuku! Izulu lomhlaba kugcwele ubukhosi bakho. Hosana kweliphezulu! Ubusisiwe ozayo ebizweni leNkosi. Hosana kweliphezulu! K. Singenza umkhuleko ohambelana lenjongo yeNkonzo yethu yalelolanga Ingoma (Ngalesisikhathi nxa kuleSidlo esiNgcwele esontweni siyalethwa eAlithareni) IZINKONZO 174 Umkhuleko weNkosi K. Kasikhulekeni ngokuthemba kuBaba ngamazwi uMsindisi wethu asilaya wona sithi: Baba wethu osezulwini, alidunyiswe ibizo lakho, awuze umbuso wakho, intando yakho kayenziwe emhlabeni njengasezulwini. Sipha lamhla ukudla kwethu okwansuku zonke; usixolele izono zethu, njengalokhu lathi sibaxolela abasonayo thina. Ungasingenisi ekulingweni, kodwa usisindise ekubini. Ukucela ukuvikelwa ebubini K. Sisindise Nkosi ebubini bonke, usiphe ukuthula ngalezinsuku zethu. Sisize ngesihawu sakho, usikhulule emandleni esono, usivikele enkathazweni zonke lapho sisalindele ngethemba langenjabulo ukuza koMsindisi wethu uJesu Kristu. B. Ngoba umbuso ungowakho, lamandla, lobukhosi, kuze kube lanini. Ukucela ukuthula K. Nkosi Jesu Kristu wena owathi kubaPhostoli bakho: Ngilitshiyela ukuthula ngilipha ukuthula kwami. Ungakhangeli izono zethu, kodwa khangela ukukholwa kweBandla lakho, usiphe ukuthula lokumanyana kwasembusweni wakho, lapho ohlezi khona ubusa kuze kube laphakade. Amen. K. Ukuthula kweNkosi kakube lani kokuphela. B. Kakube lawe njalo. K. Bazalwane, kasitshengiseni ukuthandana lokuxolelana kwethu ngokuxhawulana. IZINKONZO 175 Oxhawulayo: Ukuthula kakube kuwe! Oxhawulwayo: Kakube lawe njalo. Nxa kuleSidlo esiNgcwele, owemukelisayo ulungiselela ukwamukelisa Mvana kaNkulunkulu, simenza nxa kuleSidlo esiNgcwele kuphela Mvana kaNkulunkulu, wena osusa izono zomhlaba; Sihawukele. Mvana kaNkulunkulu, wena osusa izono zomhlaba; Sihawukele. Mvana kaNkulunkulu, wena osusa izono zomhlaba; Siphe ukuthula. Ukwamukela K. Khangelani, nansi iMvana kaNkulunkulu, yona esusa izono zomhlaba! Babusisiwe labo ababiziweyo eSidlweni seNkosi. B. Nkosi kangifanele ukuba ngikwamukele, khuluma ilizwi lodwa kusile umphefumulo wami. P. UKristu. K. Amen. Ngemva kokwamukela siyathula kancance sixoxe loJesu Kristu Ingoma yeSidlo esiNgcwele Isiphetho senkonzo K. Kasikhulekeni. Nkulunkulu Baba, siyabonga isipho sempilo lesokholo. Qeda kithi umoya wobugwala, singesabi ukuze singathandabuzi ukufakaza ilizwi lakho emphakathini. Angathi singamelana lokweyiswa, lokusolwa, sikwazise ebantwini bonke. Sicela ngoKristu iNkosi yethu. Amen. IZINKONZO 176 Imibiko Isibusiso K. Amandla kaNkulunkulu uBaba, lothando lweNkosi yethu uJesu Kristu, onguye owadela ukuphila kwakhe ngenxa yethu ukuze sisindiswe ezonweni zethu, lenlimi zikaMoya oNgcwele, kakube lathi kusiphelekezele endleleni zethu zonke. Amen. Kusenze sitshisekele ukholo lwethu, sifanele ukubizwa kwethu njengamakholwa, labalandeli abaqotho bakaKristu. Senze intando yeNkosi yethu emisebenzini yethu, lasekukhulumeni, lasekukhulekeni