Iban Rosary Prayers


	Mary's Rosaries

Home Page

Make a Payment, Methods of Payment, Refund and Exchange Policies

Rosaries
subpages:

How to Pray the Rosary
subpages:

Pictures Main Page
subpages:

Curriculum
subpages:

Website Terms of Use

License Agreement

Sitemap

The Work of God's Children

Iban Rosary Prayers
This language is also known as Sea Dayak.
This language is spoken by 400,000 in Sarawak and Sabah, Malaysia; also in Kalimantan, Indonesia, and Brunei.

See also The Work of God's Children page for the illustrated version of prayers in this language.

+ Tanda Regang / The Sign of the Cross / Signum Crucis (Dialect 1)
+ Dalam Nama Apai enggau Anak enggau Roh Kudus. Amin.

Aku arap ka Allah Taala / The Apostles' Creed / Credo (Dialect 1)

Aku arap ka Allah Taala, Apai ti pemadu bekuasa,
ti pengaga serega enggau dunya.
Aku arap ka Jesus Kristus, Anak tunggal iya, Tuhan kitai.
Iya nyadi mensia olih kuasa Roh Kudus,
di ada ka Maria, Dara Tuchi.
Iya diperinsa rambau Pontius Pilate,
diregang, parai lalu ditumbak.
Iya murun ngagai sebayan,
udah tiga hari iya angkat idup baru.
Iya niki ka menoa serega,
lalu dudok ari sapiak kanan Apai iya.
Iya ka datai baru,
nyara orang ti agi idup enggau orang ti udah parai.
Aku arap ka Roh Kudus,
Gereja katolik ti kudus,
saum orang saint
pengampun samoa penyalah,
pengangkat samoa tuboh,
enggau pengidup ti meruan. Amin.

Apai Kami / Our Father / Pater Noster (Dialect 1)
Apai kami ti di serega,
Kudus meh Nama nuan
Kenatai ka perintah nuan
Nyadi meh peneka nuan
di dunya baka di serega
Beri kami sahari tu,
numbas pemakai kami.
Ampun penyalah kami,
baka kami ngampun orang,
ti udah salah ngelaban kami.
Anang mai kami ngagai penguji,
tang lepas ka kami ari penyai. Amin.

Our Father
'Apai kami ti di serega:
Awak ka nama nuan di-intu kudus,
Kenatai ka perintah nuan;
nyadi meh peneka nuan di dunya
baka dalam serega.
Beri ka kami sahari tu chukop
pemakai diguna kami.
Ampun penyalah kami,
baka kami ngampun orang ti udah
salah ngelaban kami.
Anang ngasoh kami kena penguji ti besai,
tang lepas ka kami ari kuasa Sitan.'

Tabi Ka Nuan Maria / Hail Mary / Ave Maria (Dialect 1)
Tabi ka nuan, Maria, ti penoh olih nimet, Allah Taala sejalai enggu nuan. Nuan lebih bereka ari samoa indu lalu beberekat Anak nuan, Jesus. O Maria, ti kudus, Indai Allah Taala Kami orang ti besalah minta nuan besembiang ka kami diatu lalu maya kami parai ila. Amin.

Hail Mary
Elsalaam Maria, penoh unggau nimet,
Allah Taala serta ungau nuan, nuan beberkat
dalam samoa indu, beberkat Anak nuan, Yuhan Jesus.
O Maria ke khudus, indai Allah Taala
minta kaseh Allah Taala ka kami,
orang ke salah, de ia tu, lalu dalam kami parai ila.
Amin.

Puji Ka Apai / Glory Be to the Father / Gloria Patri (Dialect 1)
Puji ka Apai, ka Anak, ka Roh Kudus;
baka mula kelia, kemaya tu,
lalu datai ka selama-lama iya. Amin.

Sembiang Fatima / O Tuhan Jesus / Oh, My Jesus / Fatima Prayer (Dialect 1)
O Tuhan Jesus, ampun samoa penyalah kami,
jaga kami ari api neraka,
bai samoa samengat ngagai menoa Serega,
ka lebih agi sida ka beguna bendar pengasih Nuan.
Amin.

