The Madonna of the Streets
Mary's Rosaries

Home Page

Contact Us

Make a Payment, Methods of Payment, Refund and Exchange Policies

Rosaries
subpages:

How to Pray the Rosary
subpages:

Pictures Main Page
subpages:

Curriculum
subpages:

Website Terms of Use

License Agreement

Sitemap


The Work of God's Children

 

 Konkani (Mangalorean) Rosary Prayers
This language is a blend of Mangalorean and Goan Konkani.

This language is spoken by people in the Mangalore Diocese (South Canara district) on the southwestern coast of India.

See also The Work of God's Children page for the illustrated version of prayers in this language.

CHALLIS KONKNNI MAGNNIM (40 KONKANI PRAYERS)


1. KHURSACHO GHURT
Bapache, + | ani Putache, | ani Povitr Otmeache Nanvim. | Amen.

2. SANTA KHURSACHI KHURU / Sign of the Cross / Signum crucis
Santa Khursache + khurven, | nivar amkam + amchea Deva, | amchea +
dusmanantlem.
Bapache, + | ani Putache, | ani Povitr Otmeache Nanvim. | Amen.

3. ONOND BAPAK / Glory Be / Gloria Patri
Onond Bapak, | ani Putak, | ani Povitr Otmeak; zoso adim, | tosoch atam,
| ani sodam sorvotam. | Amen.

4. SOMIACHEM MAGNNEM / Our Father / Pater Noster
Amchea Bapa, sorgincha, | Tujem Nanv povitr zanv, | Tujem raz amkam
ienv, | Tuji khuxi sorgar zata, | toxi sonvsarant zanv.
Amcho dispotto gras aiz amkam di, | ani ami amcher chukleleank
bhogsitanv, | toxem amchim patkam bhogos. | Ani amkam tallnnet poddonk
dinv naka, | punn vaittantlim amkam nivar. | Amen.


5. BHODDVEACHO NOMAN / Hail Mary / Ave Maria
Noman Morie, kurpen bhorul’le, | Somi tuje sangata, |striiam bhitor tum
sodenv, |ani sodenvi foll, tuje kuxichem, | Jezu.

Santa Morie, Devache Maie, | ama papiiam khatir vinoti kor, | atam ani
amchea mornache kallim. | Amen.



6. APOSTOLANCHIM SOTMAN’TAM
Sotman’tam Devak, | Sorv-podvedara Bapak, | sorga ani prithumichea Rochnarak; |
ani Jezu Kristak, | Tacha ekleach Putak, amchea Somiak. | To Povitr
Otmea vorvim gorbhim sombhovlo, | Anvkvar Morie thavn zolmalo. | Pons
Pilata khal Tannem koxtt sosle, | Taka Khursar zoddlo, To melo, ani Taka
nikepilo. | To mel’leam modhem denvlo, | Tisrea disa mel'leantlo jivont
zalo. | Sorgar choddlo, Sorv- podvedar Deva Bapachea ujveak bosla. |
Thoim thavn jiveam ani mel’leanchi mun’subi korunk ietolo.
Sotman’tam Povitr Otmeak, | Katholik Povitr Sobhek, | bhoktancho ektar,
| patkanchem bhogsonnem, | kuddichem jivontponn, | sasnnachem jivit. |
Amen.



7. BHAVARTHACHEM VIDHAN
Eh mhojea Deva, | Tum sorv Sotevont, | Tujean fottounk nozo; | Tum sorv
Zannar, Tujean fottvon poddonk nozo. | Dekun, Bhagevont Igorzmate
marifat, | Tunvem xikounchim sorv sotam, | hanv thir sotman’tam.



8. BHORVONSEACHEM VIDHAN
Eh mhojea Deva, Tum sorv Podvedar ani Kakulldar, | ani Tujem Utor Tum
palltai. | Dekun, hea sonvsarant, | mhojea patkanchem bogsannem, | bori
jinni jiieunk Tuji Kurpa, | ani melea uprant sorginchem sukh, | Tum
mhaka ditoloi mhonn, | Tujer hanv thir bhorvonso dovortam.



9. MOGACHEM VIDHAN
Eh mhojea Deva, | Tum sorv boro, | ani sorv mog Tuka favo. | Dekun,
sogllea mhojea kallzan, | ani somestim vostum pras chodd, | hanv Tuzo
mog kortam. Tujea moga pasot, | mhozo hanvem kel’lea bori, | peleacho-i
hanv mog kortam, | ani mhaka dukhoil’leank bhogsitam.