kwethu, engqondweni zethu lasekwenzeni kwethu, impilo yethu yonke ibe yimpilo yobuKristu. Amen. Angathi isibusiso sikaNkulunkulu olamandla wonke, esikaBaba, + leseNdodana lesikaMoya oNgcwele singehlela phezu kwethu sihlale lathi kokuphela, kuze kube laphakade. Amen. Ukuvalelisa K. Asihambeni othandweni lweNkosi, siyithande, siyisebenzele sifanele ukubizwa kwethu njengamaKristu. B. Kabongwe uNkulunkulu. Ingoma yokuphuma IZINKONZO 177 UKUBONGA LOKUDUMISA UNKULUNKULU (A) K. Kasibongeni uNkulunkulu, ngoba ulungile. B. Uthando lwakhe olungapheliyo lumi kuze kube nininini. K. Nkulunkulu Baba, siyakubonga ngalumhlaba owasipha wona. Siyakubonga ngemifula, lamasimu, lezintaba, lakho konke okukikho. Siyakubonga ngezifuyo, lezithelo zezihlahla, lamabele osipha wona. Siyakubonga ngakho konke okugcwele umhlaba okusisizayo. B. Udumo alube kuwe Nkulunkulu kweliphezulu. K. Wadala abantu bonke ngomfanekiso wakho. Omunye lomunye wethu ufuze wena: Siludiwo olufuz’imbiza ngenxa yokusithanda kwakho. Ngakhoke siyakubonga sikudumisa sisithi: - Udumo... K. Kawuthandi ukuba buqamama lathi. UMose wasidalulela ukusithanda kwakho, wasambulela izimangaliso zokubakhona kwakho phakathi kwethu. Ngakhoke siyakubonga sikudumisa sisithi: - Udumo... K. Kodwa ukuzimanyanisa kwakho lathi kwadalulwa kakhulu yikuzenza kwakho umuntu, ngeNdodana yakho. Ngayo iNdodana yakho wadla, wahamba, wahlala lathi. Ngakhoke siyakubonga sikudumisa sisithi: - Udumo... K. Ngokufa langokuvuka kweNdodana yakho wasinika impilo entsha, wasimanyanisa lawe, wasenza saphila kuwe leNdodana yakho loMoya oNgcwele. Ngakho-ke siyakubonga sikudumisa sisithi: - Udumo... K. Ngakho sihlanganyela lamakholwa asemhlabeni wonke akhulekayo lamhla, labangcwele bonke abasezulwini sisithi: - B. UNgcwele, uNgcwele, uNgcwele Nkosi... IZINKONZO 178 UKUBONGA LOKUDUMISA UNKULUNKULU (B) K. Kasibongeni uNkulunkulu, ngoba ulungile. B. Uthando lwakhe olungapheliyo lumi kuze kube nininini. K. Bayethe, Nkosi, Nkulunkulu wamaxuku! UyiNgobamakhosi, thina siyizichaka zakho. Kodwa wasidalela ukuhlala lawe entokozweni yakho engapheliyo, wasithumela uKristu ukuba asivulele indlela eza kuwe. B. Siyakubabaza, siyakudumisa, siyakubonga, Nkulunkulu Baba. K. Wasenza saba yimuli emhlabeni wonke, ngenxa yokusithanda kwakho. Siyakubonga ngabazali abasizalayo, lezinini, labangane abasenzela okuhle. Siyakubonga ngokuthandana lokuxolelana owakufaka phakathi kwethu, sisitsho ngelizwi linye sisithi: - Siyakubabaza... K. Wasinika amandla okucabanga lokuzikhethela esikuthandayo, lokusekela abendlu yethu, labomakhelwana, lokusebenzisa izinto zalumhlaba ezisisizayo, lokuphisekela ukufinyelela ekuphileni okulaphakade. Ngakho-ke siyakubonga sikudumisa, Nkulunkulu Baba. - Siyakubabaza... K. Nguwe owahlela ukuba sibe luhlanga lunye emhlabeni munye. Nguwe ofunzelela umoya wokuzwana lokuthandana phakathi kwabantu, lokuphathwa