Sembiang Ngagai Indai Maria / Hail, Holy Queen / Salve Regina (Dialect 1)
O Maria Dayang serega, indai pengasih,
nuan pengidup, penyamai, pengandal kami,
kami ti merinsa ngangau ka nuan,
minta nuan ninga, ka kangau, ka tempalau,
ka sada, ka nyawa kami ti tusah diau di menoa tu.
Nya alai nuan ti penyaup kami,
kami minta perening, minta iching, minta peda,
minta tela, enggau mata pengasih nuan.
Asoh kami meda tuhan Jesus, Anak nuan,
O Maria, Dara tuchi, ti mentas, ti kasih,
ti rindu ka kami. Amin.
Ketuai: Besembiang ka kami Indai Kudus Allah Taala.
Samoa: Ngambi ka kami patut deka nitih ka semaya
Anak nuan Tuhan Jesus.

Aram Kital Sembiang / Final Prayer (Dialect 1)
O Allah Taala Apai ti pemadu bekuasa enggau Anak
tunggal nuan Tuhan Jesus.
Olih pengidup, pemati enggau pengangkat iya,
kami dilepas sereta bulih pengidup ti meruan.
Asoh kami selalu berati ka cherita kudus iya.
leboh kami sembiang Rosari Dara tuchi.
Ngambi ka kami nunda utai ti udah disemaaya iya,
beseruan ka Jesus Kristus, Tuhan kami.
Amin.

Mysteries of the Rosary

Lima Cherita Pengaga / The Joyful Mysteries
(Hari Satu, Hari Empat)
Lima Misteria Pengaga disebut ba hari Satu, Empat enggau
Hari Minggu berengkah Ka Musin Penatai ngagai Musin Lent
1) Gabriel nganjong pesan ka Maria
The Annunciation
Luke 1:35
2) Maria nemuai soh petunggal iya Elisabet
The Visitation
Luke 1:39-56
3) Tuhan Jesus ada di Betlehem
The Nativity
Luke 2:1-20
4) Maria nyua Anak iya ka Allah Taala dalam rumah sembiang
The Presentation
Luke 2:22-39
5) Tuhan Jesus ditemu Indai iya dalam rumah sembiang
The Finding in the Temple
Luke 2:41-50

Lima Cherita Penyinu / The Sorrowful Mysteries
(Hari Dua, Hari Lima)
Lima Misteria Penyinu disebut ba hari Dua,
Lima enggau Hari Minggu dalam musin Lent
1) Penusah Tuhan Jesus di kebun Getsemani
The Agony in the Garden
Matthew 26:36-46
Mark 14:32-42
Luke 22:39-46
2) Tuhan Jesus dilunsin orang
The Scourging at the Pillar
Matthew 27:26
Mark 15:15
Luke 23:14-16
John 19:1
3) Orang ngenyak katapu duri di pala Tuhan Jesus
The Crowning of Thorns
Matthew 27:27-30
Mark 15:16-19
John 19:2-3
4) Tuhan Jesus ngesan Kayu regang
The Way of the Cross
Matthew 27:31-33
Mark 15:20-22
Luke 23:26-32
John 19:16-17
5) Tuhan Jesus parai diregang.
The Crucifixion
Matthew 27:34-56
Mark 15:23-41
Luke 23:33-49
John 19:18-30

Lima Cherita Pemuji / The Glorious Mysteries
(Hari tiga, Hari enam, Hari Minggu)
Lima Misteria Pemuji disebut ba hari Tiga, Enam enggau
Hari Minggu berengkah ari Musin Paski ngagai Musin Penatai
1) Tuhan Jesus angkat ari pemarai
The Resurrection
Matthew 28:1-15
Mark 16:1-13
Luke 24:1-12
John 20:1-18
2) Tuhan Jesus niki pulai ka serega
The Ascension
Mark 16:19-20
Luke 24:50-53
Acts 1:9-11
3) Roh Kudus nurun atau Rasul
The Descent of the Holy Spirit
Acts 2:1-41
4) Maria diambi melaikat ngagai serega
The Assumption
5) Allah Taala ngasoh Maria ari atas samoa di serega
The Coronation of Mary