10. DUKHICHEM VIDHAN
Eh mhojea Deva, | hanvem vaitt adharun ani borem soddun kel’lim, | sorv
mhojim patkam hanv roddtam, | ani tanchem bhogsannem magtam. | Kiteak
tanche vorvim, | Tuji kotthinn xikxa mhaka favo zali, | ani mhojea
mogalla, Soddvonndarak, | Jezu Kristak, | hanvem Khursar marlo, | ani
bhov korun, | Tuka, itlea borea, | ani sorv mog favo zal’lea Devak, |
hanvem okman kelo.

Tuje Kurpen, | ani mukhar patok korina mhonn, | mhojea patkam khatir
prachit kortolom mhonn, | ani patkanche somoie chukoitam mhonn, |
khonddit nichev monant dhortam. | Amchea Somia Jezu Kristacha, |
koxttam ani mornachea puneam vorvim, | Sorvespora mhoji kakut kor.



11. AVMORI / The Angelus

Eklo: Somiachea bhoddvean Moriek izbi haddli,
Sorv: Ani Povitr Otmea vorvim ti gorbhest zali.
Noman Morie...

Eklo: Obhlle! Somiachi chakorn,
Sorv: Tujea Sobda pormannem, | mhoje thoim zanv.
Noman Morie...

Eklo: Ani Devacho Put monis zalo,
Sorv: Ani amche modhem jielo.
Noman Morie...

Eklo: Bhagevonti Devache Maie, | ama pasot vinoti kor,
Sorv: Kristachea bhasavnneank ami favo zaunche khatir.

PRARTHUM-IAM
Eh Somia, |bhoddveache izbe vorvim Tujea Putan, | Kristan, | mon’xaponn
ghetul’lem ami zannam zaleanv: | Tacha koxttam ani Khursa vorvim, |
jivontponnachea onondak ami pavaxem, | Tuji Kurpa amchea ontoskornamni
vot mhonn, | ami magtanv, | teach Krista amchea Somia marifat. | Amen.
Onond Bapak... (3)



12. SORGACHE RANNIE / Regina Caeli
(Paskanchea kallar / After Easter)

Eklo: Sorgache Rannie, ul’las pav, | Sorvesporak zoi, zoi ! (Al'leluia)
Sorv: Kiteak zaka tum vavovnk favo zal’li-i, | Sorvesporak zoi, zoi !
(Al'leluia)

Eklo: To Apnnem sangul’lea bori jivont zala, | Sorvesporak zoi, zoi !
(Al'leluia)
Sorv: Ama pasot Deva lagim mag, | Sorvesporak zoi, zoi ! (Al'leluia)

Eklo: Sontos ani ul’las pav, | Anvkvari Morie, | Sorvesporak zoi, zoi !
(Al'leluia)
Sorv: Kiteak Somi khoroch jivont zala, | Sorvesporak zoi, zoi !
(Al'leluia)

PRARTHUM-IAM
Eh Deva, | Tujea Puta amchea Somia Jezu Kristachea jivontponna vorvim, |
sonvsar sontosaunk Tunvem doia keli-I; | Tache Maie, Anvkvar Morie
marifat, |sasnnache jinniecho sontos, | amkam labhaso kor mhonn ami
magtanv. | Teach Krista, | amcha Somia marifat. | Amen.



13. RAKONN BHODDVEAK MAGNNEM
Deva gelea bhoddvea, | mhojea raknnea, | sorginche doien mhaka dila tuje
taben, | mhoji mot uzvaddai, | mhaka rak, samball ani choloi. | Amen.



14. SORUL'LEA BHAVARTHEAM PASOT MAGNNEM
Sasnnacho vixev di tankam eh Somia, | ani nirontor prokas tancher
fankondi. | Somadhanant te vixev ghevundit. | Amen.



15. MHOJEA DEVA
Mhojea Deva, mhojea Saiba, | hanv Tujea paiam’nk poddtam, | hanv Tuka
orgam ditam, | ontoskornim nomoskar kortam, | vhodd Tujo upkar man’tam,
| kiteak Tunvem mhaka rochloi mhonn, | niz kristanv keloi mhonn; | aiz
porean samballoi mhonn, | zoxi bori rat dili-i, toso boro dis di Saiba |
(zoso boro dis diloi, toxi bori rat di Saiba) | mhozo otmo, mhoji kudd,
Tujea hatant ditam. | Mhojim chintam, mhoje sobd, | mhoje aichea
disache (ratiche) koxtt ani korneo, Tuka somorpitam, | Tujea vhodda
manak mhojea patkanchea farikponnak.

Mhojea Jezu, | Tujea Khursachea, koxttancha, | ani mornacha puneam
pasot, bhogsi mhojim somest patkam, | mhoji patkeachi kakut kor.
Deva, | Povitr Otmea, di Saiba, Tuji Kurpa, | aichea disa (rati) patkant
hanvem poddona zauncheak. | Tuje upodes samballunk, | mhoje kaide
pallunk, | mhoji patkeachi kakut kor, | mhaka patkeak bhogsi.