kwabo ngokufanayo. Ngakho-ke, siyakubonga sikudumisa Nkulunkulu Baba. - Siyakubabaza... K. Nguwe owasibizela eBandleni lakho elingcwele, wasenza saba njengezandla ezigezanayo, wasambulela ukujula kothando lwakho kubantu bonke, wasenza saba ngofakazi bombuso wakho opheleleyo. Ngakho-ke, siyakubonga sikudumisa Nkulunkulu Baba. - Siyakubabaza... IZINKONZO 179 K. Ngakho-ke sihlanganyela labangcwele abasezulwini labakhokheli beBandla lakho, lamakholwa onke, labo bonke abakukhonzayo sisithi: - B. UNgcwele, uNgcwele, uNgcwele Nkosi... UKUBONGA LOKUDUMISA UNKULUNKULU (C) K. Kasibongeni uNkulunkulu, ngoba ulungile. B. Uthando lwakhe olungapheliyo lumi kuze kube nininini. K. Simangaliswa yikho konke owakudalayo, Nkosi, sinkema imilomo sikhumbula umusa lokulunga kwakho. Simakade, sihube ndawonye sisithi: B. Siyakubonga sikudumisa, Nkosi, siyakubonga sikudumisa! K. Amanzi athambisa umhlaba uthele, izikhathi lomkhathi kuvuselela impilo yethu, ngalokhu siyakubonga sikudumisa, Nkosi, siyakubonga sikudumisa. - Siyakubonga... K. Inhlanyelo iyahlanyelwa ife, kodwa ivuka ekufeni, imile, ifakaze kithi sonke, ukuthi lathi sizakufa sibuye sivuke. Ngalokhu siyakubonga sikudumisa! - Siyakubonga... K. Imisebenzi yabantu bakho bonke eyenza ukuba umhlaba uveze ukudla lezithelo, siyinikela kuwe, kanye loMnikelo omutsha kaKristu, sisithi: - Siyakubonga... K. Nguwe owasinika amandla okunqoba ubunzima esabunqobayo; nguwe owasiphephisa ezingozini ezazisizingelezile; nguwe owasophula ezindlaleni, lasemikhuhlaneni, ngakho-ke, siyakubonga sikudumisa! - Siyakubonga... K. Siyakuhubela ngentokozo ihubo elitsho okudaliweyo konke, sikanye leBandla lakho elilihubayo lelohubo, sikhuleka ngokuthemba kuwe Baba, sisithi: UNgcwele, uNgcwele uNgcwele Nkosi... IZINKONZO 180 UKUBONGA LOKUDUMISA UNKULUNKULU (D) K. Kasibongeni uNkulunkulu, ngoba ulungile. B. Uthando lwakhe olungapheliyo lumi kuze kube nininini. K. Siyakubonga ngenhliziyo zethu zonke, Nkulunkulu Baba, siyakubabaza, siyakwazisa, ngokuthumela uMoya oNgcwele enhliziyweni zabantu bakho. B. Thumela uMoya wakho oNgcwele enhliziyweni zabantu bakho. K. UMoya wakho usikhupha kwezomhlaba, usenyusela kwezaphezulu, simangaliswe yizimangaliso zakho. - Thumela... K. UMoya wakho oNgcwele uyasivuselela, asenze silungisele umbuso wakho; ngaye usibonisa uthando lwakho olumangalisayo, umanyanise abantu bakho babe munye. - Thumela... K. Sihlangene lapha ukuze siqinisane, sinqobe amandla obumnyama ngamandla kaKristu ovukileyo, sibe lethemba elitsha lempilo entsha kuye. - Thumela... K. Ngalokhuke, sikanye leBandla lonke, eliyilona elifakaza izimangaliso zothando lwakho kubantu bonke, ndawonye labangcwele bonke, ababetshumayela iVangeli emazweni wonke, sithi: B. UNgcwele, uNgcwele, uNgcwele Nkosi... The contents of this webpage are licensed under a Creative Commons Attribution 3.0 License. (this is the bottom of page)