How to Pray the Rosary

1. Tanda Regang (The Sign of the Cross / Signum Crucis)
2. Pengarap Bala Rasul (The Apostles' Creed / Credo)
3. Apai Kami (Our Father / Pater Noster)
4. 3 Tabi Ka Nuan Maria / Elsalaam Maria (Hail Mary / Ave Maria)
5. Puji Ka Apai (Glory Be to the Father / Gloria Patri)
6. Misteria 1
7. Apai kami ti di serega
8. 10 Tabi Ka Nuan Maria / Elsalaam Maria
9. Puji Ka Apai / Sembiang Fatima (Oh, My Jesus)
10. Misteria 2
11. Apai Kami
12. 10 Tabi Ka Nuan Maria / Elsalaam Maria
13. Puji Ka Apai / Sembiang Fatima
14. Misteria 3
15. Apai Kami
16. 10 Tabi Ka Nuan Maria / Elsalaam Maria
17. Puji Ka Apai / Sembiang Fatima
18. Misteria 4
19. Apai Kami
20. 10 Tabi Ka Nuan Maria / Elsalaam Maria
21. Puji Ka Apai / Sembiang Fatima
22. Misteria 5
23. Apai Kami
24. 10 Tabi Ka Nuan Maria / Elsalaam Maria
25. Puji Ka Apai / Sembiang Fatima
26. Sembiang Ngagai Indai Maria (Hail, Holy Queen / Salve Regina)
For the Intentions and protection of our Holy Father:
27. Apai Kami (Our Father / Pater Noster)
27. Tabi Ka Nuan Maria / Elsalaam Maria (Hail Mary / Ave Maria)
27. Puji Ka Apai (Glory Be to the Father / Gloria Patri)
28. Tanda Regang (The Sign of the Cross / Signum Crucis)

How to Pray the Rosary
1. Ngaga Tanda Regang enggau nyebut sampi "Aku Arap"
2. Sebut Sembang" Apai kami"
3. Sembut Sembiang "Tabi ka nuan Maria"
4. Sebut Sembiang " Puji Ka Apai"
5. Diatu, berengkah nyebut Misteria Katerubah, udahnya sebut sembiang "Apai Kami"
6. Sebut sepuluh kali sembiang "Tabi Ka Nuan Maria". Maya tu kitai tau meditasi ka (misteria) cherita nya.
7. Sebut sembiang :"Puji Ka Apai:".
8. Udah abis siti genteran, sebut "Sembiang Fatima"," O Tuhan Jesus..."
9. Sebut Misteria Ke-Dua, udah nya sebut "Apai Kami"
10. Ulang nitih ka ator nya ba misteria bukai sampai abis.
11. "Sembiang Ngagai Indai Maria" engau sampi penutup bukai.

Sembiang Jalai Regang / The Stations of the Cross (Dialect 1)
Sembiang nyendia ka Diri ( bediri)
Paderi: Dalam nama Apai, enggau Anak enggau Roh Kudus.
Samoa: Amin.
Sembiang Ngesal Ati
O Allah Taala, kami rindu ka nuan enggau pengabis ati kami sereta ari atas semua utai. Kami ngesal amat ati ketegal udah ngaga penyalah ngelaban nuan.
Asoh kami anang agi ngaga penyalah ngelaban nuan. Asoh ati kami rindu ka nuan enda nemu leju sereta asoh kami gaga ngereja semua utai nitih peneka nuan ti amat Kudus.

Paderi: O Tuhan Jesus, Penebus kami, kami nyerugang di moa nuan, minta nuan kasih ka kami tu. Kami ka bekenang ka pemerinsa enggau pemarai nuan laban nuan udah nyadi Penebus kami kelia menya. Asoh kami ngesal ati ke penyalah kami empu, lalu tulong kami diau rurus ati kenyau ari diatu lalu nyentok ka kami parai ita. Amin.
Semoa:O Tuhan Jeus, kami rindu ka nuan lebih ari samoa utai bukai; ati kami tusah bendar olih penyalah kami ngelaban nuan. Asoh kami enda besalah agi ngambi ka kami selalu rindu ka nuan, nitih ka samoa pengasoh nuan.