16. HANV PATKI / I Confess / Confiteor
Hanv patki, | Sorv-podvedar Devak, | ani tumkam bhavam-bhoinnimno, |
mhozo guneanv ucharun sangtam, | monan chintun ani tonddan ucharun, |
vaitt adharun ani borem soddun, hanvem zaitim patkam keleant. |
 (hordeak
marun)
Ho mhozo opradh, | ho mhozo opradh, | ho mhozo bhov vhodd opradh.

Hea pasot Bhagevont sodanch-Anvkvar Moriek, | soglleam Dev-dutank ani
bhoktank, | ani tumkam bhavam-bhoinnimno, | mhoje khatir amchea
Sorvespora Deva lagim, | vonoti korat mhonn, | prarthun magtam.



17. NOMAN RANNIE / Hail, Holy Queen
Noman Rannie, kakutiche Maie, | noman amchea jiva, amruta ani bhorvonxa,
| tuka ami ulo martanv, | ami pordexi Evechim ballkam. | Hea dukhachea
konddant astam, | askar-huskar soddun, | ami tuka rudan kortanv. | Tor
tum amche xekaie, | te tuje kakutiche dolle amche voir porti. | Ani
hea pordexea uprant, | tuje kuxichem sodemnvi foll Jezuk amkam dakhoi, |
eh doialli, eh mogalli, eh dulobi Anvkvari Morie.

Eklo: Bhagevonti Devache Maie, ama pasot vinoti kor,
Sorv: Kristachea bhasavnneank ami favo zaunche khatir.



18. NIMANNEO CHAR VOSTU
Morn, | Zoddti, | Iemkondd, | ani Sorg.



19. DEVACHE UPODES / The Ten Commandments
Devache Upodes 10.
1-lo : Eka niza Devak man di.
2-ro: Devachem Nanv vearth kaddi naka.
3-ro: Aitar-sont bhagevontponnim samball.
4-to: Mai-bapak man di.
5-vo: Jivexim mari naka.
6-vo: Produvar kori naka.
7-vo: Chori naka.
8-vo: Fott-saks sanga naka.
9-vo: Peleache striiechi axa kori naka.
10-vo: Peleachea vostunchi axa kori naka.



20. IGORJECHE UPODES
Igorjeche Upodes 5.
1-lo: Aitar-sonta mis aikonchem, | ani vavr kori nastana ravunchem.
2-ro: Igorz-maten nomiarul’lea disamni jinzvar korcho, |
ani mas khainastana ravunchem.
3-ro: Vorsak ek pavttim punn-i kumsar zavunchem.
4-to: Paskanchea vellar punn-i Krist-Prosad ghevuncho.
5-vo: Igorjechea, | ani tichea monniareanchea | gorzank pavuchem.



21. SAKRAMENT / The Sacraments
Sakrament 7.
1-lo: Povitr-Snan (Baptizm)
2-ro: Thiravnni (Krizm)
3-ro: Krist-Prasad (Evkorist)
4-to: Prachit (Kumsar)
5-vo: Piddestanchi Makhnni (Sant-Unksanv)
6-vo: Iazokanchi Sonskornni (Odd'd vo Dikxa))
7-vo: Logn (Matrimoni)


MISTER / Mysteries of the Holy Rosary

22. SONTOSACHE MISTER
(Ho Mister Somara Ani Sonvara disak)
1-lo Mister: Moriek boddvo khobor dita.
2-ro Mister: Mori Elizabetichi bhett korta.
3-ro Mister: Betlehemant Jezu zolmata.
4-to Mister: Mori Ballok Jezuk templant bhettoita.
5-vo Mister: Chukul’lo bhurgo Jezu templant mellta.



23. UZVADDACHE MISTER
(Ho Mister Brestara disak)
1-lo Mister: Jezu Jordan nhoint snan gheta.
2-ro Mister: Jezu Kana nogorantlea logna vellim aplim mahima ugddapim korta.
3-ro Mister: Jezu Devachem Raz porgott’ta ani mon bodlopak ulo dita.
4-to Mister: Jezu rupantor zata.
5-vo Mister: Jezu Evkorist ghoddta.



24. DUKHICHE MISTER
(Ho Mister Mongllara ani Sukrara disank)
1-lo Mister: Somi Jezu molleant magtana rogot ghameta.
2-ro Mister: Somia Jezuk khambeak bandhun jerbandamni martat.
3-ro Mister: Somia Jezuchea mostokar kantteancho mukutt sannsitat.
4-to Mister: Somi Jezu Kalvar porvot porean Khuris vavoun veta.
5vo Mister: Somi Jezu Khursar umkallon aple Maie mukhar prann korta.