Ka Satu - Pontius Pilate Ngeletak Tuhan Jesus Kena Ukum Bunoh / The 1st Station
Paderi: Kami nyembah nuan, O Jesus Kristus, lalu muji nuan.
Samoa: Olih regang nuan ti kudus, nuan nebus dunya.
(Bediri}
Paderi: Udah orang Judah ngelunsin Tuhan Jesus, sida ngenyak ka tapu duri di pala iya. Udah nya, sida mai Iya ngadap Pilate, ngambi ka iya ngadu ka pechara. Pilate nemu Tuhan Jesus nadai penyalah, tang olih iya takut ka orang mayoh, iya ngasoh Tuhan Jesus kena ukum bunoh ba regang.
O Tuhan Jesus Kristus, nuan udah merinsa olih kami tu. Ari peneka nuan empu nuan kena ukum Pilate ngambi ngisi ukum penyalah kami. Kami minta nuan mai ati kami begedi ka penyalah, lalu asoh ati kami ngesal bendar ka penyalah ti udah digaga kami, ngambi ka kami di-ampun nuan.
(Nyerugang}
Samoa: O Tuhan Jesus, kami rindu ka nuan lebih ari samoa utai bukai; ati kami tusah bendar olih penyalah kami ngelaban nuan. Asoh kami enda besalah agi ngambi kami selalu rindu ka nuan, nitih ka samoa pengasoh nuan.
Paderi: O Tuhan, kasih ka kami.
Samoa: Tuhan, kasih ka kami.
Paderi: Awak ka samengat orang ti udah parai manah.
olih pengasih Allah Taala, idup dalam pemaik.
Samoa: Amin.

(Bediri-Belagu)
Di regang palan iya b'diri
Indai ti tusah nyabak
Datai ka pengujong.

Ka Dua - Tuhan Jesus Ngesan Regang / The 2nd Station
Paderi: Kami nyembah nuan, O Jesus Kristus, lalu muji nuan.
Samoa: Olih regang nuan ti kudus, nuan nebus dunya.
(Bediri}
Paderi: Orang ngasoh Tuhan Jesus ngesan regang. Regang nya lalu disambut iya enggau ati gaga, olih enggau regang nya iya deka ngelepas ka kitai ari ukum ti meruan.
O Tuhan Jesus asoh ati kami selalu keran besembah nuan. Meda nuan udah meri nyawa diri, kami mega ka nyerah diri ngagai nuan.
Nyerugang}
Samoa: O Tuhan Jesus, kami rindu ka nuan lebih ari samoa utai bukai; ati kami tusah bendar olih penyalah kami ngelaban nuan. Asoh kami enda besalah agi ngambi kami selalu rindu ka nuan, nitih ka samoa pengasoh nuan.
Paderi: O Tuhan, kasih ka kami.
Samoa: Tuhan, kasih ka kami.
Paderi: Awak ka samengat orang ti udah parai manah.
olih pengasih Allah Taala, idup dalam pemaik.
Samoa: Amin.

(Bediri-Belagu)
Nengah penusah bela dikunsi
Semoa p'rinsa bela diasai
Direjang mata pedang.

Ka Tiga - Olih Kayu Regang Udu Berat Disan, Tuhan Jesus Rebah / The 3rd Station
Paderi: Kami nyembah nuan, O Jesus Kristus, lalu muji nuan.
Samoa: Olih regang nuan ti kudus, nuan nebus dunya.
(Bediri}
Paderi: Tuhan Jesus belaboh mansang ngagai Bukit Kalvari, endor orang ka munoh iya. Laban kayu regan berat, laban telih iya mayoh, iya nyau lemi tulang lalu rebah ka tanah.
O Tuhan Jesus, Tuhan Kami, nuan udah ngesan kayu regang lalu rebah ka tanah, laban penyalah kami berat amat. Asoh kami selalu ingat ka pemerinsa nuan, ngambi ka kami badu ngaga penyalah.
(Nyerugang}
Samoa: O Tuhan Jesus, kami rindu ka nuan lebih ari samoa utai bukai; ati kami tusah bendar olih penyalah kami ngelaban nuan. Asoh kami enda besalah agi ngambi kami selalu rindu ka nuan, nitih ka samoa pengasoh nuan.
Paderi: O Tuhan, kasih ka kami.
Samoa: Tuhan, kasih ka kami.
Paderi: Awak ka samengat orang ti udah parai manah.
olih pengasih Allah Taala, idup dalam pemaik.
Samoa: Amin.
(Bediri-Belagu)
Oh nangka meh p'nusah iya
Indah ti pemadu berekat
Belemati anak tunggal iya.

Ke Empat - Tuhan Jesus betemu Enggau Indai Iya / The 4th Station
Paderi: Kami nyembah nuan, O Jesus Kristus, lalu muji nuan.
Samoa: Olih regang nuan ti kudus, nuan nebus dunya.
(Bediri}
Paderi: Tuhan Jesus angkat lalu mansang baru ngesan regang iya. Telih iya nyau majak pedis laban iya rebah tadi. Leboh nya, iya betemu enggau Indai iya lalu ati seduai sama balat tusah. Maria nyau abis ati meda Anak iya balat merinsa baka nya.
O Maria, laban penyalah kami, Anak nuan balat merinsa, Anak nuan parai. Tang kami diatu ngesal ati bendar ka penyalah kami lalu kami minta tulong nuan ngambi ka kami tau di-ampun olih Allah Taala.
Nyerugang}
Samoa: O Tuhan Jesus, kami rindu ka nuan lebih ari samoa utai bukai; ati kami tusah bendar olih penyalah kami ngelaban nuan. Asoh kami enda besalah agi ngambi kami selalu rindu ka nuan, nitih ka samoa pengasoh nuan.
Paderi: O Tuhan, kasih ka kami.
Samoa: Tuhan, kasih ka kami.
Paderi: Awak ka samengat orang ti udah parai manah.
olih pengasih Allah Taala, idup dalam pemaik.
Samoa: Amin.
(Bediri-Belagu)
Iya nyabaks'reta sebana
Indai iya meda iya m'rinsa
M'rinsa amat anak iya.

Ka Lima - Simon di-asoh nulong Tuhan Jesus ngesan regang / The 5th Station
Paderi: Kami nyembah nuan, Jesus Kristus, lalu muji nuan.
Samoa: Olih regang nuan ti kudus, nuan nebus dunya.
(Bediri}
Paderi: Leboh orang Juda meda Tuhan Jesus nyau enda dapat, sida lalu ngasoh Simon ari Sairin nulong iya ngesan regang. Terubah iya Simon enggai tang udah iya megai regang.ati iya nyau berubah, lalu gaga iya nulong Tulong Jesus.
O Tuhan Jesus Kristus, asoh kami selalu rindu ka kayu regang. Awak ke regang nyadi ka tanda enggau ka menira kami, kena nulong kami diau rurus ati enggau ngibun kami ari bujok sitan.
(Nyerugang)
Samoa: O Tuhan Jesus, kami rindu ka nuan lebih ari samoa utai bukai; ati kami tusah bendar olih penyalah kami ngelaban nuan. Asoh kami enda besalah agi ngambi kami selalu rindu ka nuan, nitih ka samoa pengasoh nuan.
Paderi: O Tuhan, kasih ka kami.
Samoa: Tuhan, kasih ka kami.
Paderi: Awak ka samengat orang ti udah parai manah.
olih pengasih Allah Taala, idup dalam pemaik.
Samoa: Amin.
(Belagu)
Orang ni ti enda sinu
Ngenang p'nusah indai Jesus
P'nusah ti udu besai.

Ka Enam - Veronica ngendas moa Tuhan Jesus / The 6th Station
Paderi: Kami nyembah nuan, Jesus Kristus, lalu muji nuan.
Samoa: Olih regang nuan ti kudus, nuan nebus dunya.
(Bediri}
Paderi: Tuhan Jesus agi mansang nengah jalai, lalu moa iya, ambis bebalut engau darah. Indu siko ti rurus ati sinu amat meda iya merinsa baka nya. Iya mantai ka perecha lalu ngendas moa iya. Udah nya, ati iya berasai gaga bendar meda gambar moa Tuhan Jesus lekat ba perecha nya di-ajih ka Allah Taala. Tuhan Jesus Kristus, kami kasih bendar meda nuan merinsa. Asoh kami begedi ka penyalah, begedi ka samoa kereja ti jai ti mai nuan tusah baka nya.
O Tuhan Jesus Kristus, kami kasih bendar meda nuan merinsa. Asoh kami begedi ka penyalah, begedi ka samoa kereja ti jai ti mai nuan tusah baka nya.
(Nyerugang)
Samoa: O Tuhan Jesus, kami rindu ka nuan lebih ari samoa utai bukai; ati kami tusah bendar olih penyalah kami ngelaban nuan. Asoh kami enda besalah agi ngambi kami selalu rindu ka nuan, nitih ka samoa pengasoh nuan.
Paderi: O Tuhan, kasih ka kami.
Samoa: Tuhan, kasih ka kami.
Paderi: Awak ka samengat orang ti udah parai manah.
olih pengasih Allah Taala, idup dalam pemaik.
Samoa: Amin.
(Belagu)
Olih ati mensia tan
Saum dalam pemedis iya
Pedis enda olih banding.