25. ONONDACHE MISTER
(Ho Mister Budhvara Ani Aitara disank)
1-lo Mister: Somi Jezu jivont zata.
2-ro Mister: Somi Jezu sorgar choddta.
3-ro Mister: Povitr Otmo Anvkvar Moriecher ani Apostolancher denvta.
4-to Mister: Anvkvar Moriek kuddi otmea somet sorgar ghetat.
5-vo Mister: Anvkvar Moriek sorga sonvsarachi Ranni mhonn kurvar kortat.



26. TERSACHEA KHONNA PATTLEAN MAGNNEM / Oh, My Jesus / Fatima Prayer
Eh mhojea Jezu, | amchim patkam amkam bhogsi, | iemkonddachea ujeantlem,| amkam nivar.|
Somest otmeam, chodd korun Tuji kakut asloleank, | sorgar vorun pai.



27. SAIBINNICHI LODIN / Litany of Loretto
Eklo: Somia, kakut amchi kor,
Sorv: Somia, kakut amchi kor.
Eklo: Krista, kakut amchi kor,
Sorv: Krista, kakut amchi kor.
Eklo: Somia, kakut amchi kor,
Sorv: Somia, kakut amchi kor.
Eklo: Krista, aik amkam,
Sorv: Krista doien aik amkam.
Eklo: Sorgincha Deva Bapa,
Sorv: Kakut amchi kor.
Eklo: Deva Puta, sonvsarachea Taroka,
Sorv: Kakut amchi kor.
Eklo: Deva Povitr Otmea,
Sorv: Kakut amchi kor.
Eklo: Santissima Trindadi ekach Deva,
Sorv: Kakut amchi kor.
(Hanga thavn sorvamni ‘Ama pasot vinoti kor’ mhonnchem)
Bhagevonti Morie,
Bhagevonti Devache Maie,
Bhagevonti Anvkvarinche Anvkvari,
Kristache Maie,
Morie Povitr Sobheche Maie,
Dev-kurpeche Maie,
Bhov nitolli Maie,
Bhov niskollvonti Maie,
Khot natul’le Maie,
Aputt Maie,
Mogapatr Maie,
Vichitr Maie,
Subodhini Maie,
Rochnarache Maie,
Soddvonndarache Maie,
Bhov xanni Anvkvari,
Porgottunk favo zal’le Anvkvari,
Podvedar Anvkvari,
Doialli Anvkvari,
Vixvasi Anvkvari,
Niticha Arsea,
Zannvaiechea Siasanna,
Amcha sontosache Karonnna,
Otmik Polngonna,
Man favo zal’lea Polngonna,
Bhoktichea oporimit Polngonna,
Gupt Guloba,
Davidachea Bhurza,
Daddeacha Bhurza,
Suvornnachea Mondira,
Sol’leachea Arka,
Sorginchea Darvottea,
Fanteaparachea Neketra,
Piddestanche Bholaike,
Patkeanchea Asrea,
Dukhestanche Bhuzavanne,
Kristanvanchea Adhara,
Bhoddveanche Rannie,
Patriarkanche Rannie,
Provadinche Rannie,
Apostolanche Rannie,
Martiranche Rannie,
Konfesoranche Rannie,
Anvkvarinche Rannie,
Somest Bhoktanche Rannie,
Soimbhachea khotavinn ghorbhim sombhovul’le Rannie,
Sorgim ghetul’le Rannie,
Bhov povitr Rozariche Rannie,
Somadhanache Rannie,
Bhagevont Kuttmache Rannie.

Eklo: Devache xellie, sonvsarachem pap kadtole,
Sorv: Bhogos amkam Somia.

Eklo: Devache xellie, sonvsarachem pap kadtole,
Sorv: Doien aik amkam Somia.

Eklo: Devache xellie, sonvsarachem pap kadtole,
Sorv: Kakut amchi kor.

Tuje sosaie khal, | eh Devache Bhagevonti Maie, ami ietanv, amchea
gorzant, | amchea mangnneacho beparvo kori naka. | Punn somest
vighnantlem amkam sodanch nivar, | onond-bhorit ani sodemnvi Anvkvari.

Eklo: Bhagevonti Devache Maie, | ama pasun vinoti kor,
Sorv: Kristachea bhasavnneak ami favo zanvche khatir.


PRARTHUM-IAM
Eh Deva, | Tujea ekleach Putan, | aple jinnie, morna ani jivontponna
vorvim, | sasnnache bochavechem inam, | amkam joddn dovorlam: |
Bhagevont Anvkvar Morieche, | bhov povitr Rozariche Mister, | ami
nihalltana, | tantum attapil’leacho ami pattlav koriso, | ani tantum
bhasaiil’lem |ami zoddixem kor mhunn, | ami Tuje lagim porat’tanv. |
Teach Krista amchea Somia vorvim. | Amen.