Ka Tujoh - Tuhan Jesus Rebah Ka Dua Kali / The 7th Station
Paderi: Kami nyembah nuan, Jesus Kristus, lalu muji nuan.
Samoa: Olih regang nuan ti kudus, nuan nebus dunya.
(Bediri}
Paderi: Laban abi telih iya menais seruran pedis, lalu mayoh darah iya nyau dibai iya bejalai, sekali da Tuhan Jesus nyau enda dapat lalu iya rebah baru.
O Tuhan Jesus, penyalah kami ti besai ngasoh nuan merinsa, ngasoh nuan rebah. Suah kami udah ngaga penyalah kami, kami enggai ngelaban nuan agi. Nyerugang)
Samoa: O Tuhan Jesus, kami rindu ka nuan lebih ari samoa utai bukai; ati kami tusah bendar olih penyalah kami ngelaban nuan. Asoh kami enda besalah agi ngambi kami selalu rindu ka nuan, nitih ka samoa pengasoh nuan.
Paderi: O Tuhan, kasih ka kami.
Samoa: Tuhan, kasih ka kami.
Paderi: Awak ka samengat orang ti udah parai manah.
olih pengasih Allah Taala, idup dalam pemaik.
Samoa: Amin.
(Belagu)
Abi telih s'ruran pedis
Indai anak saum pemedis
Genselan darah abi telih

Ka Lapan - Orang Indu Menda Jerusalem Nyabak Kasih Meda Tuhan Jesus / The 8th Station
Paderi: Kami nyembah nuan, Jesus Kristus, lalu muji nuan.
Samoa: Olih regang nuan ti kudus, nuan nebus dunya.
(Bediri}
Paderi: Leboh indu ti rurus di menoa Jerusalem meda Tuhan Jesus merinsa bakanya sida nyau sinu ati lalu nyabak ka iya. Tang Tuhan Jesus nagang sida, ko iya, "Endu, anang kita nyabak ka aku, tang sabak ka penyalah kita empu enggau ka penyalah anak kita."
O Tuhan Jesus, Tuhan kami, kami ngesal ati bendar meda nuan merinsa laban penyalah kami tu. Asoh kami berubah pendiau enggai ka kami kena umkum Allah Taala dalam Api Neraka.
Nyerugang)
Samoa: O Tuhan Jesus, kami rindu ka nuan lebih ari samoa utai bukai; ati kami tusah bendar olih penyalah kami ngelaban nuan. Asoh kami enda besalah agi ngambi kami selalu rindu ka nuan, nitih ka samoa pengasoh nuan.
Paderi: O Tuhan, kasih ka kami.
Samoa: Tuhan, kasih ka kami.
Paderi: Awak ka samengat orang ti udah parai manah.
olih pengasih Allah Taala, idup dalam pemaik.
Samoa: Amin.
(Belagu)
K'tegal dosa nembiak iya
Meda iya b'gitang ba regang
Datai nyawa diserah.

Ka Semilan - Tuhan Jesus Rebah Ka Tiga Kali / The 9th Station
Paderi: Kami nyembah nuan, Jesus Kristus, lalu muji nuan.
Samoa: Olih regang nuan ti kudus, nuan nebus dunya. (
Bediri}
Paderi: Tuhan Jesus nyau ka datai di tuchong Bukit Kalvari.
Tang laban nyau kelalu lemi tulang, iya rebah baru.
O Tuhan Jesus, olih pemerinsa nuan tu, ampun penyalah kami ti bangat mayoh.
Kenyau ari tu nyemtok ka kami parai ila, kami ka diau rurus ati.
Nyerugang)
Samoa: O Tuhan Jesus, kami rindu ka nuan lebih ari samoa utai bukai; ati kami tusah bendar olih penyalah kami ngelaban nuan. Asoh kami enda besalah agi ngambi kami selalu rindu ka nuan, nitih ka samoa pengasoh nuan.
Paderi: O Tuhan, kasih ka kami.
Samoa: Tuhan, kasih ka kami.
Paderi: Awak ka samengat orang ti udah parai manah.
olih pengasih Allah Taala, idup dalam pemaik.
Samoa: Amin.
(Belagu)
O nuan indai pun p'gerindu
Tegu roh ku ari atas
Gaga ati ku neladan nuan.

Ka Sapuloh - Orang Muka Baju Tuhan Jesus / The 10th Station
Paderi: Kami nyembah nuan, Jesus Kristus, lalu muji nuan.
Samoa: Olih regang nuan ti kudus, nuan nebus dunya.
(Bediri}
Paderi: Udah Tuhan Jesus datai ba endor orang ka munoh iya. sida lalu ngadu ka regang. Baju Tuhan Jesus nyau lekat ba abi telih iya ti sabelah tuboh iya. Orang ngeruntun muka baju iya kasar udu; telih iya lalu bedarah baru.
O Tuhan Jesus, nuan malu di moa orang olih kereja jai kami tu. Awak ka kami diau rurus ati selalu, ngambi kami enda malu di moa nuan, datai nuan ngabas kami ila.
Nyerugang)
Samoa: O Tuhan Jesus, kami rindu ka nuan lebih ari samoa utai bukai; ati kami tusah bendar olih penyalah kami ngelaban nuan. Asoh kami enda besalah agi ngambi kami selalu rindu ka nuan, nitih ka samoa pengasoh nuan.
Paderi: O Tuhan, kasih ka kami.
Samoa: Tuhan, kasih ka kami.
Paderi: Awak ka samengat orang ti udah parai manah.
olih pengasih Allah Taala, idup dalam pemaik.
Samoa: Amin.
(Belagu)
Bai ku ngasai ka pengasai nuan
Roh ku p'renching lalu lela
Nggau p'gerindu kristus Tuhan.

Ka Sabelas - Orang Mantang Kaki Jari Tuhan Enggau Paku Lawang / The 11th Station
Paderi: Kami nyembah nuan, Jesus Kristus, lalu muji nuan.
Samoa: Olih regang nuan ti kudus, nuan nebus dunya. (Bediri}
Paderi: Orang ngengkah regang ba tanah, lalu ngasoh Tuhan Jesus gali atas iya. Iya ngunjor jari iya ngambi ka sida mantang iya enggau paku lawang. Dipantang sida, lalu nyau engkeching darah iya.
O Tuhan Jesus, nuan meri nyawa diri, kena nanggong ukum penyalah kami. Darah nuan ambis nyau kena nebus kami. Tegal nya kami deka meruan rindu ka nuan, meda nuan udah rindu ka kami lebih ari nyawa diri empu.
(Nyerugang)
Samoa: O Tuhan Jesus, kami rindu ka nuan lebih ari samoa utai bukai; ati kami tusah bendar olih penyalah kami ngelaban nuan. Asoh kami enda besalah agi ngambi kami selalu rindu ka nuan, nitih ka samoa pengasoh nuan.
Paderi: O Tuhan, kasih ka kami.
Samoa: Tuhan, kasih ka kami.
Paderi: Awak ka samengat orang ti udah parai manah.
olih pengasih Allah Taala, idup dalam pemaik.
Samoa: Amin.
(Belagu)
Indai Kudus tempa aku
Ati ti telih disuman
K'tegal p'nyelamat diregang.