28. JEVNNA ADIM MAGNNEM
Bapache, + | ani Putache,| ani Povitr Otmeache Nanvim. |Amen.
Eh Somia, | amcher, | ani Tujea ud'dharponnan ami ghevunchea hea Tujea
denneancher axirvad ghal. Krista amchea Somia marifat. | Amen.
Amchea Bapa...



29. JEVNNA UPRANT MAGNNEM
Eh Sorv-podvedara Deva, | somest Tujea upkaram pasot, | ami Tuka, orgam
ditanv. Zo jietai ani raz kortai, | sasnnachea sasnnak. | Amen.
Soru-l'lea bhavartheanche otme, | Devache kakutin, | somadhanant vixev
ghevundit. | Amen.



30. SOKALLINCHI BHETTOVNNI
Eh Jezuchea Deivik Kallza, | aichea disachim sorv mhojim magnni, |
kamam ani koxtt, | amchea patkanchea farikponna pasot, | ani Altarachea
bhov Povitr Sakramentant, | Tunvem Tukach khollonastana bhettovunchea, |
somest iradeam pasot, | Bhagevont Anvkvar Moriechea khotavinn kallzam
marifat, | hanv Tuka bhettoitam, |protiek zavun, | magnneachea
apostoladichea iradeam pasot, | ani Pap Saiban, | hea mhoineak dakovun
dil’lea iradeam pasot, | hem sorv hanv Tuka bhettoitam.
Sorv Tuje pasot, | eh Jezuchea bhov Povitr Kallza.

Eh Jezuchea Dev-Kallza, | Tujem raz ienv.
Aichea disacha mhojea magnneank, | ani borea korneank lagon aschi, |
sorv patkeanchi xikxa mafi zoddunk, | hanv khuxi vortam.

Somia Jezu, | Tujea bhov Deivik Kallzache, sosaien, | rak amchea bhov
Bhagevont Pap Saibak; | za Tum taka uzvadd, | ghottai, ani bhuzavonn.





31. MORIEK SOMORPONN
Mhoje Rannie ani Maie, | hanv mhaka soglloch tuka ditam, | ani mhojem
bhoktiponn, | tuje thoim dakovuncheak, |aichea disa hanv tuka
somorpitam, |
mhoje dolle, mhoje kan, | mhojem tond, mojem kalliz, | ani mhaka
soglloch, | kainch dovori nastana. | Dekun, eh mogalli Maie, | hanv
tuzo zal’lea vorvim, | rak ani samball mhaka tujich ast ani vost mhollea
bori.



32. NISKOLLPONN ZODDUNK MAGNNEM
Eh Morie, pap-khot natul’lea tujea gorbh sombhova marifat, | kor mhoji
kudd niskoll, | ani mhozo otmo bhagevont.



33. GUNDDAIE THAVN / DE PROFUNDIS

1. Gunddaie thavn, | eh Somia, | hanvem Tuka bob marli, | Somia, aik mhozo tallo.
2.Tuje kan chit divundit; | mhojea magnneachea talleak.
3.Tum, eh Somia, | zor tor, khotteponnam lekxi: | Somia, Tuje mukhar ravat konn?
4.Kiteak, Tuje kodde asa kakut: | ani Tuje somorthi pasot Somia, | Tujer hanv Patielam.
5.Mhozo otmo tachea utrancher patievun asa: | Somiacher mhojea otmean bhorvonso dovorla.
6.Fanteapara thavn rat porean: | Israel Somiacher patievnni dovorundi.
7.Kiteak, Somia kodde asa kakut; | ani Tache kodde zai titli soddvonn.
8.Israelik to soddoitolo, | sorv tichea khotteponnantlo.
Sasnnacho vixev, di tankam, | eh Somia; | ani nirontor prokas tancher fankondi.|
Somadhanant tim vixev ghevundit. | Amen.

Eklo: Somia, mhojem magnnem aik,
Sorv: Ani mhoji bob Tuje mukhar pavondi.

PRARTHUM-IAM
Eh Deva, somest bhavartheancha Rochanara ani Taroka, | soru-l'lea Tujea
chakranchea ani chakorninchea otmeank, | sorv tanchea patkanchem
bhogsannem di: | tannim sodam axel’li mafi, | bhoktivont magnnea vorvim,
| tankam mellcheak. | Zo jietai ani raz kortai sasnnachea sasnnak. |
Amen.

Sasnnacho vixev, di tankam, | eh Somia, | ani nirontor prokas tancher
fankondi. | Somadhanant te vixev ghevundit. | Amen.




34. KRISTACHEA OTMEA / Anima Christi
Kristachea Otmea, | mhaka bhagevont kor.
Kristache Kuddi, |mhaka bochav kor.
Kristachea Rogta, | mhaka dhadoxi kor.
Kristachea kaddvollachea Udka, | mhaka dhu.
Kristachea koxttamno, | mhaka ghott kora.
Eh borea, Jezu, | mhojem grannem aik.
Tujea Ghaiam bhitor, | mhaka lipoi.
Tuje thavn mhaka, | vegllo zavunk sodd’naka.
Khottea dusmanachea hatantlo, | mhaka samball.
Mhojea mornachea vogta, | mhaka apoi.
Ani Tuje sorxim ievunk, | mhaka formai.
Tujea Bhogtam sangata, | hanvem Tuka vornnunk,
Sasnnachea sasnnak. | Amen.



35. KRUSIFIKS IMAJI MUKHAR MAGNNEM
Oblle! Eh Borea ani bhov Omrut Jezu, | Tuje mukhar sorpoddtam, | ani
mhojea otmeache khotkote urben Tuje lagim magtam ani porat'tam: |
khonchoi mhojea kallzant, | jivo bhavarth, thir bhorvonso ani khoro mog,
| mhojea patkanchi niz dukh, | ani nove jinniechi bhov thir khuxi; |
jedvam otmeache vorte bhirmotin ani khontin, | mhoje itleak chintam ani
motint nihalltam, |Tuje panch ghai, dovorun mhojea dolleam mukhar, |
David Provadin, | eh borea Jezu, | Tuje vixeant mhollim utram: | "Tannim
tople mhoje hat ani paim, | Tannim mezlim sokkodd mhojim haddam."
Xikxa-mafi zoddchea khatir ani Pap Saibachea iradeam khatir mag:
1 Amchea Bapa, 1 Noman Morie, ani 1 Onond Bapak.



36. DEVAK FARIKFONN DINVCHE ULE / The Divine Praises
Sodenv zanv Dev !
Sodenv zanv Tachem Povitr Nanv !
Sodenv zanv Jezu Krist, niz Dev ani niz Monis !
Sodenv zanv Jezuchem Nanv !
Sodenv zanv Tachem bhov Povitr Kalliz !
Sodenv zanv Tachem omolik Rogot !
Sodenv zanv Jezu, Altarachea bhov Povitr Sakramentant !
Sodenv zanv Bhagevont Spirit Paraklit !
Sodenv zanv Devachi ti vorti Mai Mori bhov Bhagevont !
Sodenv zanv ticho bhagevont ani kotavinn gorbhim sombhov !
Sodenv zanv tichem mhoime bhorit sorgim-ghennem !
Sodenv zanv Moriechem Anvkvar Moriechen nanv !
Sodenv zanv Sam Juze, ticho bhov niskoll poti !
Sodenv zanv Dev Tachea bhoddveam ani bhoktam thoim !




37. PROJA-RAZA PASOT MAGNNEM

V) Somia, samball amchem proja raz.
R) Ani Tuka ulo marchea disa amkam aik.
V) Somia, doien aik mhojem magnnem.
R) Ani mhoji bob Tuje sorxim pavondi.
V) Somi tumche sovem asum.
R) Ani tumche-i sovem asum.


PRARTHUM-IAM
Eh Somia, | Bhagevont ani sodam Anvkvar Morieche mozotin, | hem Tujem
kuttamb sorv jinsanchea vaittantlem, | rak mhonn ami Tuje lagim
porattanv; | ani zoxem ami sogllea amchea kallzan, | amkanch Tuje mukhar
khalte kortanv-gi, | toxem, Tum amchi bhirmot pavon, | amchea dusmanchea
pasantle, | amkam doien samball. | Krista amchea Somia vorvim. | Amen.

V) Deivik adhar amche sovem sodanch asum.
R) Amen.



38. JEZU BHOLLEACHO TERS
Eklo: Sasnnachea Bapa, | hanv Tuka bhettoitam, | Jezu Kristachem
amolik Rogot.
Sorv: Mhojea patkanchea farikfonna pasot, | ani Igorz-matechea gorzam
pasot.

(Hem panch pavttim sangchem)
Eklo: Jezu bhollea ani khaltea Kallzachea, | kor kalliz mhojem, | Tujea
Kallza sarkem.
Sorv: Jezu bhollea ani khaltea Kallzachea, | kor kalliz mhojem, | Tujea
Kallza sarkem.

(Uprant)
Eklo: Moriechea dulobi kallza.
Sorv: Za tum mhoji bochavi.