Ka Duabelas - Tuhan Jesus Parai Di Regang / The 12th Station
Paderi: Kami nyembah nuan, Jesus Kristus, lalu muji nuan.
Samoa: Olih regang nuan ti kudus, nuan nebus dunya.
(Bediri}
Paderi:Tiga jam Tuhan Jesus begitang ba regang. Leboh nya darah iya seruran nichir nengah tuboh tya nurun ka tanah. Tang sekumbang iya merinsa baka nya, iya minta Apai iya ngampun penyalah orang jai ti munoh iya. Udah nya iya ngasoh rasul John ngibun Maria, Indai iya. Tembu nya, iya bejako enggau nyawa nyaris, ko iya, "kereja aku di dunya udah tembu." lalu apus seput iya.
O Jesus Tuhan kami, leboh kami deka parai ila, awak ka nuan semak kami lalu mai kami niki ka menoa serega.
(Nyerugang)
Samoa: O Tuhan Jesus, kami rindu ka nuan lebih ari samoa utai bukai; ati kami tusah bendar olih penyalah kami ngelaban nuan. Asoh kami enda besalah agi ngambi kami selalu rindu ka nuan, nitih ka samoa pengasoh nuan.
Paderi: O Tuhan, kasih ka kami.
Samoa: Tuhan, kasih ka kami.
Paderi: Awak ka samengat orang ti udah parai manah.
olih pengasih Allah Taala, idup dalam pemaik.
Samoa: Amin.
(Belagu)
Bai aku saum pemedis nuan
Tegal dosa ku nuan m'rinsa
Nuan mati nganti aku.

Ka Tiga-Belas - Orang Ngingkas Bangkai Tuhan Jesus Ari Kayu Regang / The 13th Station
Paderi: Kami nyembah nuan, Jesus Kristus, lalu muji nuan.
Samoa: Olih regang nuan ti kudus, nuan nebus dunya.
(Bediri}
Paderi:Udah nyawa Tuhan Jesus apus, samoa orang lalu pulai, tang rasul John enggau indu ti rurus ati tinggal dikaki kayu regang, ngibun Maria ti bangat tusah ati meda Anak iya parai. Josep Arimatia enggau Nicodemus ngingkas bangkai Tuhan Jesus ari kayu regang, lalu nyua iya ka Maria, Indai iya.
O Maria, ari menya nadai indai orang udah tekelalu tusah ati baka nuan, meda Anak nuan merinsa, meda iya parai. Kami tu tusah ati mega. Kasih ka kami lalu ibun kami berari-rari baka anak nuan empu.
(Nyerugang)
Samoa: O Tuhan Jesus, kami rindu ka nuan lebih ari samoa utai bukai; ati kami tusah bendar olih penyalah kami ngelaban nuan. Asoh kami enda besalah agi ngambi kami selalu rindu ka nuan, nitih ka samoa pengasoh nuan.
Paderi: O Tuhan, kasih ka kami.
Samoa: Tuhan, kasih ka kami.
Paderi: Awak ka samengat orang ti udah parai manah.
olih pengasih Allah Taala, idup dalam pemaik.
Samoa: Amin.
(Belagu)
"Wak ka aku nyabak nggau nuan
Ngulit ka iya ti ngulit ka aku
Sapemanjai umor ku.

Ka Empat-Belas - Orang Nganjong Bangkai Tuhan Jesus Ka Pendam / The 14th Station
Paderi: Kami nyembah nuan, Jesus Kristus, lalu muji nuan.
Samoa: Olih regang nuan ti kudus, nuan nebus dunya.
(Bediri}
Paderi:Udah Maria ngadu ka bangkai Tuhan, orang ti rurus nganjong iya ngagai pendam. Pendam nya ditutup lalu sida pulai.
O Tuhan Allah Taala, kami mega parai ila lalu di anjong orang ngagai pendam. Nya sigi patut laban penyalah kami mayoh. Tang kami minta nuan ngibun nuan datai ke belama-lama.
(Nyerugang)
Samoa: O Tuhan Jesus, kami rindu ka nuan lebih ari samoa utai bukai; ati kami tusah bendar olih penyalah kami ngelaban nuan. Asoh kami enda besalah agi ngambi kami selalu rindu ka nuan, nitih ka samoa pengasoh nuan.
Paderi: O Tuhan, kasih ka kami.
Samoa: Tuhan, kasih ka kami.
Paderi: Awak ka samengat orang ti udah parai manah.
olih pengasih Allah Taala, idup dalam pemaik.
Samoa: Amin.
(Belagu)
Leboh tuboh udah anchor
Bai samangat ngambi mujor
Menoa serega ti mulia.