39. TERS MHONNCHI RIT / THE HOLY ROSARY
01.Santa Khursachi Kuru (No.2)
02.Avmori (No.11 vo 12)
03.Onond Bapak (No.3)
04 Rakonn Bhoddveak Magnnem (No.13)
05.Sorul’lea Bhavartheam Pasot Magnnem (No.14)
06.Apostolanchim Sotman’tam (No.6)
07.Somiachem Magneem (No.4)
08.Bhoddveacho Noman (No.5)
09.Onond Bapak (No.3)
10.Mister (No.22 vo 23 vo 24 vo 25)
11.Tersachea Khonna Pattlean Magnnem (No.26)
12.Noman Rannie (No.18)
13.Saibinnichi Lodin (No.27)
14.Xevottchim magnnim (No.40)



40. XEVOTTCHIM MAGNNIM
(Hem tin pavttim)
Eklo: Jezuchea bhov Povitr Kallza,
Sorv: Kakut amchi kor .
(Uprant)
Eklo: Moriechea dulobi kallza,
Sorv: Za tum mhoji bochavi.
Eklo: Sam .... (patron sant),
Sorv: Ama pasot vinoti kor.
Eklo: Sam Francis Savera,
Sorv: Ama pasot vinoti kor.
(Her Sant...)



MOGALL PUTRA .....
(Xekim mhonnchem gaion)
Mogall Putra sovem, + Anvkvar Mori, axirvad dinv-di amkam .
Jezuchea bhov Povitr Kallza , + bhurgeank Tujea, di Tujem axirvad.


Songs to Our Blessed Mother
1. Morie krista maie

2. Soglle Soktin Tujea
3. Moriek Hogollsiam
4. Bhodviam songim koriam noman
5. Noman tuka sorga-rannie
6. Sokkodd Sangata Melleam
7. Morie Sodanch adhar Tuzo
8. Tum kallzachea gondea mojea


1. Morie krista maie

-------------------
Chorus: Morie krista maie
Tum amchi mai sorgim
Ulo martanv maie
Ami tijim bhurgim

1. Tum Amchi mai
Tum Amkam zai
Tuje sorxim ietanv
Vighnam onvarant
Sukha-dhukhant
Mai tuzo adhar magtanv

2. Pap adharlem
Tuka sandlem
Veng marli dusmanak
Punn ekleach putak
Dhunvcheak patak
Diloi hea mhonxeakullak

3. Sosai tuji
di tum amkam
Amchim patkam roddonk
Nitoll ami zavn
Kurpen ravonk
Iek dis sorgim ievn pavonk





2. Soglle Soktin Tujea
-------------------

1. Soglle Soktin Tujea
Uchar otmea mhojea
Onond moriecho
Tujie maiecho

Chorus: Noman, Noman, Noman morie
Noman, Noman, Noman morie

2. Nitoll tum Anvkvari
Chondra pras sundari
Gorbhan tum khotavinn
Jinnien papavinn

3. Tum-ge amchi ranni
Mate sobhaginni
Tuka Hogollsitanv
Tuka vornitanv

4. Dev putache maie
Sorginche tum rannie
Patkianche xekaie
Mogalli morie

5. Tuji sodri sorgar
Tujem kalliz udar
Doia dovor amcher
Tujea bhurgiancher


3. Moriek Hogollsiam
-----------------

1. Moriek hogollsiam
Tika'tam vorniam
Gaian tichem choddom
Sorga-raz tem bhorom

Chorus: Moriek hogollsiam
Hogollsiam moriek

2. Tum-ge ful, pormollik
Bhov sobhit porzollik
Pettoi maie uzo
Jezuchea mogacho

3. Sorginchea disacho
Avror tum ghonacho
Dis tuka man dita
Chondr maie vornita

4. Sosnnikai khalteponn
Magon di niskollponn
Upkar maie magtanv
Bhorvosian porat'tanv


4. Bhodviam songim koriam noman
----------------------------
Chorus: Bhodviam songim koriam noman
Mai ti amchea tarokachi
Lagim soriam tichea mogan
Vatt ti amkam bachavechi

1. Kedhem vortem bhag moriechem
Prosut zanvchem aplea devak
Avoi tori amkvar ranvchem
Sorv bhesancheamk dekh zavn sobcheak

2. Polgonn otmik sugandhachem
Modd tem raiak prothvik haddchem
daivik foll dinvchem vichitr zodd tem
Patak bhosmunk zollchem agttem.

3. Gulob sobhit kantteam modlo
Nitoll chondr svadik omrut
Kollonk tiche thoin na koslo
Rochnam bhitor vinchnnar un'not


5. Noman tuka sorga-rannie
-----------------------
1. Noman tuka sorga-rannie
Ama pordexiache maie
Asanv poinnar magtanv upkar
Konti dhukhi vighnam nivar
Krista maie, doria sukra
Pav tum poinnariank pav mhaka

2. Nitoll nirmoll sodanch ankvar
Patki rochnank tuzo adhar
Keleat dekun tujea putan
Amkam salvar rogot vikravn
Amkvar nirmoll dorea sukra
Pav tum sorv patkiank pav mhaka

3. Dhukambhorit konddant asanv
Xarotinnik ulo martanv
Thamboi roddnne pusun dhukam
Birmot pavon bhuzoi amkam
Koxttant asrea, doria sukra
Pav tum roddteleank pav mhaka

4. Sorgar voir raz choloiteleak
Tegi mhellon ieka devak
Dimbi moddun kortanv noman
Prarthun maie magtanv mogan
Sorga-rannie doria sukra
Pav tujea bhurgeank pav mhaka.


6. Sokkodd Sangata Melleam
--------------------------

Ch: Sokkodd Sangata Melleam
Sokkod lagim soriam
Amche talle iek koriam
Moriek hogollsiam

1. Voddta hitlamni sodiam
Fulam iekttaim koriam
Tancho iek mukutt guntiam
Ani maiek diviam


2. Faliam bhitor bavtelim
Him xinvtim abolim
Fulam tor koim mheltolim
Moriek favo zalim

3. Tujem kaliz tika di
"Puta hem di" khoim ti
Korta'purbhai mai mhoji
Hea sobhit fulachi

4. Doriant, maie, poinn kortanv
Budchea mosant asanv
Mai, tuzo adhar magtanv
Ani dhoiran ravtanv

5. Tum sukru sontosacho
Dhadd tor uzvadd tuzo
Amkam dhampchea moddancho
Kallok pois dhanvddavncho.

6. Vaddom choddo tujem nanv
Tuji bhokt udar zanv
Mellon mai tujem bhesanv
Bhagi zanv amcho ganv





7. Morie Sodanch adhar Tuzo
------------------------
1. Morie Sodanch adhar Tuzo
Zanv foll amchea magnneacho
Putan tujea kelea tuka
Xabhit Asro nirbhageancho

Kumok tuji sodanch toiar
Bhurgim maie magtanv adhar

2. Kitlem uttonk pechadleari
Portun portun poddtoch asanv
Oskot ami ballam tujim
Maie, amkam pav mhonn magtanv



8. Tum kallzachea gondea mojea
---------------------------

Tum kallzachea gondea mojea
Noman tuka bhorvosa'chea
Mai moineache dulob rannie
charnna tujea lagtanv maie

Labhasem kor amkam denne
Otmo rakchem papavinne
Portun ami poddanasem
Anjea sarki jinn jiesem

Okrom voddnio humttun uddoi
Sorginchi vatt amkam soddoi
Pettoi maie zolltea ujean
Kallzan kalliz tujea mogan

Toddov maie naka korunk
Gopant tujea mhaka voddunk
Uskear tujea mhaka khelloi
Mogall mhoji za tum avoi.

Notes  for Pronunciation 

O-------> o ------> otmo, ojeap, sot, mon, dhon.
A-------> a --------> amchea, asa, rat, tan, kan.
X ------> sh -------> xit, xikxa, odheokx, dikxa, xok.
T-------> t --------> ton, toddov, taka, vat, nontor.
TH -----> th -------> thor, orth, thir, svarth, thoravoll.
TT------> tt -------> vatt, dixtt, petto, grotto, vantto.
TTH ----> tth ------> tthokki, tthev, patth, goxtth, duxtthi.
T’T ----> t’t ------> pot’to, ut’tim, bat’tis, ut’tor, at’tam.
D-------> d --------> gado,duddu, doial, dudh, desvat.
DH -----> dh -------> dhikkar, dhoxi, dhoni, dhinvas, budhvont.
DD------> dd -------> guddo, paddo, kudd, nadd, divodd.
DDH ----> ddh ------> donddhovnni, ddhokhai,
D’D ----> d’d ------> ud’dhar, chod’dor, god’dar,
L ------> l --------> palo, ulo, khelo, kholo, melo.
LL ----> ll -------> pollo, dollo, bhollo, mollem, dhallo.
L’L ----> l’l ------> il’lem, mellul’lem, sangul’lem, uloil’lem,
kolloil’lem.
NN -----> nn -------> khann, jevonn, makhnni, dekhnni, vakhann’nni.
IO -----> io (yo)---> iogi, iogdan, kariokrom, ioxodham, iojon.
IA -----> ia (ya) --> toiari, iazok, vidiarthi, doia, monniari, Somia.
IE -----> ie (ye)---> doien, nitollkaien, sosaien, korunnaien, i
IU -----> iu (yu)---> iug, koli-iug, iuvok, iuvozonn, iugantor.

 

Creative Commons License
The contents of this webpage are licensed under a Creative Commons Attribution 3.0 License.

Creative Commons License
This page is dedicated to the Public Domain.
Valid HTML 4.01 Transitional
A "Safe for Souls" webpage.
(this is the bottom of page)